رأيكم يهمنا:تقييمكم لدكاترة ودكتورات قسم نظم المعلومات الإدارية(طلاب\طالبات)

[بنت ناس وقلبي ألماس]

‏^‏^الصائغ جديد أتوقع أول ترم له كان الترم اللي راح والبنات اللي أخذوا معاه مادة نظم يمدحون فيه.

[Kapitano]

^^^
ما ادري عن البنات بس انا سمعت من بعض الشباب محد يمدحه لكن ان شاء الله يكون رأيهم غلط

[جولي انا]

لاااااا معليش ياجماعة اشبكم على محمد الصايغ مين اداكم معلومات غلط عنووو

الدكتور هذا جداً جداً جداً رائع السمستر اللي راح كان بيدرس mis 205
المادة زي ماانتو عارفينها دش ونظري لكن معاه يشرح من قلب وبأمانه ويعلمك ايش تعني كل كلمة فالكتاب ايش هيه في الحياة العملية،، ايش يعني النظم،، كل اللي معاه تأسسو صح. هذا غير التحديد اللي قبل الفاينل وحذف اشياء كنا نحسها مهمه وممكن تجي ورحت ذاكرتها وفعلاً ماجاء منها شي الاختبار كله من تحديده. واذا سألتيه عن معلومه ع الايميل يشرحها لك ومايقصر غيررر عن الباقي حتى رد ع الايميل مايردون موو عاد شرح زي الصايغ الله يسعده وين ماكان.

[بنت ناس وقلبي ألماس]

المشاركة الأصلية كتبت بواسطة hmd السلام عليكم وعليكم السلام ورحمة الله وبركاته بخصوص الطالبات الي اخذو مع الدكتور في الترم الماضي ياريت تقولولنا كيف طريقة المذاكرة عن طريق السلايد ولا الكتاب ؟ المذاكرة كانت من الكتاب عشان السلايدات مختصرة وتفهم من الكتاب أكثر وعلى فكرة الكتاب مو صعب ولله الحمد.. والاختبارات من السلايدات ؟ الاختبارات كانت من السلايدات وكيف اسئلتة سهل ولا صعبة ؟ أنا عن نفسي كنت أشوف اسئلته سهلة وما فيها أي صعوبة تذكر لكن الأسئلة فيها اختياري والدوريات مقالي بس مش صعبة... وهل الدكتور في نهاية الترم يدف درجات ولا لا ؟ لا طبعا ما فيش شيء اسمه دف درجات كل واحد بمجهوده لكن مثل ما قلت لو ذاكرت مزبوط وركزت معاه في المحاضرة راح تجيب 100 من غير دف ولا شيء ولو أهملت راح تاخذ اف وبكل سهولة ... وعلى فكرة في المحاضرة أي سؤال يقوله لكم سجله على طول لأنه يجي في الاختبار غالبا... وشكرا

العفو يا أخوي.
وموفق يا رب...

[بنت ناس وقلبي ألماس]

الحمد لله تم الانتهاء من الفصل الدراسي الثاني وهذه محصلة لتجاربي مع الدكاترة والمواد:


1) تجارة الكترونية: مع الدكتور محمد الصائغ , الحمد لله المادة كانت جدا خفيفة والمنهج قصير والمذاكرة فقط من السلايدات وشرحه كان أكثر من رائع ربي يعطيه العافية لكن في نقطة لازم تنتبهوا لها هو صحيح قال المذاكرة من السلايدات لكن كان يجيب أسئلة من شرحه لكنها غير تعجيزية وكان عندنا دوري واحد عليه 20 درجة والأسئلة متنوعة بين الاختياري والمقالي ورتبي وبالنسبة للفاينل كان عليه 40 درجة وكان فقط صح وخطأ واختياري واكملي الفراغ وباقي الدرجات 10 على الحضور والغياب و10 على الواجبات و20 على المشروع...


2) أمن معلومات: مع الدكتورة أمينة قملو , هذي الإنسانة ما اقدر اقول فيها إلا ربي يسعدها وين ما تروح ما شاء الله عليها قمة في الأخلاق والتعامل والشرح ربي يحفظها ويحميها . كان عندنا دوريين من 15 درجة والنهائي من 40 بالنسبة للدوري كانت أسئلتها متنوعة بين اكملي الفراغ وصلي وأسئلة مقالية وعمليات تشفير ورسمات وكانت اختباراتها متوسطة الصعوبة خصوصا الدوري الثاني كان عكس الدوري الأول تماما وكان عندنا مشروع بحثي عليه 15 درجة وباقي الدرجات على الواجبات...


3) مادة حرة علاقات أسرية مع دكتورة الهام العويضي , بصراحة الدكتورة جدا جدا رائعة وشرحها أروع ما شاء الله عليها وفعلا تعطيكي المادة كأنها دورة وليست مادة دراسية وراح تتعلموا من شرحها أشياء كثيرة في حياتك الزوجية وغيرها من الأمور وغير كذا كانت تعطينا أسماء كتب مفيدة في الحياة الزوجية والمادة كانت جدا سهلة وقليلة ولله الحمد وكان عندنا دوريين ونهائي الدوري من 25 والنهائي من 40 وأسئلتها متنوعة ما بين الصح والخطأ والاختياري وعددي وعرفي وباقي الدرجات كانت على أوراق عمل توزعها علينا في نفس الكلاس ...

4) ادارة استراتيجية مع البروفيسور هاني العمري المادة طبعا ما يحتاج زي مواد الإدارة طويلة والاختبارات كانت ما بين الاختياري والصح والخطأ والمقالي وكان دوري واحد عليه 25 ونهائي 40 درجة والباقي على المشروع طبعا الدكتور شرحه رائع لكنه جدا جدا بطيء في الشرح وفي نهاية الترم يمشي المنهج بسرعة عشان يخلص...


5 ) ادارة معلومات مشاريع مع الدكتورة شيماء المادة رائعة والدكتورة شرحها أروع واختباراتها كانت ما بين الصح والخطأ والاختياري وحل مسائل ومقالي واحد في الدوري الأول وكان عندنا 2 دوريات ونهائي الدوري عليه 20 والنهائي عليه 40 والمشروع عليه 20 درجة وطبعا ما تعطي أحد الدرجة الكاملة في المشروع وأساسا المشروع كانت عليه درجات أقل من المفترض والمشروع كان مستمر من بداية الترم حتى النهاية...

[بنت ناس وقلبي ألماس]

المشاركة الأصلية كتبت بواسطة حياة الروووح السلام عليكم يا حلوين قولولي مين افضل استاذ او أستاذة أخذتو معاه ذي المواد من جميع النواحي ( الواجبات والاختبارات والشرح ) شبكات اعمال تحليل وتصميم نظم >> مؤ نازلة السمستر الجاي الا مع هشام كتوعه أيش رايكم فيه إدارة قواعد بيانات إدارة عمليات تجارة إلكترونيه ومشكورين مقدما

المشاركة الأصلية كتبت بواسطة shooshaa امم ادارة عمليات مع هاني طبعا مرا رائع في الشرح و الاختبارات كانت تنحط لنا موحده وممكن حماد .. كمان يدي واجبات كثير لاكن كلها قروبات و اشيا سهلة تجمعي فيها درجات باراحة قواعد بيانات بعدددددددددددددددي عن مصطفى لانه بوادي و البنات بوادي والاختبارات مقالية وصعبة جداااا والدوري من 45 مدري كيف جابها وشرحة سئ تجاره انا اخذتها مع الجميح طلب مشروع واحد لاكنه مايدري عن طلابة ولاهو مهتم موعد تسليم ولا شي الاسئلة من تست بانك تحلي نفسها لاكن تنقص منك 5 او 7 درجات في الهوا بختصار يدرس بالغصب وبدون نفس والله يستر من الدرجات في النهاية وبس

....

[My World]

بنات ابغا استفسر منكم عن المواد راح اخذها الترم الجاي فزعتكم ..
تحليل وتصميم << هذي المادة اللي اجلتها كذا ترم بسبب كتوعهــ فشكلو راح اتوكل واخذها ..
ادارة استراتيجيه
شبكات اعمال
نظم ذكاء اعمال
معاهم مادتين حرهــ

أفيدوووني ..

[لوريت]

اداره استراتيجيته مع هاني مره تمام غير كذا راح تسفيدي الله يسعدو
شبكات يقولو سهله والأسئلة من السلايد إذا جيبارا
ذكاء ما أخدتها لسه بس يقولو يجبب الأسئلة من التست إذا كمال

[مقنووون]

السلاام عليكم .. لو سمحتوا ابغى أفضل دكتور لمادة التجارة الالكترونيه mis 358
و اهم شي ما يرسب و يعطي بونصات .. !!
أنتظر ردودكم لو سمحتوا ..

[لوريت]

محمد الصايغ افظل دكتور وابعد عن الجميح وباسهل ..... الصايغ لا تغيب عنده عنده لأنو ينقص في النهائي إدنا 3 أساله بونس أضافه واسأله النهائي كانت سهله مره افظل من الدوري