طلاب وطالبات ماجستير اقتصاد الأعزاء والعزيزات محتاج دعمكم :)

[اقتصادي لغوي]

أبشركم تم قبولي ف القسم والدراسه راح تبدأ في ذو القعده زي منتو عارفين

وبما اني خريج 2006 يعني قديم نوعا ما :(

ف محتاج اطلاع ومراجعه للمواد الاساسيه اللي ف البكالريوس

عشان ابدأ بدايه قويه وانتهي ف سنتين ( بمقررات ومشروع بحثي ) واقدم ع بعثة دكتوراة اقتصاد :)

فــــ حاب اعرف :::

@ ايش المواد التكميلية اللي درستوها

@ وايش مراجعها وكتبها المقرره

@ وياليت اعرف ايش مفردات هادي المواد التكميليه ( عشان اعرف المطلوب من هادي الكتب وايش اللي مو مطلوب .... ايش المقرر وايش اللي مو مقرر وكده يعني )

اتمنى تدعموني وتساعدوني باللي تقدرو عليه يا حلوين

وعقبال ما نفرح بتخرجكم وناكل من التورتة حقت تخرجكم هههههه

أخوكم خالد موسى

من المدينة المنورة :)

[بيو كيميائية ^_^]

أنا صحيح مو إقتصاد

بس عندي إقتراح

عشان تحصل على المواد التكميلية أنا أنصحك يا تروح لرئيس القسم و معاك سجلك الأكاديمي و تسأله أو ترسل له على الإيميل و سجلك الأكاديمي و يقول لك

بعد ما تعرف المواد التكميلية منه

تروح لقسم الاقتصاد تبع البكالوريوس اللي هنا و تسأل الطلاب عن كل اللي تبيه


المواد التكميلية تختلف من شخص لشخص و إن شاء الله ما يكون عندك كثير

بالتوفيق و مبروك القبول

[اقتصادي لغوي]

مشكورة استاذة بيو كيميائية ع التفاعل

بس أنا ما عندي مواد تكميلي

شكلك ما انتبهتي بس عادي

تفاعلك ودعمك لحالو كفايه :)

أنا أبغى اللي اخدو تكميلي انهم يقولولي ايش اخدو وايش الكتب والمراجع اللي كانت مقرره عليهم

منتظركم يا حلوين

[بيو كيميائية ^_^]

معليش ما إنتبهت :$

إحنا مكتوب كل مادة عن أيش تتكلم في الموقع

فإذا أنتوا كمان مكتوب

شوف عن ايش تتكلم و ارجع لمواد البكالوريوس

مجرد إقتراح في حالة ماحد رد عليك :)

بالتوفيق

[.,.نيــــــــــــــــــــران.,.]

بالنسبة لي وبما إني من طلبة الاقتصاد والادارة فقد درست 5 مواد تكميلية وهي

تحليل اقتصاد جزئي
تحليل اقتصاد كلي
اقتصاد قياسي
اقتصاد رياضي
تحليل احصائي

باقي المواد التكميلية لمن هم خارج الاقتصاد والادارة
تحليل كمي
اقتصاد جزئي
اقتصاد كلي

حاول تعرف قد ماتقدر عن المواد السابق ذكرها وتراجعها

الواحد ينسى الحاجات اللي درسها أمس .. فما بالك بسنين سابقة !!

[.,.نيــــــــــــــــــــران.,.]

أما المراجع فنحن نذاكر من المحاضرات وليس الكتب

وتقدر تعرف الكتب من خلال مفردات المواد في موقع الجامعة

بالتوفيق

[اقتصادي لغوي]

مشكوره استاذة بيو كيميائيه ع الدعم :)

ومشكوره استاذه نيران ع الدعم :)

[اقتصادي لغوي]

انا بالمناسبه لقيت معلومات ف مفردات المواد اللي بموقع الجامعه :)

انا زمان كنت اشوف مواد الماستر وكانت سيئة ولازالت من ناحيه الخط المكتوبه فيه النبذه عن الماده ولا فيه مفردات ولا مراجع

لكن شفت حقت البكالريوس قبل شويه وكانت احسن بكتير

وطبعا ما كنت ادري انو حقت البكالريوس افضل من حقت الماستر لانو لو كنت ادري ما كنت كتبت الموضوع ده

المهم هادي المعلومات اللي جمعتها :::

1- مباديء الاقتصاد الجزئي

اساسي :

مباديء الاقتصاد الجزئي ماجد المنيف

مساعد :

مختصر في مبادئ التحليل الجزئي يحيى محبوب

المساعد في مبادئ الاقتصاد الجزئي سيد الخولي

2- مباديء الاقتصاد الكلي

اساسي :

مقدمة في مبادئ الاقتصاد الكلي عبدالوهاب الأمين & زكريا الباشا

مساعد :

المساعد في مبادئ الاقتصاد الكلي أحمد سعيد بامخرمة & محمود العصيمي

3- تحليل اقتصادي جزئي

التحليل الاقتصادي الجزئي ، عاصم طاهر عرب ، ( دار المريخ - الرياض ) ،

مقدمة في النظرية الاقتصادية الجزئية ، خالد إبراهيم الدخيل ، ( بدون ناشر )

4- تحليل اقتصادي كلي

النظرية الاقتصادية الكلية ، عبد المعبود ناصف ،(المكتب الجامعي الحديث – الإسكندرية )

مبادئ الاقتصاد الكلي ، فايز الحبيب (مطابع الفرزدق التجارية – الرياض )

5- اقتصاد رياضي

الطرق الأساسية في الاقتصاد الرياضي ألفا شيانج (ترجمة: نعمة الله إبراهيم ) ( دار المريخ - الرياض )

6- اقتصاد قياسي

مقدمة في الاقتصاد القياسي ، عبد المحمود محمد عبد الرحمن ،( عمادة شؤون المكتبات - جامعة الملك سعود - الرياض )

[عطر المسافر]

يعطيك العافية ومجهود تشكر عليه
أنا أفضل محاضرات جامعة الإمام محمد بن سعود على اليوتيوب ذات شرح واضح وبشكل مبسط و لجميع مواد الاقتصاد ولاتنسى مادتي التحليل الكمي والاحصائي فهي جداً مهمة وأساسية لتسهيل مواد الاقتصاد وخصوصاً الرياضي والقياسي

[اقتصادي لغوي]

مشكور استاذ عطر المسافر ع الدعم :)