حملة لا للإختبارات لمدة اسبووع !! الرجاء عدم الحذف حسوو فينا !!..

[حده غيرقت]

السلام عليكم ورحمة الله و بركاتة

والصلاة و السلام على أشرف الأنبياء و المرسلين سيدنا محمد و على آله و صحبة أجمعين

أما بعد :-

يا أخواااان تكفووون وربي اكتب لكم و دمعتي على خدي
اهلي في مكان و انا في مكان
يوم المطر فرق بيني و بين اهلي
وسيارتي في مكان و انا في مكااان
تخيلو مشي لمدة 6 ساعات من طريق المدينة الى المطار القديم عند احد الأصدقاء
وحسيت اني قليل ادب جالس عندو روحت استأجرت شقه بـ 250 ريال سرقه عيني عينك
أستغلال لكل شي
التاكسي يطلب 150 ريال مشوار من طريق المدينة للمطار القديم !!
و المشوار دا كلو ما ياخد أقل من ربع ساعه
يا أخوان نحن طلاب و طالبات جامعة الملك عبدالعزيز نعااني من عدم الإحساس من عمداء و وكلاء جامعتنا الكريمة التي تفتقر لكل وسااائل السلامة و الكل يدري ايش صار يوم المطر و الكهربا انطفت و بناتنا عيشوهم في رعب و مبنى التمس و سقف يطيح
فوق دا كلو اختبارات !!! أجلوها الخميس و برضو أجلوها السبت !!
لا سوو شي

الي في السامر بيقدر يطلع من بيته ؟؟
الي في النسيم ؟؟
الي في البغدادية ؟؟
الي ماعندو سيارة ؟؟ يركب لموزين بـ 150 ريال ؟؟
ألي فاقد انسان عزيز عليه ؟؟
ألي و الي و ألي والي

تفكوووون نبغا تأجيييل للأختبارات الأسبوع دا بس
يرحم والديكم وصلو الكلام هذا للإدارة الجامعة النايمة

تكفووووووووووووون لا يووووقف أنشرووها بين كل عزيز لكم ليصل صوتنا للأداريين في الجامعة

أخر شي ما أبغا أنزل صور و اوريكم حجم المأساة الي صارت في جدة الكل شاف و سمع
والي يقولوه في القنوات السعودية الأولى و الإخبارية
وربي كدددددددددددددددددددددددددب
اموااااااااااات بالهبببببببببل سيارااااااات بالهببببببببببببل مفقووودييييين بالهبببببببببببببببل

الي يقول انقذو العالم خليهم يروحو البغدادية وربي قدام عيني واحد يبكي مافي ولا شي في البيت عندو ولا يقدر يخرج اهلو

تكفوووووووووون لا تحذفووو مووووضعي وربي من قهررر اكتب

جـــــدهــــ غـــــيـــرقـــــتـ

[عين كحيلة]

الله يكون في عونك ويساعدك ويهون عليكم والله مافي يدي شيء بس قريت الرساله منجد حزنتني بالله وين هذولي المسؤلين عن التصريف ليه كذا الاهمال هدولا مو ناس

[عب18ودي]

اشكرك اخوي ع الموضوع ومن جد نحتاج انه نوقف الاختبارات مو عشانا نحنا عشان اخوانا واخوات اللي تضررو والله يعين الجميع والله شي يقطع القلب من جد حسااااااااااافه على هولاء اشباه الرجال المسوؤلين عن كوارث جده وبا النسبة للتلفيزون السعودي يعتقد ان حنا اغبياء ويقولو امطار خير وبركه والناس تمووووووووت حسبي الله ونعم الوكيل

[علمي طريق جنتي]

حسبي الله ونعم الوكيل الله على الظالم

[حده غيرقت]

تكفوووون موضوعي دا وصوله للمسؤلين في جامعتنا
موقع الجامعة الى دحين ما فك !!
يبغونا نختبر

[حده غيرقت]

وربي يا عااالم

عمي ساكن في السامر سيارتو في الشارع تغرقت و الكهربا التمست في البيت عنده
و هوا في السطووح الى الحييييييين وربي وربي وربي

أي نفسية هذه الي بتذاكر و تفك الكتاب وهو بعيد عن اهله ؟؟


لا و ألف لا للأختبارات


الله لا يردها اختبارات ادا بضحي بنفسي عشانها ولا اطلع من بيتي ولا ادري ادا برجع ولا لا

[Ansak da klam]

الله يكون في عونك كله باجره ان شاء الله
وانا معاك بالتاجيل الى بداية الترم الثاني ويتم تعليق درجات بقية المواد الي ما اختبرو فيها الطلاب
لاني مخلص باقي لي اختبار الخميس الغوه وابغى اساافر وما ادري اش الوضع

[samba girl]

وأنا معاكم ..والله اختي شافت الموت ومو قادرين نتحمل كذبهم واستهتارهم بارواحنــا
بس كيف نظمن انهم يسمعونا .....

[ebt063]

أنا عندي اختبرين يوم الأحد والأثنين وماني قادره أذاكر من إلي شوفته
للأسف إهمال من الجامعة ركبونا الباصات الخالد وبغوا يؤدونا الطريق السريع في وقت السيل عشان نقدر نوصل للشمال جدة
ولو أحنا البنات رفضنا نكمل الطريق كنا جثث في السيول
وخلينه يوقف عند أحد البيوت واستضوفنا الله يعطيهم العافية

[آشجآن~]

ارسلو طلبكم ع ايميل اي دكتور من الجاامعه يقدر يوصله للاداره ان شااء الله


انا لله وانا اليه رااجعوون>>شيئ يبكي:(