مواقف سيارات اليابانيين.... سبحان الله

[Biba]

بسم الله الرحمن الرحيم

شوفوا التطور عند اليابانيين فين وصل

فكرة الموقف هي الاستفادة من باطن الأرض ..
تقوم بإيقاف سيارتك في الأعلى وتخرج منها ثم تحصل على كرت دخول ..
بعدها ستجد أن سيارتك قد دخلت في الأرض ..
وأوقفت ضمن 5000 سيارة أخرى كما في الصورة..
وإذا أردت الخروج كل ماعليك هو ادخال الكرت الذي حصلت عليه
وستخرج لك سيارتك خلال ثواني ..

ويأتي الزوار من كل أنحاء العالم ليشاهدوا هذا الاختراع العظيم بكل ما تعنيه هذه الكلمة


سبحان الله
اللهم ارزقنا ما رزقتهم فأنت القادر على كل شيء
آمييييييييييييين

[Biba]

سووووووووووووووري سوري سوري سوري
مرررة مرررررررررررة آسفة إني منزلة معلومات خطأ في الموضوع

ترى الصورة دي في المانيا مو في اليابان
وهيا تبع شركة فولجز فاجن
وموقفين فيها سيارات ( بولو )

المشكلة إنو الصورة دي جاتني على الايميل ومكتوب فيها المعلومات اللي أنا كاتبتها في البداية
بس الصورة كانت أصغر من كدا لمن نزلتها على جهازي
ودحين لمن نزلت الموضوع في المنتدى اكتشفت اكتشاف فظيييييييييييع

---------> اقروا الكلام اللي بالانجليش تحت الصورة وانتو حتفهمو قصدي

ومعليش مرة آسفة وإن شاء الله ما تتكرر تاني
وإن شاء الله يكون درس ليا ولغيري إنّو لازم نتحرى الدقة في المعلومات قبل ما ننشرها

[ليدر أستوديو هبقات]

يعني الكلام اللي فوق كان خرش

وبعدين قرأتي الكلام اللي تحت وقلتي عيب ما يصير وقعدتي تترجمي

لوووووووووووووووووووووووووووووووووووووووول

والله أمزح

والألمان أمخاخهم جباره

شكرا على الموضوع وعلى الطرفه اللي سويتيها

[maryam]

شكرا على الموضوع الصوره فكرتني بفلم امريكي اسمو اي روبت لويلي اسميث..عاملين نفس فكره دي المواقف.طبعا كان احداث

الفيلم في المستقبل..(؛

[الشاكي]

أما لو يسووها بالجامعه

كان فكووو أزمه

[نضال]

انا شفت افلم اللي تتكلم عنه مريم .. الفلم كان فتاك


بالنسبه لليابان .. انا اعرف انهم قبل فترة احتفلوا بانهم قفلوا اخر اشاره مرورية في اليابان كلها .. يعني شعب متحضر لدرجة انه يعرف كيف يمشي بدون اشارات في الشوارع ..

عندنا .. يا قلبي لا تحزن

باشارات و محنا عارفين نمشي !!

[مستشار]

اعتقد انها موجوده هذي المواقف في اليابان
حتى الدراجات لها مواقف زي كذى

[ليدر أستوديو هبقات]

واحد شخص جنبي يقول شافه بنفسه في ألمانيا

لمعرض سمارت

يقول كأنه محل ألعاب

مافي قدامك إلا سمارت وألون على كيفك

[Biba]

شكراً لكل اللي شرفونا بردودهم

ومن جد فيلم آي روبوت خطييييييييييييييير
اللي ما شافوا يروح يلحق عليه بسرعة

[Biba]

وبعدين تتريقوا عليا كمان
ها
احمدوا ربكم إني ترجمتلكم الموضوع -------> تبعد الغلط عن نفسها

أمزح
أدري إنو الغلط مني لأني ما أتأكدت من المعلومات قبل ما أنزلها