معا لنحارب المرض ( وليس) المصابين بالمرض

[Dr.Passed]

السلام عليكم ورحمه الله وبركاته ورضوانه

اليوم جيتكم بموضوع جدا مهم وضروري انو المجتمع كلنا صغيرنا وكبيرنا يكون مثقف ويعرف

موضوعنا حنتكلم عن مرض الإيدز

يوم الثلثاء الماضي حضرت محاضره في البترجي للدكتور نزار باهبري

...وفي المحاضره اتفقنا انو الي اتعلمنا كل شخص فينا يوصلو لي 5 أشخاص فقط ع الاقل عشان يسير الكل واعي وفاهم انو احنا متصورين وماخدين المرض بصوره غلط !!!

مريض الايدز مو معناتو اوووه دا الانسان صاحب المرض مايستحي لا سوا مصيبه احسن خلو يمرض


في ناس مولوده بي دا المرض
في ناس تنظلم من ازواجها ويصابو بالمرض
لكن للأسف كتير ياخدو مرض الايدز انو صاحبو لازم نعزلو ونقاطعو ونسيبو لأنو فكرتنا عن المرض غلط !

طبعا مرض الايدز زي ما اتعلمنا في المحاضره لهو علاج
..معد سار زي اول
مريض الايدز ممكن يتعالج وممكن يتجوز وممكن يخلف عيال سليمه...نسبه انتقال المرض لجوزته 2%

الحامل ازا اخدت العلاج ابنها يتولد سليم

يقلك مريض الايدز تكون نفسيته تعبانه يقلك انو يخاف الناس تعرف عن مرضو عشان ما تتجنبو وتسير تخاف منو ..تجيهم حالات نفسيه بيتعبو وبيموتو مقهورين !!

مرض الايدز ما يعدي الا بالحرام
وازا كان في جرح فريش سار في ( contact) ممكن ينتقل المرض

لكن...

غير كده مستحيييييييل ينتقل المرض
ازا قعدت جنبو مايجيك شي ازا كح في وشك مايجيك شي
ازا نمت جمب مصاب مايجيك شي
ازا مسحت بالمنشفه حقتو مايجيك شي
ازا حضنتو وقعد يسلم عليك لبكره برضو مايجيك شي

ليش نحارب المصابين !!! ليه مانحارب المرض ونقول للناس ونوعيهم ونقلهم انو المرض معد سار زي اول...المرض له علاج


والمصاب مايستاهل المعامله الي تجيلو من أهلو واصحابو وهوا بريئ

الدكتور كان بيحاكينا انو واحد من المرضى كان يقولهم أنا نفسي اشوف اهلي! اتصلولي على اهلي!! ولمن كلمهم رفضو تماماً يجو يشوفو...!! متصورين!!! حتى الممرضات من قله وعيهم محد يبا يقرب !!

مايسير كده!! دولا ناس تحس زينا زيهم!! ماغلطو!! مهم مجرمين!!

طبعا الدكتور بيقول انو الفحص للإيدز يتعمل 3 اسابيع بعد الشك

حبيت انشر الوعي والكلام الي سمعتو في المحاضره وزي ماقال الدكتور كل واحد فينا يحاول يوصل الرساله اقل حاجه خمسه أشخاص...أنا وصحباتي اتفقنا كل وحده تنشر في حته...وإن شاء الله على 26 جانيوري حيبدأو ينشرو في الاسواق والإعلام وفي كل مكان


كان في فيديوهات حابتكم تشوفوها بس ما اعرف انزل هنا يوتيوب وكده ياريت احد يفيدني

وكمان ياريت ازا نقصت شي من رساله الدكتور وفي اي احد فيكم حضر وحابب يفيد العالم ياريت تتفضلو =)


وجزاكم الله خير

[Dr.Passed]

وازا عندكم اي اسئله ممكن افيدكم ازا كان عندي علم او سمعت سؤالو وايجابتو بعد المحاضره إن شاء الله فايدتكم بي

وشكرا

[彡yS❤Ry彡]

ماشاء الله كل النقاط المهمة قلتيها
اتذكرت شي انا كمان

" يعظ اذنك عاادي "
ههههههههههه وربي دكتور نزار مرره رهييب

وهذا مقطع توضيحي لفيروس HIV المسبب في مرض الايدز

[彡yS❤Ry彡]

ايوا شي ثاني لو تنزلي الموضوع ع قسم الساحه العامة كمان افضل
لان قسم كلية الطب مايدخلونوا ناس كثير
والتوعية شاملة لأي شخص سواء من كلية الطب ولا من خارجها

<< واذا اعطوك مخالفه ولا حذفوا الموضوع من هناك لاتقولي ياسر قال مالي دخل
اهم شي نوعي المجتمع ٬ وبدايتنا من شطحات مشرفيننا الإعزاء

[Dr.Passed]

ايوه والله دكتور محترم وحبوب عند الجميع ومحاضراتو أبدا مو ممله ماشالله كلها مفيده وهادفه...

أنا ماشالله من غير توصيه نزلتو في الساحه العامه ...بس ما اتوقع يتمسح و حتى ازا مو مشكله اتعودت ...حستمر أحاول اوصل الرساله في كل مكان ...وكمان البنات الله يرضى عليهم فعالين في الموضوع ماشالله

شكرًا ع تفاعلك دكتور

وانا سعيده اني اعرف انو في ناس كتير حضرت احسب بس أنا وصحباتي الي من برا كليتهم
وكويس كده عشان كل واحد يحاول انشر في كليتو

[rubi]

جزاكي الله خير من جد لازم توعية للناااس

[دافئ الإحساس]

مشكوره ع الطرح

.......

فهمت بشكل كامل جدآ عن طريق الراديو

ناسي للاسف اسم الدكتور

لكن وضح كل نقطة صغيرة وكبيرة

........


واشكرك مرة اخرى