"نصائح مهمه جدااا",,, للي حاب يدخل طب

[د.هوازن]

المشاركة الأصلية كتبت بواسطة 3zzouzz يعطيكِ العافية دكتورة ... شكرا لكِ وبالتوفيق للجميع بس كمان حاب اسأل عن نقطة الاختبارات الموحدة لو عندك علم موجودة في الاسنان برضو ؟ لأني صراحة ما اراها طريقة سليمة بوجهة نظري واتخوف من هذا الشيء فمن خبرتي السابقة اي اختبار موحد ( في المدارس خصوصا ) تحصل فيه مشاكل ويكثر فيه اللغط !!

تفاصيل الاختبارات عن طب الاسنان عشان تاخد اجابه كافيه ووافيه افضل انك تدخل منتدى طب الاسنان وتسال هناك يعطوك اجابه احسن مني

المشاركة الأصلية كتبت بواسطة اميره بضحكتي يعطيكي العافيه كلام رائع و واقعي هدا الي يحصل معانا فعلا ولازم تعرفو وتحطو في بالكم اي تخصص طبي دراستو متعبه ومهي سهله سواء كان طب \ علوم طبيه \ صيدله كل قسم وله صعوباته (وهدا مايعني اننا نقلل من الاقسام التانيه) بس انا ذكرت هدي الاقسام لاننا هنا بنتكلم عن الطب واقسامو الله يوووفقكم ^^

+1
واي دراسه ,,بالتخطيط والتنظيم والترتيب يسهل كل شي باذن الله,,, واللي يواجه صعوبه فترتيب وقتو ودراستو ,, يبدا يرتب صلاتو مع الله ,, فمن جعل اول اولوياته (الله) رتبت له باقي امور حياته

واسعدني مرورك

المشاركة الأصلية كتبت بواسطة أسيرة الراقي رغم ان مالي بالطب لا من قريب ولا من بعيد بس مدري كلامك أعطاني دافع كبير يعطيك العافية ي دكتورة وربي يوفقكم جميعا ^^

الحمدلله يارب

ويوفقك حبيبتي

[د.هوازن]

,,up,,

[ذهب محمد الى الحديقه ولعب]

طبعا الدكتوره ماقصرت قالتلكم كل شيء عن السنه الثانيه

يعطيها الف عافيه

طبعا بس حاب اضيف نقطه مادري ذكرتها ولا لا لاني مالحقت اقرا كامل الموضوع

اول محاضره راح تاخذوها في الكليه ::
لو خرجتوآ من المحاضره بـ 20% فقط ... فلا تخآفون الوضع اوكي
المحاضره الثانيه بتزيد النسبه والثالثه والرابعه والخامسه ممكن يمر كم يوم وانتم يادوب تفهموا اشياء بسيطه مع الدكتور ... هذا طبيعي بسبب اللغه ممكن او التوتر او رهبة البدايات لكن ماراح تزيد عن اسبوع او اسبوعين ... وبعدها راح تاخذوا على الوضع..


ثاني حاجه :: انا واحد من الناس اللي ماقد تخيلت نفسي في يوم من الايام بروح مكتبه واجلس اقرا او اذاكر .. بس مع الطب هذا الشيء كثيييير مفيد خاصة في البريكات والاوقات الفاضيه روحوا قروب للمكتبه واجلسو ذاكروا مع بعض وفهموا بعض راح تستفيدو كثير


ثالث حاجه ::زي ماقالت الاخت ... لاتنصدموا من الدرجات .... مهمتك في اول ترم ( الخروج باقل الاضرار ) يعني حاولو قد ماتقدرو ماينزل المعدل كثير ... وفي طلاب ماشاء الله عليهم المعدل بقي زي ماهو ....

رابع حاجه ::: في دكاتره ... شرحهم كويس زياده عن اللزوم
عشان كذا لا بد تروحوا للمراجع وتفهموا بنفسكم وتدخلو مواقع وتدورو عن المعلومه ... خلاص انتو الان ( ثلث دكتور ) << على قولة واحد من الدكاتره ... يعني لازم تعرفوا كيف تطلعو المعلومه وترجعو للمراجع وتدورو فيها ... ( واكيد راح يساعدوكم في هذا الشيء في اول ترم )


خامس واخر حاجه :: اكيد اغلبكم يعرف عن اللجنه العلميه ... واللي مايعرفها ( باختصار مجموعه من الطلاب يقسمو نفسهم على مواد الترم .. كل ماده يمسكها مجموعه ... هذي المجموعه هي اللي تحدد مع الدكتور وتستفسر منه بخصوص الاختبار وتسوي ملخصات وتوفر لبقية الطلاب المواد العلميه من سلايدات وشيتات وغيرها )... اللي ابغى اقوله ... الكثير راح يقول في نفسه مابغى اكرف نفسي واخدم الدفعه وغيري مرتاح جالس في بيته وتجيه التاشيرات والتلخيصات وغيرها ..... صدقوني الان اوائل الدفعه في الدرجات هم اعضاء اللجنه العلميه .... اولا ربما بل اكيد توفيق من ربهم لانهم ساعدو اخوانهم من دون مقابل ووفرو لهم مايحتاجون.... ثانيا لانهم حيكونو ملمين بالمحاضرات اول باول وعارفينها ........ لذلك لازم عليكم تتسابقو على تحصيل مكان في اللجنه العلميه ... واللجنه العلميه مسؤوليه مو بس تاخذوها عشان تذاكرو اول باول ... لازم تساعدو بقية الطللبه ...



ادري كلامي كثير ... بس ان شاء الله يحقق الفائده المرجوه....
ودعواتكم لي في اخر اختبارات السنه الثانيه من الطب ( يوم الاربعاء )

وبالتوفيق للجميع

[قروشـ]

الموضوع حاطه بمفضلتي , إن شاء الله قبل الدراسة بأسبوع أرجع أقراه , جزاك الله خيرة د.هوزان وأخ محمد في الحديقة يلعب هههه , والله يوفقكم في دراستكم وتتخرجوان اطباء منتجين ومبدعين

[أنس خياط]

جزاكِ الله خير دكتورة هوازن الله يدخلك الفردوس الأعلى من الجنة بلا حساب ولا عذاب ويشرح صدرك وينير دربك

ويعلي قدرك ويرزقك الصحة والعافية وأسأل الله الحي القيوم أن يصلح لك شأنك كله ولا يكلك إلى نفسك طرفة عين

وأن يجعل هذا العمل في موازين حساناتك ويرزقك من حيث لا تحتسبين وييسر لك أمورك ويوفقك دنيا وآخرة

وجزاك الله خير أيها الطبيب (ذهب محمد الى الحديقه ولعب) وأسأل الله لك التوفيق والسداد ويدخلك الجنة ويرزقك

الدرجات العلى في الدنيا والآخرة أحبك في الله أيها الطبيب الشهم

[Faisal Al-Zahrani]

الله يعطيك العافيه موضوع جدا مفيد واسال الله ان يرزقك على قد نيتك

بالتوفيق للجميع ..#

[قياس ×]

الله يجزاكي الف خير د. هوازن ، موضوع اكثر من رائع . :)


والله يجزاك أخوي "ذهب محمد الى الحديقه ولعب" الف خير على ردك المفيد :) << اسمك تحفة ^^

[رونــا]

نصائح جيدة مررة ..
شكرا على تخصيص وقتك لهادي النصايح ربي يعينك على الخير
جزاكي الله كل خير ان شاء الله ربي يوفقك في حياتك العلمية والعملية ويفرح اهلك فيكي
وثاني مرة بشكرك على النصايح شكرا شكرا شكرا :*

[Dr.Tee]

شكرا أختي على الموضوع اللي أكثر من رائع ..

عندي إستفسار بالنسبة للمقابلة الشخصية لطب الأسنان :-

هل يوجد مقابلة لطب الأسنان و إن وجد متى غالبا يكون موعده ؟

هل عند القبول هل لازم أحضر لمكان او استلم اشياء ؟

[Miss Dreamer]

الله يعطيكِ العافية د.هوازن .. في ميزان حسناتك يارب ..

بس حابة أضيف كم نقطة على كلامك للدفعة الجديدة ..

- بالنسبة للحضور والغياب، صحيح ماعلى مواد التخصص درجات للحضور ولكن في محاضرات لو ماحضرتها ، الساعة اللي بتفقدها أثناء وقت المحاضرة قد تتحول لاربع ساعات حتى تستطيع فهمها لحالك .. وفي محاضرات حضورك من عدمه مايفرق .. فهنا يجي دور التنظيم ومرعاة عامل الوقت .. أنت الان اللي تقرر فكن حكيم بوقتك ..!

وعليكم بالابات جداً مهمة ورح تنبسطوا فيها ..
تشرحوا جثث فالاناتومي وتشوفوا سلايدات فالهستو وعينات الاعضاء .. حاولوا قدر الامكان ماتتغيبوا عنها عشان تقدروا تربطوا النظري بالعملي ويسهل عليكم بالمذاكرة كثيير ..

- بالنسبة للدوام،
الدوام الفعلي كان من 8-4 بالترم الاول ، لكن بالترم الثاني اقل بساعة او اثنين.. مافتكر اننا كنا نخرج قبلها الا نادراً ..

- أخر حاجة حابة أقولها .. صحيح رح تمر عليكم أيام عصيبة ورح تواجهوا ضغوط كثيرة خصوصاً بالبداية بس دائماً تذكروا إنكم " أصحاب رسالة " والله أختاركم لهذا المجال فاحمدوا ربكم كل يوم على هذه النعمة الكبيرة واخلصوا النية في كل كلمة وكل حرف تتعلموه وإن شاء الله رح تبدعوا وتصيروا من أحسن الدكاترة ..


اي سؤال او استفسار مارح نقصر معكم ..
بالتوفيق للجميع