بنات ابغى رأيكم اذا سمحتو ..

[حلا المنتدى]

بنات اذا اخذت

انزيمات
وايض
وبيولوجيا الخلية مع بعض
بيكون سهل ولا صعب

ابغى رأيكم في هذي المواد سهلة ولا صعبة ومين افضل الدكاترة ؟؟

الله يوفقكم قبل لا يقفل الحذف والاضافة

[Futon]

انزيمات وايض سمعت استاذة امل كويسة
وفي الفت بس مدري اذا حدرس دي المواد
بس الايض كل الشعب حدرسها استاذة امل وصحبتي درست عندها كيمياء حيوي تقول مرررة كويسة واسئلتها حلوة

بس ترى الايض مادة دسمة ما احس تاخدي ايض وانزيمات سوى حيكون تقيل عليكي

بيلوجيا الخلية سمعت ليلى مررة كويسة بس انتبى في وحدة اسمها اسمهان مرررة سيئة

اتمنى اكون افدتك وبالتوفيق

[حلا المنتدى]

الله يسعدك

انتي الوحيدة اللي رديتي

[حلا المنتدى]

طيب يا بنات مين اخذت كيمياء عضوي 230

كيف المادة سهلة ولا صعبة
اقدر اخذها مع الايض والانزيمات ولا صعب

[Futon]

انا اخدتها وترررى مرررة سهلة مع دكتورة نجاة سنوسي الحمدلله جبت درجة حلوة فيها
بس انتبي من وحدة اسمها عيشة يقولو ترسب
وانا اعتقد انو نجاة حدرس كل احد وتلوت وعيشة حتمسك شعب السبت والاتنين والاربعاء
فا خدي الشعب الي كل احد وتلوت عشان تضمني مع د.نجاة

[حلا المنتدى]

مشكووورة

المشكلة انو ما عندي وقت احد وثلوث

بس فاضية سبت واثنين واربعاء


مشكورة حبيبتي عالرد

[Futon]

مدري والله بس اذا كدا لا تاخدي المادة
احسن مع د.نجاة تضمني

وسؤال مدام انو انا وانتي الي هنا بنرود

تعرفي د.منى الشريف كيف ؟؟ او سمعتي عنها ..

[حلا المنتدى]

لا والله ما اعرفها ولا سمعت عنها

ان شاءالله احد يجي يفيدنا

[بنت الكليه]

بيولوجيا الخلية كلميني واعطيك الكتاب
ما اعرف ايش موضوعات مادة الايض اذا تعرفي المادة تتكلم عن ايه قولي وكمان الاحياء
والانزيمات سمعت انها سهلة وكمان الكيمياء العضوي

[ذكرى الاحلام]

ياحلوة انا درست الترم دا عند عيشة بن يهب...خوفوني البنات منها بقوة بس مرررة تغيرت احسها ..وسمعت انه فيه رسوب بس صررراحه البنات ماكانوا يداكروا بجد ..وهي من طبعها انها المعلومات اللي تقولها في الشرح تجيبها اكتبي اول باول معاها ولا تفوتي شي والاسئله نفس كلامها بالمحاضرة ..كانت متعاونه وطيوبه معانا وتراعينا في الاختبار الدوري اعطت البنات فرصه عشان يجيبوا درجات وكمان بدون مانطلب ..
ودرجتي كانت حلوة عندها الحمدلله ... بس لازم تداكري اول باول لانها تسأل في كل محاضرة طبعا هو الشي دا
سبب بعد الله اننا اخدنا درجه حلوة لان الماده تحتاج مداكرة اول باول ورح تكون سهله بادن الله..

وبالتوفيق يارب ودكتورة نجاة يمدحوها صحباتي اللي درسوا معاها ..