سؤال عن ماده حره عن الملابس..

[DNA..~]

السلام عليكم

الترم اللي راح قابلت بنت من العلوم..مدحت لي ماده حره من كليتكم..

ما افتكر اسمها تتكلم الماده عن انواع الملابس و اسماءها..

و ايش كان الرسول عليه الصلاة والسلام يلبس.. و زي كذا

ابغى اعرف اسمهآآ ورمزهآ ومين احسن دكتوره تدرسهآ وكيف الماده ان جنرال..؟ و كيف المشاريع فيهآ..؟

طيب ممكن كمان ترشحوا لي ماده حره حلووه..و دكتورتها تكون كووويسه..

[الفراشة المتألقة]

ممكن يكون اسم المادة الي تقصديها عيني (( تاريخ أزياء ))

أنا بقسمي ( طفولة ) في مادة حرة اسمها صحة طفل
مرررة حلوة المادة ، مع دكتورة هدى جلال مررة لطيفة
تاخدي فيها عن التطعيمات ومواعيدها ، وأمراض الأطفال المعدية والفتاكة ( الأعراض ، الوقاية ، العلاج )
والاسعافات الأولية
هذا محتوى المنهج

أنا مرة عجبتني المادة وأخدت فيها 95

د.هدى تهتم بالمحاضرات أكتر من الكتاب ،، لو أخدتي المادة نصيحة أكتبي معها

الله ييسرلك الخير يارب

[DNA..~]

ايووووووووه

هي ذي تاريخ ازياء و انسجه << على كلام وحده من البناااات..

طيب ايش رمز صحة طفل؟ و ايش اسم الكتآب..؟

مافي ملزمه ؟ظ

مره شكرًا ربي يوفقك

[Miss Hiruma]

الله يعطيك العافيه..

بليز ابغى رمز الماده حقت صحة طفل...^^

[queen soso]

حتى انا ابغى رمزها ^_^

< بس سؤال : هيه مفتوحه لكل الكليات ؟؟

وياليت كمان تفيدونا بأي مواد حره ولو فيه خياطه وشي زي كذا ^_^


تقبل الله صيــاامكم ~

[الفراشة المتألقة]

آسفة كتير ع التأخير
اسم المادة : صحة الطفل وتغذيته chs 233
الفصل الماضي كان مسموح بيها لجميع الكليات كمادة حرة

ولو حابين مواد فيها خياطة شوفو قائمة المواد الحرة المسموح بيها للكليات لأنها تتغير كل سنة ، الله أعلم قسم خياطة ونسيج حينزل ايش من مواد

أنا أخذت إدارة مدرسية + صحة نفسية كمواد حرة في الفصل الصيفي هذا

بالتوفيق للجميع

[DNA..~]

شكرًا لكِ اختي..

الله يسهل علينآ إن شاء الله :)

[طنقع]

الفراشة المتألقة ,

دامك اخذتِ ادارة مدرسية ودّي انك تفيديني منهجها بالضبط عن ايش يدور ؟
هل هو دسم أو لا ؟ كتاب والا من المحاضرات ؟
واسئلتها كيف ؟ من شرحها والا الكتاب ؟

وبس
الله يسسسعدكِ

[الفراشة المتألقة]

هلا عزيزتي طنقع
أخدتها مع د.نجاة الصايغ
هي حبوبة وأسلوبها جميل وشرحها حلو ، تحسيها فاهمة وتبغى تفهمك
لكن أسئلتها معقدة لازم تكوني فاهمة مو حافظة ، لأنه كتير أشياء يكون مكتوب في الكتاب شي وهي تقول لا هو كذا ( بالفهم ) ، وتكاليفها مو هينة
الحفظ والاختبار من كتاب إدارة مدرسية اتجاهات معاصرة لو ما خاب ظني في اسم الكتاب ذكرته صح أو لا