ممكن مساعدتكم مو فاهمه شي :(

[سوسو سكره]

السلام عليكم
كل عام وانتو بخير
لو سمحتو حابه بس احد يجاوب على اسألتي لاني حايسه وموفاهمه شي ومحتاره
انا خلصت التحضيري وتخصصي نزل (لكلية الاقتصاد والادارة بالقسم :ادارةعامة-ادارةالخدمات الصحيةوالمستشفيات)
يعني الان انا بدرس اداره مستشفيات
بالخطه الدراسيه عندي 7 مواد هالترم
ومن الترم اللي راح مااتوفقت بالرياضيات وابغى اختبره هالترم عشان اقدر احول انتظام لاني لو معاي ماده مانجحت فيها مايحولوني انتظام
بس سؤالي هل ممكن انا لو اختبرت رياضيات مع المواد الباقيه يمديني اوفق بينهم ولا بضغط نفسي بامواد لانهم بيصيرو 8 مواد ؟؟؟؟؟

بليـــــز احد يجاوبني باقرب وقت

[عـ,,,ـل]

اصلن كيف حتاخدي 8 مواد مره مايجي حتتعدى 18 ساعه

تاني شي لا تضغطي نفسك في المواد عشان معدلك يكون عالي لو معلدك اقل من4 مارح تحولي انتظام

وبالتوفيق