عندي أسئلة عن ماجستير الاقتصاد ( أرجو التفاعل ) ^_^

[mola]

المشاركة الأصلية كتبت بواسطة اقتصادي لغوي سيدة مولا هل فيه منتديات تانية يتفاعل فيها طلاب وطالبات جامعة الملك عبد العزيز غير هذا المنتدى ؟

فيه منتدى جامعة الملك عبد العزيز
http://forum.kau.edu.sa/vb/

بس ما ادري اذا فية تفاعل من قبل الطلاب هناك لأني ما ادخلة الا نادرا

[اقتصادي لغوي]

تسلم ايديكي على هذا الجدول يا استاذة مولا اللي هوا :

الترم الأول: تحليل اقتصادي إسلامي + اقتصاد صناعي + اقتصاد رياضي + نظرية جزئية
الترم الثاني : اقتصاد اداري + اقتصاد قياسي + اقتصاد إقليمي+ تقييم مشروعات
الترم الثالث : اقتصاد حضري + سياسات نقدية + دراسة جدوى + مناهج بحث
الترم الرابع : وساطة مالية + نظرية كلية + المشروع البحثي

انا عملتها على حسب وقتها بالنسبة للسنوات السابقة لأنها بالعادة مواعيدها ما تتغير بس أحيانا يغيروا مادة او مادتين

+ أفهم من هذا الجدول انو المواد ما تعتمد على بعضها .. قصدي انو مافي مواد منها تعتبر متطلبات سابقة لمواد تانية

بكلامك اللي فوق قلتي لأنها بالعادة مواعيدها ما تتغير بس أحيانا يغيروا مادة أو مادتين ...

قصدك يغيروا مواعيد مادة أو مادتين ؟ ... (أو) قصدك يغيروا مادة أو مادتين ويحطو مكانها مادة أو مادتين تانيات ؟

+ أنا ما قيد اختبرت الستيب هذا بحياتي :)

مرة وحدة اختبرت توفل في كندا عام 2009 شهر 4 على ما أذكر .. وجبت 60 ibt اللي تعادل 497 ورقي

مدري يعترفو في هذي النتيجة ولا يطلبو وحدة جديدة ؟

ولو فرضا اخذت الدورة البديلة .. هل اوقاتها ما تتعارض مع أوقات مواد ماستر الاقتصاد أبدا ؟

والله بصراحة بفكر اختبر الستيب .. طيب من خبرتك هل فيه كتب مساعدة للتحضير لهذا الاختبار ؟

ممكن تقوليلي ايش مواد الماستر اللي اخذتيها في الأترام اللي راحت وأيش المواد اللي نازلتلك حاليا ؟ .. وكم باقيلك ع التخرج ان شاء الله ؟ .. وأيش رأيك في ماستر الاقتصاد وانتي بالأساس خريجة قسم رياضيات وهوا قسم احبو مره .. وليش مثلا ما كملتي في الرياضيات ؟

سامحيني على كثرة الأسئلة يا أستاذة مولا مالي غيرك في هذا المنتدى الجميل

تحياتي

[mola]

[QUOTE=اقتصادي لغوي;6752669]تسلم ايديكي على هذا الجدول يا استاذة مولا اللي هوا :

الترم الأول: تحليل اقتصادي إسلامي + اقتصاد صناعي + اقتصاد رياضي + نظرية جزئية
الترم الثاني : اقتصاد اداري + اقتصاد قياسي + اقتصاد إقليمي+ تقييم مشروعات
الترم الثالث : اقتصاد حضري + سياسات نقدية + دراسة جدوى + مناهج بحث
الترم الرابع : وساطة مالية + نظرية كلية + المشروع البحثي

انا عملتها على حسب وقتها بالنسبة للسنوات السابقة لأنها بالعادة مواعيدها ما تتغير بس أحيانا يغيروا مادة او مادتين

+ أفهم من هذا الجدول انو المواد ما تعتمد على بعضها .. قصدي انو مافي مواد منها تعتبر متطلبات سابقة لمواد تانية
لا ما فيه متطلبات
بكلامك اللي فوق قلتي لأنها بالعادة مواعيدها ما تتغير بس أحيانا يغيروا مادة أو مادتين ...

قصدك يغيروا مواعيد مادة أو مادتين ؟ ... (أو) قصدك يغيروا مادة أو مادتين ويحطو مكانها مادة أو مادتين تانيات ؟
اقصد يغيروا اوقاتها

+ أنا ما قيد اختبرت الستيب هذا بحياتي :)

مرة وحدة اختبرت توفل في كندا عام 2009 شهر 4 على ما أذكر .. وجبت 60 ibt اللي تعادل 497 ورقي

مدري يعترفو في هذي النتيجة ولا يطلبو وحدة جديدة ؟
اللي اعرفه انه مدة الستيب ثلاث سنوات ويمكن التوفل مثلها
حاول تسأل في منتدى الجامعة الرسمي الرابط اللي في الرد السابق .. هناك يتواجد بعض المسؤولين من الجامعة اكيد حتلاقي جواب عندهم.
ولو فرضا اخذت الدورة البديلة .. هل اوقاتها ما تتعارض مع أوقات مواد ماستر الاقتصاد أبدا ؟
بالنسبة للطالبات من 2 الظهر - 4 العصر.. أتوقع الطلاب كمان نفس الشي .. فيه مواد في الماستر بعد الظهر بس ممكن ما تنزلها اول ترم الى ما تخلص الدورة.
والله بصراحة بفكر اختبر الستيب .. طيب من خبرتك هل فيه كتب مساعدة للتحضير لهذا الاختبار ؟

انا دخلت الامتحان قبل ثلاث سنوات تقريبا .. وقتها ما كان فيه عن الامتحان في النت أي شي ودخلته من غير مذاكرة وعديته الحمد لله مع ان مستواي في الإنجليزي متوسط .. بس الان تلاقي في النت عنه وكمان هنا في المنتدى فية ملتقى لامتحانات قياس حيساعدك ان شاء الله
على العموم هوه اسهل من التوفل وبما انك عديت التوفل قبل يعني تقدر تعدي الاستيب وبدرجة عالية ان شاء الله
ممكن تقوليلي ايش مواد الماستر اللي اخذتيها في الأترام اللي راحت وأيش المواد اللي نازلتلك حاليا ؟ .. وكم باقيلك ع التخرج ان شاء الله ؟ ..
حأتخرج الترم القادم بإذن الله باقي لي ( نظرية كلية+اقتصاد إقليمي+مؤسسات إسلامية) + مشروع البحث
الترم هذا ادرس ( تحليل إسلامي+ اقتصاد صناعي+ جدوى + معاملات إسلامية)
وأيش رأيك في ماستر الاقتصاد وانتي بالأساس خريجة قسم رياضيات وهوا قسم احبو مره .. وليش مثلا ما كملتي في الرياضيات ؟
قسم الاقتصاد اعجبني اكثر من الرياضيات لأنه مرتبط بالواقع وأضاف لي كثير .. والرياضيات كمان أضاف لي وساعدني كثير في الاقتصاد .. يمكن حبيت الاقتصاد لأنه يتعلق بالأرقام وفية شي من الرياضيات
ليش ما كملت في الرياضيات لأنه قسم صعب جدا في كل شي بالمواد وفي القبول للماستر كمان.. وانا حسيت اني اكتفيت منه وحابة اجرب شي جديد

[اقتصادي لغوي]

مشكورة يا أستاذة مولا

بصراحة استفدت منك كتير الله يخليكي

وعقبال ما نفرح بتخرجك ان شاء الله ونصيبنا من التورتة ارسليه لينا بالفيديكس ع المدينة لا تنسي :)

وشكلي راح اختبر الستيب هذا وربنا يسهلها دعواتك

بس أنا نفسي لو يفتحو في الماستر تبعنا حقول تانية يكون أحسن

واذا استجد معايا شيء واحتجت مشورتك راح اكتبلك هنا

ربنا يوفقك ويحققلك اللي تتمنيه

[mola]

العفو
وانا كمان استفدت منك كثير
عقبال ما تفرح بتخرجك انته كمان
واي استفسار انا في الخدمة

[اقتصادي لغوي]

آمين

تسلمي يا استاذة مولا كلك ذوق

بس أمانة عليكي لا ترمي المذكرات والكتب والأبحاث وأسئلة الاختبارات اذا ما كنتي محتاجتها بعدين .. قصدي بعد التخرج :)

واذا جيتي تتخلصي منها أعطيني خبر أنا أجي آخذها من أخوكي أو أبوكي وليا الشرف

[mola]

أن شاء الله

[اقتصادي لغوي]

استاذة مولا أتمنى انك تكوني في موفور الراحة والعافية

أبشرك جبت 88.04 في قدرات الجامعيين وحسبت الموزونة طلعت 88.84

ان شاء الله تكون حلوة وانقبل في قسم الاقتصاد :)

بس باقيلي اختبار ستيب نهاية شهر ثلاثة هجري دعواتك

[mola]

ما شاء الله تبارك الله
راح ابارك لك بالقبول من الان
الف مبروك

[اقتصادي لغوي]

شكرا يا استاذة مولا :)

الله يبارك فيكي

والله خايف المتقدين هادي السنة يكونو دوافير وما تنفعني درجة القدرات ههههههههه

بفكر اختبرو مرة تانية بس متردد

مدري أيش رأيك ؟