طالبات نظم معلومات محاسبية مع د. آما ل عوض يدخلوا هنا شويتين

[حأقعد عالكاشير]

بنات اللي باقيلها درجة عالمعدل تروح تطالب

لانو والله والله انا متأكدة انو في غلط في تظليل النموذج الاساسي وقولوا كاشيرة ماقالت
روحو طالبو بفتح اوراق النهائي وتوريكم نموذج الاجابة مع الاسئلة عشان تعرفوا اغلاطك فين

وصدقوني حترجعلكم الدرجة وحينرفع التقدير

بس ترى مرة الله يهديها ماسكة علينا جملة " الشعبة اكثر من مية طالبة وبنتين مدري اربعة هما اللي مو عاجبتهم الدرجة "



المهم ترى ادتنا موعد يوم الاحد الجاي الساعة 1

بس انتو قبلها كلمو الدكتورة سلوى انكم تبو تشوفوا اوراقكم عشان تعرف اننا عدد كبير

كل وحدة تجي بدفتر محاضراتها عشان تخشو فعينها مزبوط اوووكي

ربي يرجعلكم حقوقكم ويكون عون ونصير لكم يااااااااارب

قلبي معاكم وبشرونا بعدين:)

[LAYAN89]

حأقعد ع الكاشير ياعسولة يوم الأحد الجاي قالت لكم؟ ليه كذا مررررررررة متأخر؟

يعني لو رحت لها بكرى او الربوع ماحتعطيني ووجه؟

اخ بس ياليت تعطيني هذي الدرجة :(

[LAYAN89]

خلااص يابنااات لازم لازم نروح لهاا ابكرى او الااحد الجاي مثل ماقالت لنا حاقعد ع الكاشير
بالذات لو باقي لنا درجة

[حأقعد عالكاشير]

ليونة انا حاسة انو الدرجة بترجعلك وربي ماحيضيع تعبك ان شاء الله
وهيا ادتنا الموعد الاحد الجاي لانو عندها اختبار منشآت من 11 ل1
فقالت لنا تعالوا بعد وحدة اكون فضيتلكم

وعلى قول صحبتي زغرطي يا انشراح الجاي أحلى من اللي راح :)

[LAYAN89]

الله يسمع منك ياقمر وتعطيني هذي الدرجة:(

[ملاك السعودية]

يوووووووووووووووووووه يا بنات

انا كنت حاخذ معاها بس ما اخذت المادة


يعني ما تنصحوني فيها ؟؟؟؟؟؟

[LAYAN89]

لا ياحلوة هي كويسة ومافيها شي وأسئلتها مرره حلوة والله

بس في النهائي كذا منقصة البنات

طبعا اهون من الدكتورة شريفة هي

[mrmr12321]

السلام عليكم ,,

مرحبا بنووتات اول شي ما ابغااكم تقولو شوووووووووفو دي اللي جايه تدافع مالها داعي تطلع برا احسن

بس(( اختلاف الرأي لا يفسد للود قضية ))

معليــش يا بنات يعني انا شايفه اغلب الكلام فيه مبالغة

الدكتورة جدا ذووق وعمرها ما غلطت على احد مع انو الشعب اللي باخدها معاها نظم ومنشآت البنات اللي فيها مرررررررررررررررررررررررررره مزودينها بزياده في منشاات لابعد درجه من الحدود مزودينها
انا عن نفسي جدا اتضااايق منهم
ما بالكم هي الدكتورة اللي بتشرح وتتعب نفسها ودمها زي العسل اش حتحس

ومع ذلك بتستحملناااا اكتررررررر من اللازم واغلب البنات جايبين معاها 85 وفووووق وانا منهم واغلب صحباتي كماان
ولو وحده غيرها من السعوديات اقسم باللللله تحلمو تاخدو الدرجات دي معاهم إذا على درجه وحده نروح نحفي وراهم وما يزودو شي

لكن المصاريه اغلبهم والله العظيم الي درست عندهم بكون ناقصه درجه درجتين عالمعدل ويرفعوني
انا ما ادري ليش يعني مررره زعلانين منها ورحتو تشتكو انا يوم ما رحتو تشتكو رحت اسلم عالدكتورة امال
وقامت قالتلي وحده جايبه 86 وجايه زعلانه واشتكتني اش تبغا اكثر من 86 ابا افهم

من جد حسيت مالها داعي البنت دي
عالعموم ما اتوقع انو احد انظلم زي ما 3 ارباع بنات المحاسبة انظلمو في متوسطه 1 و2 عند د. فلانه الفلاني
واحمدو ربكم ياللي جايبين فوق الـ 80 والـ 85
لو انكم جايبين في الـ 70 ولا الـ 60 داك الوقت ماادري اش حيكون السبب بس ما اتوقع حيكون من الدكتورة

بس حرام يعني بعد ما كانت بتحذف لنا حاجات ومره كانت كويسه في التعامل حتى مع الغياب
انا عندي يمكن 9 او 10 غيابات والمفروض اكون حرماااااااااااان وجبتلها تقااارير ومشتلي ياها
ولو غيرها ما كانت سمحت بـ 7 غيابات حتى

عالعموم حبيت اقول رأيي :) يا ريت ما حد يتضاايق منه

وبالتووفيق للجميع يا رب ,,

[حأقعد عالكاشير]

^
^
صح كلامك هيا عسل وطيبة ومنهجها سهل وأسئلتها حلوة

بس مرررررررة معليش يعني انتي شايفة 80 و85 حلوة
لا والله مو حلوة

انا مااكرف طول الترم واذاكر واحضر كللللل المحاضرات وبسلملها كل اللي تبغاه عشان في النهاية تديني ذي الدرجة

انتو عاجبتكم لانكم بتغيبو وتلعبو وفي النهاية شفتو الدرجة واااااو

الفرق كل وحدة لايش تطمح وايش اللي بتستنى نتيجة تعبها

وطبعا كل انسان يتمنى ياخذ اللي يستحقو من غير زيادة ولا نقصان

طب اش رايك وحدة من صحباتي اخذه 91 وراحت كلمتها لا نها عارفة انها المفروض تاخذ اعلى

فلا تقولي مالها داعي ,, لا والله حقي مااسكت عنو حتى لو كل الناس شافوني مال أمي داعي
مابسكت عنو

وعلى قولك اختلاف الرأي لا يفسد للود قضية

[mrmr12321]

برضو المسأله ماهي في الغياب
رغم كثــر غياباتي الا اني جايبة فوق الـ 90
لاني مو ناقصه ولا درجه في الاول ولا في النهائي
يا دوبك كم درجه اللي ناقصتها في الثاني
مو معناتو انا اغيب معناتي لعابة
الواحد يغيب عشان ظرووف
8
8
حبيت ابين لك بس عشان لا تفهميني غلط
ولا انو مالي طموووح :d
ماني من البنات اللي اي درجه يرضو بيها :)
والله يوووفقكم يااا رب