أحلى نومة و أحلى سحبة ع الدوام . . من أولها :p .. مين داوم لهذه الشعب ؟

Alaa Al ghamdi · 20-02-2011, 03:49 PM

المشاركة الأصلية كتبت بواسطة mis10

بالنسبة لجهاد حيدر .. انتا معايا بنفس الشعبة
وحضرت اليوم عندو واعطانا الـ cv حقتوا بشكل مفصل وقعد يسولف معانا .. وبعدها قال لنا كيف نظام المحاضرات راح يكون ..

اول شي الدكتور معاه phd بنفس التخصص .. يعني الرجال مره فاهم

وهوا عايش في ويلز اللي بـ uk .. وليس مولود فيها

ومن ايام المتوسط انتقل لبريطانيا وكمل فيها كل دراسته هناك للدكتوراه ودرس بجامعة عاصمة ويلز ..

وقعد يحش شويتين بنظام الكاميرات المعوق اللي عند قسم البنات هههههههههههههههههههههههههه والله موتني ضحك..!

وبعدها قال لنا كيف راح يكون نظام المحاضرات ..

اول محاضرة اللي هيا السبت بتكون الشرح للدرس الجديد ..
وثاني محاضرة يوم الأثنين .. تحديداً بيكون هذا يوم شبه off لأنو بس راح يعطينا واجب فيه وخلاص نروح .. ومرات ما يحتاج نجي .. بس يعطينا اياه يوم السبت ان امكن ..
وبثالث محاضرة اللي هيا يوم الأربعاء بيكون تسليم الواجب.. ومو بس تسلم الواجب وتسكت ... لاااا .. لازم تقعد تتناقش معاه بالواجب ..

وفي 20% من الدرجات راح تكون على حضور يوم الأربعاء وعلى الواجب وعلى النقاش معاه ..

يعني اذا ناقشك .. وانتا سكت .. راح يعطيك درجة واطية من الـ 20% هاذي

وعلى حسب كلامه .. يقول انه انتم الدفعة اللي وصلتوا هنا من افضل الطلاب .. لأن في كثيـــر طلاب محفرين بالترم اللي فات ..

ويقول انه كـــل دكاترة هالترم راح يكونوا شديدين جداً اكثر من الترم اللي فات .. لأن مسؤول الأعتماد الأكاديمي قال لهم انوا حتى لو نص الدفعة سقطوا هالترم ماراح تفرق معاهم .. وما راح يكون فيها دف زي الترم اللي فات ..

ويقول انوا هالترم المفروض تكون كـــــل الأختبارات مقـــــالية ! يعني بالانجليزي essay

لأن الأعتماد الأكاديمي من الجامعة الأمريكية فرض هالشيء .. ولكن مدير الأعتماد الأكاديمي حاول بشتى الطرق انو يخلي هالترم بدون اسالة مقالية .. لأنوا لقى حجة عليهم ان الطلاب لسه ما كملوا الانجليزي كامل .. لذلك هالترم راح يكون سؤال واحد مقالي بالأختبار فقط ..

ولكن من بعد اجتياز الطلاب لأنجليزي متقدم 2 .. راح ندخل عالنظام الأمريكي البحت .. اللي هوا مقاليxمقالي وكررررررررررف !

وهذا اللي قدرت اتذكره من كلامه .. و اذا اتذكرت شيء ثاني راح اكتبه هنا ..

وفي خبر سيء للبنات .. بس مو لذك الدرجة سيء لانوا مجرد كلام والجامعة ما راح تسكت عليه ..

الدكتور قال لنا انوا المسؤولين حقين الأعتماد الأكاديمي (الأمريكان) ممكن يرفضوا انهم يعطوه للبنات .. لأن نظام الكاميرات مو عاجبهم .. ويقولوا لازم الدكتور يكون فيس تو فيس مع الطالبات ..
ولذك الجامعة من الترم الجاي بتجيب مدرسات اجنبيات لقسم الطالبات ...
و اذا الجامعة استمرت على هالشيء مع الطالبات .. راح يلغوا الأعتماد

لذلك نصيحتي لكم يا بنات .. طالبوا بمدرسات اجانب ..

وشكراً ..

ايووووووووووه نسيت شغلة مهمة ..

الدكتور قال لنا انوا من شروط الأعتماد الأكاديمي ان الطالب لازم يخلص مادتين من مواد المقرر .. بنفس الجامعة حقت الأعتماد اللي بأمريكا مدري بريطانيا ..

لذلك من الترم الصيفي الجاي راح يرسلوا الطلاب دفعات دفعات يدروسوا ترم فيه مادتين ويرجعوا

يعطيك العافيه
كلامك مرة مفصل ومرة دقيق فادني مرة
معاهم حق بالنسبة للكميرات
مالو داعي دكتور يدرسنا من ورى شاشة
يجيبو دكاترة اجانب اعتقد ماهي صعبه

بالنسبة انو الاعتماد لازم مادتين تدرس برا

ليش ماحد جبلنا طاري؟
انتو عندكم علم من ادارتكم من قبل ولا من الدكتور هذا

لانو شكلو والله اعلم انو شهادتكم انتو بس اللي معتمده اذا ماتصرفو