سؤال للشباااااااااااااااااااااااااااااب؟؟

[سوسن الحربي]

لأ. انا مصدومة ما اتوقعت انوا هادي طريقة تفكير شبابنا بعدين احنا بنتكلم في حدود الأدب ولازم البنت يكون ليها رأي ولا انتوا تبغوا وحده هبلة , ما اعتقد يا "لله الكمال " انوا ايام الرسول صلى الله علية وسلم كان في فرق بين النساء والرجال , بالعكس كانت المرأة ليها رأي وتناقش الرسول والخلفاء من بعده , المشكلة انك كاتب "الكل من آدم وآدم من تراب " يعني حريم ورجال كلنا من تراب مافي احد احسن من التاني , على كده ما حتلاقوا بنات تتزوجوهم , الله يهديكم .

[سوسن الحربي]

صح كلا مك يا miss.Eblesa انا عن نفسي عمري ما دخلت شات او منتديات او فيس بوك اول منتدى ادخله منتدى الجامعة وشايفة انو جداً محترم .

[أنا وبس]

جداااااااااااا مستغربه من الردود اللي قريتها....

هادا واحنا طلااااااااااب وطالبات جامعيين كدا تفكيرنا واجل لو ناس اوميه ايش بنقووول

شي غريب من جد...

[الهامـــس]

خخخخخخخخخخخخخخخخ

انا متخلف اذا وافقت
بس طبعا المنتديات تختلف عن بعض

اذا كان المنتدى اللي هي مشاركه فيه خاااص بالبنات واسرارهن
او يكون منتدى جامعي يعني تكون تدرس بالجامعه وتستفيد من المنتدى يكون عاادي
او يكون منتدى ثاقب وله وجهته الهادفه البناءه لتنمية الفكر وتيسير الامور الحياتيه والثقافيه
فراح يكون من دواعي سرور



اما منتدى سوالف بسوالف وغزل وخرابيط مستحيل

طبعا هذا رأيي انا

[اداري و افتخر]

أغلب المتزوجين و المتزوجات يتركون المنتديات بالإنترنت بعد زواجهم لإنشغالهم بالحياة الجديدة.,,

أما اذا كانت مشتركة بمنتديات مختصه و مفيده فأنا اسمح لها بذلك..

و ما عليك بأسجل في نفس المنتديات و أراقبها ....خخخخخخخ


مشكور حبيبي على الموضوع

[الساهر98]

يلا بجاوب عشان حلفتيني المهم..
















والله فترة الخطوبة حنتعرف على افكار بعض اكثر و بعدين المسألة مو مسألة منتديات و بس ..
أكو بنات تعلقهم بالنت و المنتديات صار اقرب بالتعلق المرضي.. و خاصة اذا صارت مشرفة
و تصيرلي عزولة و متفاعلة مع المنتدى باحزانه و اتراحه.

ففي الخطوبة اشياء كثيرة حتتبدل..

[دلوعه]

حلوة الغيرة بس لما ما تكون مرضية زي اللي يعاني منها مجبور اوادعها

وأنا العيلة كلها تشوف مواضيعي وردودي ...مو معناته أنو ما عندهم ثقة فيني بس على قولة أمي :علشان ما يكون للشيطان طريق
وما دامهم الأهل ربوا صح ،،، والبنت كان تفكيرها ناضج ،،، ما راح يضرها

وعن نفسي إذا حسيت أن زوجي رافض دخولي للمنتدى من باب الغيرة راح أفرح وفي نفس الوقت أوضحلة صورة مشاركاتي عجبته أستمر ،،، أو مالنا غير الله

أما والله لو كان من باب الشك ،،، ما أجلس في بيته دقيقة ،،


" وعلى قولة واحد : هيا المتزوجة لاقيه وقت تحك راسها ؟؟ "

[handsom]

والله السالفه تبقى على وين تكتب وماذا تكتب

بالله سؤال بصراحه هل اللي تدخل موقع تعليمي مثل هذا او تدخل موقع خاص بالمراه

مثل اللي تدخل شات او مواقع ماودي اذكر اسمها وتعرض جسمها او صوتها .

يااخواني هذي وجهة نظر المفروض نكبر عقولنا ونرتقي ونترك الشك الزائد اللي ماهو مثمر

وصدقوني اللي تبي الخراب بتخرب سواء عن طريق نت او جوال او حتى بالشارع

واصلا اذا كنت بتزوج فانت بتعرف انت بتتزوج من اي بيت وبتكون عارف اهلها وعندك معلومات كامله

بعدين ليش ماتكون الصراحه عنوان بينك وبين زوجتك او اختك للعزابيه يعني هل اسلوب الجفاف ينفع

لا والله احلى اسلوب برأيي هو اسلوب النقاش .
على العموم هذي وجهه نظر اخ لكم واحترم وجهات نظركم جميعا والله يغنينا بحلاله عن حرامه .

تحياتي لكم وشكرا لصاحبه الموضوع.

[ابو فراس المدني]

اكيد لكل رجال وجهة نظره في اختيار شريكة حياته وهذا كله يرجع حسب العادات والأعراف اللي كان عايش عليها الزوج فلهذا السبب نجد ان زواج الاقارب عندنا بالسعوديه بكثرة ,, لأن بيتزوج وحده عايشه بنفس البيئه اللي هو عايش فيها ,, لكن انا من وجهة نظري ان اذا عرفت انها بنت رجال ومالها في اللف والدوران فكل هذه الأمور سواءا كانت لها في المنتديات أو غيره مفتاحها في يدك بعد الزواج , لان ممكن انه البنت في بيت ابوها كانت تحس بفراغ في حياتها وكانت تشغل نفسها في هالمنتديات لكن بعد الزواج اكيد يتغير الوضع , فإنت رجال وتعرف تأقلم شريكة حياتك بنفس إسلوبك الا انت عايش فيها لكن انا أقول يرجع لقوة شخصية الرجال نفسه.
وتمنياتي للجميع بالتووووووفيق

[%الزعيمه%]

المفروض اللي ترضاه لنفسك ترضاه لغيرك
وبعدين احنا يالبنات ليش ندور للهم اجلسوا ببيت اهاليكم معززين مكرمين محد يتحكم فيكم بلازواج بلا هم