تجمع طالبات مادة (محاسبة منشآت متخصصة) مع د.سحر الجبروني *جديد*

[حأقعد عالكاشير]

beebaa40
هههههههه عاد الاسم ذا اخترتو وانا نفسيتي رايحة فيها
وجا كذا خخخخخ ^^
ولايحرمنا منك ياختي ومن تواجدك :)

وهذي ياعسلز المحاضرة تبع الربوع

وإلى الأمام في المذاكرة وتفتيح الأدمغة ^^

بالتوفيق

[بسمة حزن]

يعطيك العااااافية اختي حاقعد وربي ساعدتيني كثير

بس اتمنى تساعدوني لاني اضفت المادة متاخر ومرررة احس نفسي ضايعة حتى يمكن ما اختبر

تنصحوني ما اختبر ولا كيف ؟؟؟ مرة محتارة

[حأقعد عالكاشير]

بسمة حزن

ياعسل لاتخافي من المادة انتي ذاكري من المحاضرات هذي
وإن شاء الله تجيبي درجة حلوة واحلى من الحلوة كمان
وترى الجزئية الأولى مررره سهلة
حتى الدكتورة قالت حاولوا تجيبوا درجات فيها
وكلها بس 21 صفحة ذاكريها في 3ساعات ماتجي اكثر من كذا
واتوكلي على ربنا

واذا في شي مانتي فاهمتو اسألينا هنا
واحنا نساعدك اهم شي لاتخافي وخشي الاختبار

ربي يوفقك ويسهلك ويشرح صدرك :)

[letterbomb]

كيفكووون بنات كيف المذاكرة
بسألكم متى الغي القيد النظامي في اي الحالات ؟ في بعض التمارين نلغيه وفي بعضها لا ماعرفت افرق
الله يعينكم كل شويا بتشوفوني ناطه هنا

[حأقعد عالكاشير]

انا اقولك ياعسل
طبعا من البداية احنا مانسوي قيد نظامي الا اذا كنت حآخذ واستلم شي
زي(استلمت اوراق مالية أبغا ابيعها - استلمت شيكات عشان أصرفها - او اني استلم او احصل فوائد (كوبونات) الاوراق المالية) أوكي
طيب
هوا في جميع الحالات مادام في قيد نظامي من البداية
لازم في آخر العملية نلغي
لكن الفرق احيانا نلغي على خطوتين وأحيانا في خطوة وحدة
عندنا في المنهج الى الآن حالتين بس فيها الغينا القيد على خطوتين
مره لمن جينا نودع الشيكات المسحوبة عن طريق فروع البنك
والمرة الثانية لمن جينا نودع الشيكات المسحوبة عن طريق بنوك اخرى داخل المدينة
واللي سويناه انو قفلنا حساب الشيكات لمن جاني اشعار الاضافة
وقفلنا حساب مودعي الشيكات لمن جينا نضيف مبلغ الشيكات في حساب جاري العميل

والحالات الباقية كلها قفلناها في خطوة وحدة عكسنا القيد وانتهينا

وانتبهوا بنات لمن يجينا التمرين وانتي عارفة من خطوات الفقرة في قيد نظامي والغاءه حتى لو ماقالت تسوي
أوكي تراها نبهت على ذي الهرجة*_*

إن شاء الله ماتفلسفت بزيادة وتكون وصلت الحكاية الطويلة ذي :)

ونطنطي وانقزي على كيفك نحنا في الخدمة ^^

[letterbomb]

مررررررررره شكرا يعطيكي العافية
طيب لمن تكون فيه شيكات مرفوضة الغي القيد مره وحده بقيمة الشيكات المرفوضة ولا كيف ؟
لخبطني القيد النظامي !! بس اهم شي انو لو فيه قيد نظامي في البداية نلغيه بأنو نعكس القيد بالاخير صح ؟؟

وانتبهوا بنات لمن يجينا التمرين وانتي عارفة من خطوات الفقرة في قيد نظامي والغاءه حتى لو ماقالت تسوي
أوكي تراها نبهت على ذي الهرجة*_*

النقطة هذي مافهمتها كيف يعني :( ايش قالت بالضبط ؟

[حأقعد عالكاشير]

المشاركة الأصلية كتبت بواسطة letterbomb مررررررررره شكرا يعطيكي العافية

الله يعافيكي ومرررة عفوا :)

طيب لمن تكون فيه شيكات مرفوضة الغي القيد مره وحده بقيمة الشيكات المرفوضة ولا كيف ؟

صح نسيت اقولها اول نلغي القيد النظامي مرة وحدة بقيمة الشيكات المرفوضة

لخبطني القيد النظامي !! بس اهم شي انو لو فيه قيد نظامي في البداية نلغيه بأنو نعكس القيد بالاخير صح ؟؟

لا تتلخبطي ياسوكر
زي ماقلتي لمن نلغي نعكسو وبس

وانتبهوا بنات لمن يجينا التمرين وانتي عارفة من خطوات الفقرة في قيد نظامي والغاءه حتى لو ماقالت تسوي أوكي تراها نبهت على ذي الهرجة*_* النقطة هذي مافهمتها كيف يعني :( ايش قالت بالضبط ؟

قصدي يعني مثلا في واحد من التمارين اللي محلولة عندنا
كانت الفقرة تقول بلغت الشيكات المسحوبة على عملاء الفروع 130.000 تم تحصيلها بالكامل وتبانا نسوي القيود حقها
على طول رصينا 3 قيود
القيد النظامي وقيد الاشعار تبع الاضافة وقيد اضافة المبالغ في حسابات العملاء

يعني احفظي خطوات القيود وكم قيد لكل عملية
هذا كان قصدي :)

وبالتوفيق

[حأقعد عالكاشير]

^
^
توني وانا اراجع انتبهت انو الايداع بالشيكات
مو هوا اربع حالات وحدة مره مافيها قيد نظامي
والثلاثة الباقية كلها فيها قيود نظامية تنلغي على خطوتين

[نجـــد]

طلب مساعده :(

بنات في بيع الاوراق المالية اعطتنا حالتين

الحالة الاولى كانت خاصه ببيع الاوراق الماليه لحساب عملاء الحسابات الجارية و حساب عملاء ليس لهم حساب جاري في البنك ولصالح الفرع واخذنا عليها 4 قيود

والحالة الثانيه كانت لصالح البنك واخذنا 3 قيود / القيد الاول : التحويل / القيدين الاخيره في حالة ربح او خساره

لكن لما اعطتنا تمرين كان خاص (لصالح البنك) حلته الاستاذه على الحاله الاولى واضافت قيد جديد اسمه عمولة بيع اوراق ماليه الي كان بـ 500

سؤالي :: ليش ماحلت التمرين على الحالة الثانيه بما انه لصالح البنك

<< صدع راسي منه وسبب لي توتر :(

[نجـــد]

دوبي انتبهت لشغله .. مكتوب في السؤال : لصالح عملاء البنك

يعني عملاء لهم حسابات جاريه في البنك <~ اسأل واجاوب على نفسي

يعني السؤال خاص للحاله الاولى صح ؟