هل كان في رسم هندسي في هذا الصيف؟؟ و.

[tkaabdu]

بسم الله الرحمن الرحيم

السلام عليكم ورحمة الله وبركاته

كل عام و انتو بخير


انا طالب مستجد ف الهندسة عندنا 35 ساعه
انا قسمتها انو اخد 15 الترم الاول و 15 الترم الثاني و 5 صيفي

ف هل meng 102 و meng 130
ممكن انها تكون صيفي

لاني ابغا اخلي 5 ساعات صيفي بس مني عاارف ايش اخليها

اعطوني آرائكم

,,

[Majest!C]

ادخل الاودس اخوي ، وخانة الشعب بتشوف المواد اللي نازلة الصيف هذا

[tkaabdu]

شكرا لك

لكن ضروري الصيف الجي ان شاء الله تكون نفس المواد ؟؟ ولا تتغير؟

[F_R]

منج 102 مانزلت الصيف دا

[tkaabdu]

طيب ايش اسوي

انا ان شاء الله ناوي صناعيه او ميكانيكال

ايش المواد اللي لازم اخلصها؟؟

و ايش الاصتراحات للمواد اللي اطنشها حاليا

[F_R]

لازم تخلص المواد المتعلقة بالقسم عشان تفتحلك مواد القسم
مثلا الصناعية خلص كل مواد الهندسة الي رمزها IE والمكانيكا خلص مواد Meng وراجع خطط القسم الي تبغاه عشان تعرف ايش في مواد مهمة عشان تفتحلك مواد بالقسم
تحياتي

[tkaabdu]

يعني اخلص كل مواد الـ ie و meng

طيب ايش ممكن اقتراحات

للمواد اللي اطنشها؟


وشكرا حبيبي ع الرد

[F_R]

جميع المواد الموجودة بالخطة مهمة ولازم تاخدها لأنها رح تفتحلك مواد في القسم ولكن انت ركز عالمواد الي تفتح مواد القسم
يعني مثلا انا رح اكلمك عالصناعية مواد ie كلها مهمة وماث 202 و 203 اما 204 ممكن تأجلها بعد التخصص
فيزيا 202 مهمة و ee201 وباقي المواد ممكن تأجلها بعد التخصص وتاخدها على حسب خطه القسم بسحاول ما تأجل مواد كثيرة وتضغط نفسك يعني تقريبا خد في كل ترم 5 الى 6 مواد 15 الى 16 ساعه وبالصيف مادتين، ونصيحة مني شوف خطة القسم من دحين عشان تخطط لمستقبلك وتعرف كيف تنظم جدولك
هادا بالنسبة للصناعية اما الانتاج الي هي الميكانيكا فلازم تشوفلك واحد تخصصه انتاج عشان ينصحك على حسب خطته
الشي التاني في ماده مهمة لجميع التخصصات ie200 هادي الي ماياخدها ماراح يتخصص فهي متطلب تخصص بالاضافة الى 50 ساعه
بالتوفيق

[tkaabdu]

F_R

مشكور حبيبي ع الفايده
,,

طيب ايش رايك لو اخلي meng130 , meng102 and arab201
?? ولا أأجل الـ EE ???
و المواد الباقية اقسمها على الترمين؟؟

في واحد خوي يقولي لا تجمع بين الفيزيا و الرياضيات في ترم واحده ؟ صعبيييين؟

ماث 202 ولا ماث203 ؟؟ اكيد 203 صح,,,,؟

يا ريت تقلي رايك الجدول
لانو الصناعيه قفلت على معدل.4 السنه اللي فاتت
ف اخاف انو اجمع كل المواد الصعبه في الترم و يروح عليا التخصص؟

و جزاك الله الف خير

وسامحنا,,

[وسيم الإتحاد]

لأ طبعا .... رياضيات 202 هي الصعبة جدا وهي المقصودة بـ لا تجمعها مع الفيزيا

أنا أقولك من وجهة نظري الشخصية
IE 201 مادة فيها شغل وكرف مو طبيعي (( سخافات مالها أول ولا آخر .. في النهاية تعمل مشروع مع التيم حقك )) قسمين (( عملي ونظري )) أسبوع كذا وأسبوع كذا... النظري إنت ومذاكرتك , العملي إنت والتيم حقك
IE 200 إذا الإنجليزي عندك كويس حتمشي فيها إن شاء الله (( ما أدري إيش الفايدة منها لكن لازم شوية هبل في الجامعة ))
Math 202 كل أمها تكاملات في تكاملات يعني حتكامل جميع أنواع التكاملات إللي في الحياة .. وكلنتن يقول تم تغير الكتاب فماحد يعرف طريقة الكتاب الجديد كيف
Math 203 سهلة وحلوة صعوبتها في الرسومات العام الماضي مسكها أبو جبل الترم التاني وخلاها اختيارات فاتلغت الرسوم فصارت مرة سهلة ولكنه تركها وماحد يعرف هل حتستمر بنظام أبو جبل ولا ترجع للنظام القديم
Phys 202 هذي عاد مسكها دكتور جديد علي الزهراني وغير نظامها شوية لكن المادة طويلة وفيها كمية قوانين مو طبيعية (( من ناحية العدد )) وأغلبها متشابه
ee 201 برمجة باستخدام برنامج الماتلاب مطلوبة في تخصص الكهربا فقط

أما 281 فيزيا أو كيميا فهذول معامل كل واحد فيهم أسهل من التاني
عربي وثقافة سهلين .. لكن إذا نزلت الاثنين معا الاختبارات الدورية حتكون في نفس اليوم مباشرة ورا بعض وحتحسها طويلة نوعا ما
الإقتصاد والرسم الهندسي أنا ما درستهم فما أقدر أفيدك فيها

وبالتوفيق لك إن شاء الله