اعداد اطعمه

[غ ـلأ]

السلام عليكم بنوتات

كيفكم ان شاءالله تمام

كيفكم مع جدولكم ان شاءالله مبسوطين <<< يلا اخلصي

انا السمستر اللي فات تخصصة

ونفسي اغير التخصص السمستر هذا اقدر ولا لا

ياليت تفيدوني

وابغى اسئل كيف مادة اعداد اطعمه وكيف استاذهـ لمياء سندس

وتخطيط وجبات كيف سهل ولا لا

ومشكورررين

غ ـلأ

[shnshn halawa]

بالنسبه لتغير التخصص ياريتك رحتي الاسبوع اللي فات قبل الزحمه

بس برضو مايمنع انك تروحي دا الاسبوع وتكلميهم

ينفع ولا لا على حسب التخصص اللي بتروحي ومعدلك

والله يقدملك اللي في الخير يارب ..

بالنسبه للمواد اللي سالتي عنها ياعسل انا واللهي ماعندي فكره

ان شالله البنات يفيدوكي ...

موفقه ^_^

[cinnabon]

المشاركة الأصلية كتبت بواسطة غ ـلأ السلام عليكم بنوتات كيفكم ان شاءالله تمام كيفكم مع جدولكم ان شاءالله مبسوطين <<< يلا اخلصي انا السمستر اللي فات تخصصة ونفسي اغير التخصص السمستر هذا اقدر ولا لا ياليت تفيدوني وابغى اسئل كيف مادة اعداد اطعمه وكيف استاذهـ لمياء سندس وتخطيط وجبات كيف سهل ولا لا ومشكورررين غ ـلأ

هلا خيتو مادة اعداد اطعمة مررة ما تنحب بس كنا ناخدها غصبن عننا

شوفي هيا استازة لميا شرحها كويس بس بعض الاحيان تتوهي معاها في الشرح لما احد يجي يسالها

واصحك تغيبي لانو اغلب المحاضرات تعتمد على انك تكتبي وما توثقي في احد انو يكون كتب كل المعلومات

حتى لو البنات سالوها وقعدت تشرح اكتبي الي تقولواا

وكمان من ناحية الاختبار والواجبات سالتنا تبغوا واجب ولا لأ قلنالها لا ما نبغا

فسارت درجات النظري تعتمد ع الاختبار

وما انصحكم تطلبوا واجب عندها لانو مو اي شي يعجبها :S

ومن ناحية الاختبار لو جاكي سؤاال عللي او فيلو كتابة اصحك تكتبي كلمتين ورد غطاااهااا حتى لو كانت اجابتك صح تقولك ما فصلتي وورتيني انك فاهمة وتاخدي ربع ع الاجابة :S

tفصلي الاجابة بالتفصيييل

وكمان حتقلكم جمعوا مصطلحات الخضاربالانجليزي ونحنا جابتلنا هيا صلي

وفي الاختبار النهائي جابتلنا من المصطلحات الي جوة المنهج اختياري بردوو

والعملي تبعها عبارة عن تجااارب للتاخدي في النظري

بالنسبة لتخطيط وجبااات ماادة مرررة سهلة بتعرفك ع كل انظمة التخطيط وتصلح لمين

وكيف تخططي بكل نظام

[غ ـلأ]

مشكوررين ع ـالمساعدهـ

لاعدمتكم يارب

والله يوفقكم