أريد منكم توجيهي وإرشادي ، وهذا جدولي |

[الفتى العربي]

المشاركة الأصلية كتبت بواسطة tamim نصيحتي لك ركز على المحاسبه وحاول تعديها لان لها في مواد تعتمد عليها اما الرياضيات فانصحك انك تأجلها لان يبيلها ترم لحالها مثل ما سويت عشان تظمن تركز على المحاسبه لوحدها كماده علميه بالنسبه لباقي المواد فكلها نظريه وتعتمد على الحفظ وهي سهله باستثناء نظرية التنظيم فيها حشو كبير جدآ ومعقد وانصحك تأجلها الى ترم اخر مع الرياضيات الا اذا كنت متخرج من الثانويه علمي و راعي مذاكره صح فساعتها الاختيار بيكون لك

الله يجزاك خير وما قصرت ،،

[ناني دودو]

اخيالعزيز


بالنسبه لجدولك فيه شويت صعوبه عليك

عندك الرياضيات سهله بس يبي لك تركز على القوانين س و ص

بنسبه للمحاسبه اهم تركز على وش اللي يدخل في قائمه الدخل ومايدخل في قائمه المركز المالي والعكس

واهم شي قائمة المركز المالي التجاريه سؤال يتكرر كل سنه


بالنسبه لنظريه التنظيم ركز على النظريات وخاصه وش تتكلم عنه ومن صاحبها وهي موضع اسئله والمادة متطلب لاكثر من ماده




بالتوفيق

[ابن سينا]

اخي انت فعلا عندك مادتين يبيلها مدرسين
والباقيه نظري مثل ماقالو لك الاخوان
بالنسبه للنظري
فعندك
ثقافة الاسلاميه
اخلاقيات العمل
خدمه مدنيه
هاذي كلها مواد سهله جدا جدا
خصوصا الثقافة واخلاقيات العمل

لكن نظرية التنظيم
هاذي كلها لحسة مخ حفظ كلها اسماء علماء
وكل عالم له مدرسه وله نظريه
يعني تلخبطك يبي لها واحد يمخمخ عليها
القانون الاداري طويل وهاذي مشكلته بيتعبك شوي

هذا مالزم ايضاحه
على فكره هاذي من تجربتي شخصيا

راجع نفسك
تحياتي

[الفتى العربي]

ناني دودو : يعطيك العافية حبيبي .. شاكر لك إيضاحك تجربتك وإن شاء الله ملاحظتك بحطها في عين الإعتبار .

ابن سينا : لك كل تقديري وشكري ، نصايحك على العين والراس ..