يا متورط بالهمواد !!!!! ادخل اكيد بتقدر تساعدني

[n-70]

بسم الله الرحمن الرحيم
السلام عليكم ورحمة الله وبركاته

بالله ممكن ممن لديه العلم ان يديني فكرة عن المواد التالية وايش هم احسن الدكاترة
وتذكروا قول الرسول صلى الله عليه وسلم :
(ان الله في عون العبد مادام العبد في عون اخيه المسلم ).



Acct101 مبادىءالمحاسبة Principles Of Accounting
وbus101 مبادىء الادارة Principles Of Management
و
Econ101 مبادىءالاقتصاد الجزئي Principles Of Microeconomics
لا يوجد متطلبات لهذه المادةecon102 3 مبادىءالاقتصاد الكلي Principles Of Macroeconomics
Math-130econ204 3 تحليل كمي (2)



خربطه صح


بس ساعدوني بليز

[loletaaaaa]

اخويا
المحاسبه صعبه شويه بس لوركزت وكان الدكتور كويس تجيب متفوق طبعاواحضر بانتظام
مبادئ اداره مره سهله اقرا الكتاب بتركيز مره شديد وركز فالاسئله هما يجيبوها تلخبط شويه كده فيها تريكات بس ركز مره وانت تحل انو يطيرو حرف ولا شي ويضيع معنى الجمله
كلي وجزئي مره سهله وحلووووووووووووووووووووووووووووووووووووووووووووووو وه
واسئلتها سهله مايقدرو يلخبطوك ابدا
الكمي كمان سهل جدا جدااااااا وحلو
والتلاته الاخيره بس فهم الحفظ مو داكا الشي الجزئ النظري برضو على الفهم ترا
موفق يارب
تبا شي اسال كلها درستها انا

[n-70]

loletaaaaa ربي يوفقكـ ويسعدكـ ويرزقكـ ويحقق لك كل اللي تتمناااااه

الف شكر يالغالي كفيت ووفيت

بس احسن الدكاتره ازا ممكن

[H@nEEn]

مررحبااا اخ n-70

التلاته مواد انا كمان اخدتهم ,, وماراح اضيف شي اكتر مت الي قالته لوليتا

المحاسبه 101 ماده تعتمد ع الفهم والتركيز وحضور المحاضرات بانتظام وعدم التهاون بيهاا

مبادئ الادارة ماده حلوة قيها من واقع حياتك والي حتستفيد منه ان شاء الله في حياتك المهنيه ,, اااممم بس تعتمد ع الفهم والحفظ شويه في بعض الموضوعات ,, اكيييد (مع اني ما افاولك واتمنى انها تجي سهله) انه الاسئله بتجيك محورة شوية يعني بطريقه اخرى غير الي ذاكرتها انتا ,, وهنااا عاد تركيزك وفهمك هو الي بيخدمك ومررة سهله لا تشيل همها

اووه صح نسيت اقلك
لا تركمها ع بعض ,, ازا احتجت تحفظ احفظ طوالي عشان لا تتعب في النهائي


الاقتصاد الجزئي ,, جزء نظري وجزء عملي
النظري افهمه كويس
العملي مجرد قوانين وتركيز وتحل المسائل وبسسسسس
ومادة مرررررررررة ممتعه اذا حبيتهااا وكنت تحضر اول بأول


بالتووفيق يارب

[احب الصمت]

السلام عليكم
امكن تكون وجهة نظري في دي المواد مختلفه عن الاخوان في بعض المواد امكن هما اخدوها من قبل كم ترم انا اخدتها الترم قبل الي فات والحمد لله عديتها وهاذي وجهات نظري :
1-المحاسبه : زي ما قالو الاخوان وفي دكتور اسمو (عبد اللطيف با شيخ) كويس افهم مزبوط لكن تعاملو احيانا مع الطلاب مو كويس وفي (مجبور النمري) انا اخدت عندو هوا ما شاء الله (أ د) انا عجبني صراحه لكن بعض الطلاب ما يعجبهم شرحه.
2- مباديء الاداره :والله من اسوء المواد الي مرت عليا لأني بصراحه ما احب الحفظ وهيا مررررررره فيها حفظ كتير والكتاب تبعها الين الترم الي فات كان اكتر من 500 صفحه (بدون مبالغه) وفيلو دش ينزل العين
فهادي الماده اتوقع انها حسب الدكتور لوكان كويس يحدد المطلوب (وترى اختبارات دي الماده مهي موحده - يعني كل دكتور يحط اسئلته) (دا الكلام الين الترم الي قبل الي فات -ما ادري هل مستمر ولا لا-) انا اخدتها عند دكتور اسمه(فهد ادهم) بصفه عامه كويس علي حركات مهي كويسه احيانا بس اهم شي تكتب معا وهوا يتكلم ويجيب الاختبارات من نفس كلامه ومررررره ما يرضى بالتأخير (اذا دخل محد يدخل بعده)
3- الاقتصاد الجزتي و الكلي:( الجزتي ) سهل جدا والكتاب بسيط وصغير لمن تفتحو تتذكر ايام الابتدائي كلو صور وملون.. و(الكلي) الكتاب اكبر شوي بس برضو الماده سهله (اصعب من الجزئي شويه) انصحك تنزلهم عند (حمد الطاسان) مرره كويس ويساعد الطالب وعندك برضو (اسعد جوهر) يقولو كويس (بس لا تنزل عند اسامه فلالي) وترى اختباراتها مهي موحده وانا متأكد لأني آخدها الترم الي فات يعني الاسئله حسب الدكتور
4- تحليل كمي : كلو حسابي (رياضيات) في دكتور اسمه (خالد ابراهيم)مرررررررره كويس ويساعد الطلاب وبرضو في (جمال كتبي)كويس برضو.

دا معظم الي اعرفو عن دي المواد...وبالتوفيييق
ولا تنساني من دعائك اذا استفدت من كلامي حاجه ...