وحده باعتني اشتراكها بنادي بسعر مغري..وبعدين اكتشفت انها باعت الاشتراك خوفا من حريق

[منـــــــو]

السلام عليكم....
بنات عطوني رايكم...
وحده عرضت علي اشتراكها بنادي جديد..وبسعر مغري...وحاولت تقنعني انها تخلت عن الاشتراك ..بسبب المواصلات وبيتها بعيد...

وطبعا حولت الاشتراك باسمي وبسرعه وخلال اسبوع ...طبعا هي تعهدت تقوم بكل شي..
وبعد فترة اتصلت تطلب زيادة فلوس ..تقول أتعابها..هي ما تعبت بشي..بس اتصال هاتفي واحد مدري اثنين حسبتهم ...انا ادفع حق المكالمة..


..طبعا طول الفترة وانا استخير وبصراحة مش مرتاحه لها ولا للنادي...


الان وقبل شوي اكتشفت انه من شهر النادي كان فيه حريق جامد ودخان بشككل كثيف..ولها السبب هي باعت الاشتراك علي وبسعره..
بس طبعا انا ما استلمت ولا حاجه لين دحين لا كرت ولا حاجه ولا سلمتها الفلوس...

وكلمتها قولت ما ابغاه.رجعي الاشتراك باسمك..الحريق يفجع..وهي خدعتني لما خبت موضوع الحريق..
وقالت النادي مقفل صيانه..وهو كان مقفل بسبب الحريق...


ابغى رايكم يا بنات....هل اكمل اخد الاشتراك او اطنشها وخلاص...

[Patricia]

أهلا وعليكم السلام..

بما إنها ماكانت صريحة وواضحة معك من البداية ف من حقك تتراجعي طالما لا استلمتي ولا سلمتي، بالنهاية الموضوع راجعلك ما نقدر نقرر عنك، عموما لو مكانك كنسلت الموضوع..

ممكن أعرف شو اسم الجيم..؟ براحتك بدك تقوليه هنا ولا برايفت مو مشكلة..

[منـــــــو]

جولد جيم اللي في حي المطار القديم

[اللهم صلي على النبي]

لاتاخذي الكرت وقوليلها سمعت انو صار حريق وغيرت راي ما ابغى اشترك

[عزوزه7]

يااقمررر لاتشتري منها ولاشىء
انسحبببي وانهي معاها الموضوع
ولا انا ارتاح للامور ذي ^_^

[امل يعقوب]

دوبوو جديد لحق ينحررق اعووذ بالله


نصيححه طنششيهااا من حقك

وخوف على نفسك

[حلا*و*غلا]

هلا اختي
انصحك لا تاخذية
ماكانت واضحة معاك

[منـــــــو]

اهلا فيكم يا بنات مشكورات على الردود الجميلة والمقنعة
اتصلت عليها وقلت لها ما ابغاااااااااااااااااه
اكتشفت ان الاشتراااك ناقص 5 شهور وهي تبغاني ادفع حق سنة كاملة وعليه ارباح زيادة
ثانيا الفرع محترق من شهرين تقريبا وبنفس وقت الحريق عرضت علي الاشتراك واخفت موضوع الحريق
ثالثا الاشتراك بعيد عن بيتي ومشواره يوميا ساعه رايح ساعه جاي غير تكاليف المشاوير
وهي كانت وعدتني بالنادي القريب من منزل اهلي وامس اكتشفت انه الاشتراك باخر الدنيا وبعيييييد جدا جدا عني
رابعا حاولت تخدعني وتطلب مني عدم الذهاب للنادي ابد خلال تحويل الاشترا ك

قلت لها ما فيه شي غصب خليه لك وانا استخرت و ما قادرة اكمل معها
ولكنها مصرة ومصممة اخذه وجلست تبكي وتتبكبك وعصبت وصرخت وسبت وقللت ادبها علي
.................لاحول ولاقوة الا بالله

بناااااااااات ادعوووووووووو لي ربي يكفيني شرها

[حلم قريب]

شين و قوي عين

طنشيييييييييييييييها

[nour al3mr]

و عليكم السلام و رحمة الله و بركـآته

و الله يا أختِ لو تبكي من هنا لشهـر قدآم
دامها من البدآية أخلت بالثقة و كلامها طلع النقيض عن الوآقع
فلا تأمني لها و أسحبي نفسك من الوضوع و يا دآر ما دخلك شـــــر

و خليها تدعي و تتحسب قد ما تبغى براحتها ما حتضر إلا نفسها
تفتكر أنها وسيلة عشان تخوفك ..! و الله العقليات عجيبة الله يصلح الحال
و ربي يكفيك كل شــــر و ســـوء