مشكلتي معي الاورقنك . اقدر احذف الترم الصيفي ولا لا

[91girl]

السلام عليكم ...

بخش فالموضوع دغري انا اليوم اختربت اورقنك والمس الله يهديها اخرتنا فبدينا متاخر وكمان كملتها بانها سحبت الورق قبل الوقت متحججة انو الاختبار مايستحق هذا كلوا معنو المفروض لنا ساعة كاملة لكنها ماشاءالله نقصت من بداية الاختبار فبدينا متاخر ونهاية الاختبار اخذت الورق قبل الوقت والمصيبة انو انا كان باقيلي اخر سؤالين بس اضللهم فقلت لها دقيقتين قالت لا وخرجت والورقة معاي وقالت والله البنت الي تعطيني وانا خرجت مش حصحح ورقتها وانا منهم طبعا :(


يعني بالعربي تقدرو تقولوا 15 درجة راحت مع الريح
الحين لو على احتمال انها صدقت وماصححت الاختبار حقي لانو في بنات معاي اصلا اسمهم مالحقوا يكتبوا

هل اقدر احذف السمستر ولا لا
انا ماخذت صيفي عشان اخذ اف ولا سي

فبليز قلولي ينفع احذف هذا السمستر و لا اكمل بكى احسن لي

[بيو كيميائية ^_^]

وعليكمـ السلامـ

ايش هذهـِ فوق تأخيرهـا إلا بعد قوية عين

حرامـ عليها ماتخاف ربهـا رمضان إحنا

الله يهديهــــــا

والله الإعتذار سكر شوفي لو تقدري من الأودس

أو شدي حيلكـ وجيبي فل ماركـ في الباقي

وإستخيري أفضل

والله يفككـ منهـــــــــــا ويهديهـا

[91girl]

اليوم كلوا انا ابكي بسببها الله يسامحها وكمان الحين الاعتذار قفل لاحول ولا قوة الابالله الله يهديها بس

[بيو كيميائية ^_^]

الله مايضيع لكـ تعب وإحنا في رمضان إدعي ربكـ يفرجها


وروحي إشتكي عليها عند رئيسة القسم هذا إختبار مو لعبة

والله يهديها وتصلح ورقتها

الواحد في رمضان يحاول مايغلط ويسهل على الناس وهذهـ تعسرها

الله يوفقكـِ وينجحكـ يارب

[91girl]

اخاف بصراحة تحقد علي ولا شي لمن اشتكيها وكمان هذي مس رحاب عنقاوي يعني لمن تحط احد في راسها الله يعينو .هي مهي وحشة بس احيانا تقلب 180 درجة والتفاهم معاها صعب وكمان هي خلاص مش حداوم الا فالفاينل وبس يعني مش حقدر اروح مكتبها واحاول اكلمها مرة2 . وعلى قولك مافي غير اني ادعي ربك يفرجها لي ولصحباتي كمان على الاقل انا كتبت اسمي هم ماكتبوا الاسم يعني ورطة><

[بيو كيميائية ^_^]

اها

هي معاهـا إنفصامـ في الشخصية يعني

يوم الفاينل كلمـيها والله مايضيع تعبكـ

والله يعين صاحباتكـ المساكين

وإن شاء الله ترجع للشخصية الطيبة وقت التصحيح

[91girl]

المشاركة الأصلية كتبت بواسطة بيو كيميائية ^_^ اها هي معاهـا إنفصامـ في الشخصية يعني هههه هي تقول انا اضحك مع الجميع لكن الاختبار هذا لي انا اسوي الي ابغا وطبعا هي لمن تقول كلمة ماتحب تثنيها ابدا يوم الفاينل كلمـيها والله مايضيع تعبكـ اي انا بكلمها بس اخاف بنت معينة فبالي تروح تكلمها قبلي وتخبص الهرجة لانو اسلوبها يعني مو تمام والله يعين صاحباتكـ المساكين وإن شاء الله ترجع للشخصية الطيبة وقت التصحيح

الشخصية الطيبة شكلوا بس فالكلاس مش فالتصحيح ><

وشكرا قلبو كثيييير على ردك ياقلبي والله انك هونتي كثيير على اتخيلي اليوم كلو مافطرت يدوب الحين الي اكلت حتى مني قادرة اتكلم مع اهلي مرة مضايقة

[بيو كيميائية ^_^]

الإختبار مو لها هذا لكمـ

على العموم لا تضيقي نفسك ولاتزعلي حالكـ

وكلي أمركـ إلى الله والله ياخذ حقكـ

وكل يومـ إدعي ربكـ والحين وقت السحر

وروحي صلي ركعتين وإقري قرآن وبترتاحي

وأكلي لا تهملي نفسكـ عشان مادة

[91girl]

امين يارب


صح كلامك مافي غير اننا ندعي وربنا يسهلها