اللي تخصصها كيمياء حيوية تدخل

[مارية]

المشاركة الأصلية كتبت بواسطة ~ M!Ss AmOoOlA ~ نصيحه لك نزلي bio202 تلاقين الشعب في قسم البايو مو البايووك لانو لو ما اخذتيه في السمستر الرابع حتضطري في المستوى الخامس تنزلي بايو مع خليه وبيكوون ضغط وبقووه عليك..ومعروف انو مواد الاحياء صعبه :( العفو ماتذكر انو مر علي خلال مسيرتي الجامعيه اسم ماريه :)

الله يعيني على bio 202 .. (( مرة خايفة منه )) ..
صدقتي الاحياء صعبة من يوم أنا في الثانوية كارهته وبقوة ..
ربي كاتب ادخل كيمياء حيوي ..
وإن شاء الله يكون لي فيه خير كثيــــر ..
أما بالنسبة لاسم مارية فهو اسم مستعار مو اسمي الحقيقي ..

عموما مشكورة عيوني ..

[مارية]

المشاركة الأصلية كتبت بواسطة ~ m!ss amooola ~ الانزيم خذيه مع سوسن محاسني ولا تاخذيه مع وديعه لانو الترم الي راح يقولو انها بس نجحت سته بنات من شعبتها... الايض 1 خذيه مع نجلاء الشريف ولا امينه مدحت ..ومعمل الايض خذيه مع استاذه وجدان الدعجاني قمه في الروعه..لاتأخذي المعمل مع احد غيرها .. .............. سؤال للبنات هل استاذه أمينه مدحت تدرس ايض 2 ؟؟؟؟؟؟؟؟؟؟؟؟؟؟؟؟؟؟؟؟ لانو نفسي ادرس معها الكل يمدحها ويجيبو +a

إن شاء الله باخذ الانزيم مع سوسن ..
يارب يكون وقت الشعبة اللي تدرسها يناسبني ..

وأمينة ما يحتاج مجربتها ماشاء الله روعة ..
وإذا تبغي تعرفي أمينة تدرس ايض 2 أولا ..(( أدخلي على موقعها الاكاديمي وشوفي هي ايش تدرس من المواد )) ..
جزاك الله خير يا مس أمولة تعبتك كثير ..

[مارية]

المشاركة الأصلية كتبت بواسطة اسيرة قلمي شوفي الانزايم أعطتني هي أمينه مره كويسه والايض اسمها نجلاء مررررررره كويسه واذا طلعت ماده الايض مع وديعه انصحك تحذيفها او أشردي منها و أختاري شعبه ثانيه العربي سهل واللي اعطوني هي وفاء الجحدلي في عربي 1 ورحمه في عربي 2 كلهم كويسين ومره أعطتنا تيسير الشريف محاضره بدل وفاء ما شاء الله لا تعليق شرحها خير

مشكورة عيوني على ردك ..
بس مالقيت اسم وفاء أو رحمة أو تيسير في الشعب اللي نزلوها ..

[R-Kh]

بايو مع خليه وبيكوون ضغط وبقووه عليك..ومعروف انو مواد الاحياء صعبه :(

انا اخدت البايولوجي والخلية مع بعضهم
والحمدلله مشي الحال
...
ميزة الخلية
ان اللي يدخل في الاختبارات النصفية ما يدخل في الفاينال
وتلاقي جزئية الفاينال مررة قليلة
..
:)

[R-Kh]

بس مالقيت اسم وفاء أو رحمة أو تيسير في الشعب اللي نزلوها ..

بداية الدراسة تلاقي كل الاسماء ا تغيرت
والغالب عربي 2 بيدرسوه رحمه, تيسير
عموما المادة سهله لابعد حد
واي استاذة ماتفرق فيها
..
:)

[مارية]

المشاركة الأصلية كتبت بواسطة R-Kh انا اخدت البايولوجي والخلية مع بعضهم والحمدلله مشي الحال ... ميزة الخلية ان اللي يدخل في الاختبارات النصفية ما يدخل في الفاينال وتلاقي جزئية الفاينال مررة قليلة .. :)

الله يبشرك بالخير ..
طيب مع مين أخذتي bio 202 ..

[مارية]

المشاركة الأصلية كتبت بواسطة r-kh بداية الدراسة تلاقي كل الاسماء ا تغيرت والغالب عربي 2 بيدرسوه رحمه, تيسير عموما المادة سهله لابعد حد واي استاذة ماتفرق فيها .. :)

صدقتي ماني شايلة هم العربي ..
مشكورة حبيبتي .. موفقة بإذن الله ..

[قطرة مطر]

دكتورة امينة مدحت معمرها درست ايض دايم تدرس انزايم او كيمياء حيوية عامة او مصطلحات او تقارير فنية ومواد تانية بس ايض معمري سمعتها درستها

[calbooza]

السلام عليكم..
شوفي ياعسل انزيم خذيه مع استاذه سوسن محاسني مره تماام وتعيد كل سنه اسالت السنه اللي قبلهابس تغير شويه فيها...
انتي اهم شي اكتبي كل شي معاها في المحاضره حتى في الاختبار تجيب الاسئله اختياري بالترتيب من محاضره 1 الين المحاضره اللي تحددها وسوال واحد فراغات او حاجه بسيطه...والمعمل حلو وممتع اخذته مع استاذه خديجه بالعمش..

(نصيحه لازم تاخذي ايض مع انزيم وبالعكس مو صعب مع بعض انا ايض اخذته مع استاذه هناء قشلان قمه في الاحترام وشرحها روووعه واسالتها حلوة بس ما اعرف حتعطي لترم هذا او لا والمعمل تافه اخذته مع استاذه سمر صح انها ترفع الضغط بس اسالتها رووووعه)

العربي انا راح اخذه هالترم ان شاء الله مع استاذه فوزيه صحباتي اخذو عندها الترم اللي فات وكلهم جابو a و a+
لانها تعطيكي المفيد وهيا اللي كانت تكتب اسالت الاختبارات انا راح اتوكل واخذ معاها...

والاحياء 2 مو صعب كفايه انه اختياري انا اخذته مع سهيله قاري محاضراتها ممتعه وتخرجي وانتي فاهمه اول مره احب الاحياء في حياتي كان عندي عقده منه...:)

اما الكيمياء اخذته مع صفاء الجمل مره ممتازة الحمدلله بس كان الترم اللي فات اخر سنه ليها اتقاعدت لكن المنهج كان تقريبا سهل بس يحتاج تركيز...

امن وسلامه ماده سهلـــــــه صح اننا تعبنا في الاول لان ماده جديده ومو عارفين راسنا من رجولنا لكن عموما مره حلوة..والاسئله تمام...

وبس هذا اللي اخذته..
وعلى فكره انا الترم اللي فات كنت منزله احياء2 وكيمياء2 وايض1 وانزيم وامن وسلامه والجدول كان تمام مو ضغط
والحمدلله الاستاذات كلهم كانو رائعين...يلا عقبالك ان شاء الله

ويارب يوفقك ويوفق الجميع..:)

[بنت السكن]

خذي مادة اختيارية وراح تنفعك بالتخصص
اللي هيا مصطلحات طبية مع الدكتورة امينة مدحت والله عسل
bioc391
ونصيحة خذي الانزيمات معاها كمان