مادة كتب اطفال مع د-نجود السديري,,,,,,,,

[متزوجة!!!!!!!]

بنات بليييييييييييييز قولولي واجباتها كيف وعن ايش تتكلم وكيف يتوزع الشغل بين القروب ؟؟؟

[إشرآقة روح..}]

اما طريقة توزيع القروبات عاد فنانة فيها ترا توزع بطريقتها وماتحب الصحبات يكونوا مع بعض يعني مو انت الي تختاري قروبك .. بس اهم شئ في شغل القروب من البداية حددي ايش تبغي تمسكي عشان لا كل وحدة ترمي على التانية وترا مررة تعرف اذا انت الي اشتغلت او لا ..
من تكاليفاها :
اعطتنا موقع فيه جزء من قصة شعبية واحنا نكمل القصة من تأليفنا عاد هذا كان شوي صعب ..
وكمان مرة اعطتنا تختاري قصة للاطفال وتقولي ليش اخترتيها والفئة العمرية المناسبة للقصة ومحتوى القصة هيا بتعطيك معايير للتكليف امشي عليها لانها مرة تحاسب عليها بالضبط ..
ومرة نقييم شخصية في قصة وبرضوا بتعطيك معايير تمشي عليها
ومرة عملنا بحث عن خصائص الالوان
وبس تكاليفها حلللوة ومرررة حتستفيدي منها اهم شئ ركزي في المحاضرة معاها انتبهي لغيابك تحاسب عليه وكمان تلسيم التكليف بوقته مرة مهم عندها وترا ماتحب في التكاليف الي فيها قص ولصق من النت تحب تكتبي من عندك وتعرف اذا نقلتيه او لا ..
والاستاذة مرة عسولة وذوق..
والمادة حتفيدك في التدريب مرة كثير خصوصا لما تبغي تقرأي قصص للاطفال ..
وبس اتمنى اني افدتك

[المخلصه]

عدنا والعود أحمد

الحمدلله اخدت الماده (كتب اطفال) كانت مرررره ممتعه وان شاءالله قصتنا حتتنشر

والدرجة كمان مرررره حلوة بفضل الله وتفتح النفس لدرجة كان نفسي ادرسها مرتين هههههههههههه

طبعا تعليق اشراقة روح متكامل ماشالله تقريبا عن الماده ككل

لو تبغو تفاصيل اكتر اسألوا وان شالله نجاوب

[الفراشة المتألقة]

أنا حآخد المادة الفصل الجاي بإذن الله.
بس حابة أسأل : ايش هي مواصفات أو شروط القصة الي تتنشر؟
يعني هي قالت لكم شي عن مواصفات القصة الي تتنشر؟

[أرووش]

أنا كمان حاخدها الترم الجاي

بس ما فكرت اسأل عنها لأنو دكتورة نجود طلبتني مخصوص اخد الماده

عشان انا اعرف ارسم

والترم اللي راح كانت تبغاني اخدها بس مارضيو ينزلولي الماده يقولو بعد المستوى السادس

والترم دا هيا مشرفتي يعني حتنزلي الماده غصبا عني

[الدنيامشاعر]

مرحبا بنوتات
كيفكم ..؟
احب اقولكم الماده جدا حلوة مهما كان فيها من واجبات وتأليف كتاب ..
الماده مره ترفع المعدل اتحدي اي وحده تاخذ اقل من 95
انا درستها معها ومره انبسطت ولو قالو ارجع ادرس الماده ارجع ادرسها بكل رضا ..
الماده من جمبع نواحيها تجنن .. ومره حلوة وممتعه .. والدكتوره انسانه ذوق واسلوب وراقيه انا مره احبها يكفيك اخلاقها وتعاملها ..

نصيحه انكم تاخذونها .. :)

[الفراشة المتألقة]

أنا زيك أرووش ، دكتورة نجود طالبتني مخصوص عشان أعرف أكتب :)
قالت لي : أسلوبك في الكتابة مرة حلو ، ونادرا ما يكونوا عندي بنات كتابتهم ممتازة .
ونفس الشي الفصل الماضي اتقفلت المادة ولا قدرت آخدها ، بس ان شاء الله الفصل الجاي نتقابل *_^

[أرووش]

ههههههههههههههههههه

دا ازا ما كنا نعرف بعض يا فراشة

اكيد نعرف بعض لانو نفس المستوى وكل المواد بس فيها شعبتين

وتقريبا اعرف اشكال كل دفعتي

بس مدام تعرفي تكتبي وانا اعرف ارسم ان شاء الله نشتغل مع بعض

عشان نطلع شي خنفشاري

هع

[ساكنه في بيتنا]

يا حظكم بدكتوره نجود و الله

و ح ش ت ن ي

ان شاء الله تنبسطوا في الماده بجد حلوه