لكل من اراد التحويل من تعليم عن بعد إلى انتظام في رابغ - مشكلة السكن في مدينه رابغ

[بنت الزهور]

الســــــــــــــــــــلام عليكم ورحمة الله وبركاته حبيت افتح موضوع سكن الطالبات و الطلاب الانتظام في مدينه رابغ ولمن يبحث عن شقه ( مفروشه أو غير مفروشه ) انا طالبة تعليم عن بعد وانتهيت من السنه التحضريه وطالبت بتحويل لانتظام لرابغ بما ان معديل يسمح لي بالتحول بإذن الله ولا كن لا اعرف كيف سيكون الوضع من ناحيه السكن وخاصه إذا كان في شقه مع طالبات لهذا أرجو المشاركه في الموضع لنتساعد من ناحيه موقع السكن و الإجار و المواصلات وباقي الامور قبل بدايه الدراسه لتوفير الوقت والجهد ,وهذا كله فيه فائدة لي و لكم
1434هـ -1435هـ

[بنت الزهور]

أول :-
من ناحيه التحويل الطالبات السعوديات طالبين لتحويل معدل 4لازم لتحويل ,وما يمر على شهاده الثانوي 5 سنوات ,و لازم النجاح في كل مواد السنه التحضريه
, و الطالبات الغير سعوديات طالبين لتحويل معدل 4.75 و نفس باقي الشروط
تحققت فيني الشروط بس مستنيا التحويل ورحت الثلاثاء هذا لجامعه لتحقق من زمن التحويل : قالو انو مو لازم تحصلي على 40 ساعه اهم شئ المعدل و 26 ساعه
و ها تظهر النتائج إن شاء الله على 7/9/1434هـ
أول ما نخلص من دي الحكايه ها اتكلم عن الحذف والاضافه و السكن الطالبات في رابغ ......

[آمال وأحلام]

لاتشيلوا هم حبايبي
فيه بنات كثير مستاجرين برابغ ورابغ حلوة واهلها حبوبين

[جنآني غير]

انا خلصت السنه التحضيريه ومعدلي 4 وسعوديه
دحين تخصصت قانوون
يعني يمديني احولل انتظام وهل فيه سكن برابغ انا من جده

وابغى اعرف ككف احول انتظام

[دلع رابغ]

المشاركة الأصلية كتبت بواسطة جنآني غير انا خلصت السنه التحضيريه ومعدلي 4 وسعوديه دحين تخصصت قانوون يعني يمديني احولل انتظام وهل فيه سكن برابغ انا من جده وابغى اعرف ككف احول انتظام

هلا فيكم في رابغ ايوه في سكن للطالبات بس حسب الي اعرفه انهم ساكنين على حسابهم في فندق طبعا فيه شقق وكل مجموعة بنات ساكنين في شقة
في فندق مقابل للجامعة ومرة قريب منها وكمان في مواصلات لا تشيلو هم ابد ودعواتكم يقبلوني انتظام امين

[بنت الزهور]

المشاركة الأصلية كتبت بواسطة جنآني غير انا خلصت السنه التحضيريه ومعدلي 4 وسعوديه دحين تخصصت قانوون يعني يمديني احولل انتظام وهل فيه سكن برابغ انا من جده وابغى اعرف ككف احول انتظام

أول :يب إن شاء الله يقبلوكي انتظام , والتحويل عن طريق الاودس -الطالب - اختاري خانه التسكين والتحويل و الكليه إلى بتحولي فيها

تاني : اليوم دخلت الاودس و مالقيت شي عند متابعه خيرات التسكين و التحويل ها استني لين 20 /9 و إن شاء الله خير
عندي طلب صغير :

لكل من كان طالب و طالبة انتساب او تعليم عن بعد في الأعوام التى مضت و تحويل انتظام ان يشارك في الموضوع من ناحية ( كيفيت التحويل - ومن فين جاه القبول في الاودس-وهل تشترط الجامعه اوراق عند القبول او لازم اراجع الجامعه عند القبول -وهل يمكن تغير التخصص بعد القبول )

الله يسعد وويغفر ذنوب و يدخل الجنه بدون حساب من شاركنا في موضوعنا وخفف علينا صداع الجامعه ذا

و من ناحيه رابغ :- إن شاء الله إذا انقبلت فيها ها انزل و اشوف اسعار الشقق و عدد الغرفه وموقعها من ناحيه القرب من الجامعه
ونبدا نرتب امورنا في السكن .................... إيش قلتو موافقين بنوتات مين معاي ؟.

[بنت الزهور]

انا يوم الاربعاء 15/9 رحت الجامعه اشان اسئلهم عن موعد التحويل قالو روحي الفرع إلي في الفيصليه جنب مستشفى باقدو والدكتور عرفان واسئليهم
رحت يوم الخميس في فرع الفيصليه عند مبنى القبول والتسجيل غرفه وحدة الشوؤن التعليمية وقالو ( استنى لغايه 7 شوال إذا ماجاني شئ في الادوس عند الاستعلام الشامل
أراجهم واجيب معاي كشف لدرجات الطالب اشان المعدل و اصل شهاده الثانوي بس وهم بأذن الله ها يحولني


و الطالبات إلى جاهم التحويل بقيلهم الجدول يسوه وهذا الرابط حق الحذف والضافة

[Primrose1111]

حبيباتي انا انقبلت انتظام رابغ وانا من برا رابغ وادور شريكه معايا في السكن اللي حابه التفاصيل تراسلني على الخاص

[mrmr11]

وعليكم السلام ورحمة الله وبركاتة , أختي أنا كمان تقريبا زي حالتكم أنا أنتظام وحولت لرابغ بس مشكلتي بسكن ماعندي سكن برابغ ولو أحد عنده سكن حاب أني أشاركهم فيه فتواصلو معي أو نعمل قروب ونستاجر شقة والخ , ياليت تردو بسرعة عشان مانتوهق بداية الدراسة