حلمك بعد دراسة الطب العــــــام .. (2)

[ShiQ]

اممممممممم والله مافي شي مره كدا ابغاه مره

بس ممكن قلب لو ابا اتنافس واتحدى لانو مو سهل

ممكن بلاستيك سيرجيري لو ابا فلووس $_$

وممكن فاميلي مديسسن عشاان ارييح رااصي من الهم والتعب

d:

[Иiтяσgεи✿]

المشاركة الأصلية كتبت بواسطة shiq اممممممممم والله مافي شي مره كدا ابغاه مره بس ممكن قلب لو ابا اتنافس واتحدى لانو مو سهل ممكن بلاستيك سيرجيري لو ابا فلووس $_$ وممكن فاميلي مديسسن عشاان ارييح رااصي من الهم والتعب d:

ربي يسعدك

عندك لكل هدف تخصص ههههههههههههه

لا تخاف انا متأكدة اذا دخلنا شويتين في الطب ح تقرر بدون اي حيرة

بستناك بعد سنتين خيووو

[Memo00o]

مخ واعصآب , بإذن الله ..

السبب/ حلمي من كنت صغير ..

!
وشكرن ع الموضوع <lol

[Иiтяσgεи✿]

المشاركة الأصلية كتبت بواسطة memo00o مخ واعصآب , بإذن الله .. السبب/ حلمي من كنت صغير .. ! وشكرن ع الموضوع <lol

لاحظت انو اغلبية البويز داخلين ع المخ والاعصاب

مرة حلو انو نشوف في من دفعتنا اشخاص احلامهم قوية وصعبة

ربنا يوفقك وتدخل اللي نفسك فيه وتتنافس انت والبقية << اللي يتفوق ع الباقي له هدية لم يعلن عنها بعد

[عبدالسلام الغامدي]

مستعجلين ليش؟؟؟

باقي قدامكم 6 سنوات

[Иiтяσgεи✿]

المشاركة الأصلية كتبت بواسطة عبدالسلام الغامدي مستعجلين ليش؟؟؟ باقي قدامكم 6 سنوات

لانو من صفات الاشخاص الناجحين << ابسط اجابة

احنا مستعجلين لانو في اكثر من سبب
يعني مثلا لما تحط ببالك تخصص .. ووقت الدراسة تمروا عليه .. انت بحكم حبك له راح تستزيد في المعلومات
يسير بدل ماتذاكر من الملخصات ترجع للمراجع
يعني تعمل أساس جيد ومتماسك لتخصصك المستقبليي

كمان مايحتاج اتكلم عن ناحية تطوير الذات وكلام علماءه ..اللي بيقول كل ماتحط هدف قدامك كل ما تسخر قدراتك وامكاناتك للوصول له

لو باتكلم ما ح انتهي
اتمنى منك فعلا تفكر بكلامي هذا وتتطلع على فيديوهات وافلام طبية..
انا متأكدة بعد فترة راح اشوف لك رد ثاني هنا تكون كاتبلنا ميولك وهدفك -عندي تمام الثقة انو ح يكون تخصص رائع بروعتك اخي الكريم -

[彡yS❤Ry彡]

المشاركة الأصلية كتبت بواسطة Иiтяσgεи✿ كمان مايحتاج اتكلم عن ناحية تطوير الذات وكلام علماءه ..اللي بيقول كل ماتحط هدف قدامك كل ما تسخر قدراتك وامكاناتك للوصول له

قمه في الروعه السطر هذا

انا صراحه امـــيل بعض الاحيان للطب النفسي
احب اقرى تفكير الناس وخاصة "الريفيرس سايكولوجي" يعني الاشياء اللي تقراها من شخص ماتكلم قدامك لسى يعني تقرا حركات جسده بدون مايكلمك ونزيد عليها كيف افهم طريقه تفكير شخص معين
من اول ماتعرف عليه ( ششششي مررا فله )
بس اللي يحبطني دايم في هذا التخصص شيئين
الأول ان اغلب مرضى الطب النفسي مايتحسنون واذا كان فيه تحسن بيكون ع المدى البعيد
يعني العلاج يكون ع مدى 6 شهور والخ

الثاني أنه بتجيني نفسيه مافيها كلام من الحالات اللي بشوفها

[Иiтяσgεи✿]

المشاركة الأصلية كتبت بواسطة 彡ys❤ry彡 قمه في الروعه السطر هذا انا صراحه امـــيل بعض الاحيان للطب النفسي احب اقرى تفكير الناس وخاصة "الريفيرس سايكولوجي" يعني الاشياء اللي تقراها من شخص ماتكلم قدامك لسى يعني تقرا حركات جسده بدون مايكلمك ونزيد عليها كيف افهم طريقه تفكير شخص معين من اول ماتعرف عليه ( ششششي مررا فله ) بس اللي يحبطني دايم في هذا التخصص شيئين الأول ان اغلب مرضى الطب النفسي مايتحسنون واذا كان فيه تحسن بيكون ع المدى البعيد يعني العلاج يكون ع مدى 6 شهور والخ الثاني أنه بتجيني نفسيه مافيها كلام من الحالات اللي بشوفها

ههههههه ربنا يخليك لآهلك

ابعد عنو قد ماتقدر لانو مالو مستقبل هنا بتاتا البتة
حتى لو هوا حلو.. ماعندنا ثقافة علاج نفسي
انت لو شوفت مسلسل mental ح تعزم وتقرر قرار نهائي كمان انو مارح تدخل غير طب نفسي

الله يوفقك في اي مجال تختاره دكتوري العزيز

[MeeNo92]

^

ايشبك زعلان

عادي الواحد عادة يكون نفسو في تخصص او عااجبو حاليا

تلاقينا كل سنة حنغير رأينا

بس برضو حلو نشوف آراء الناس يمكن احد يقول فكرة او شي ما كانت في باالك وتخليك تغير رايك وتحب شي مختلف..

[losfer]

ما أدري بصرآحة إذا هو مناسب أن الواحد يفكر من الآن -وهو لسه ما بدأ يدرس الطب- في تخصص معين
ممكن يكون هذا مجرد تشتيت وكلام طلاب لسه ما عايشوا الواقع
لكن ما أنكر أن التفكير في هذا الموضوع ممتع وفكرة الموضوع حلوة .

أذكر قبل فترة سألت الوالد عن شغلة متعلقة بالبورد الأمريكي ,,,قال - بعد ما جاوبني طبعا- انتا زي اللي دوبه يحبي وقاعد يفكر في الماراثون .


بالنسبة لسؤال الموضوع
ايش نفسك تتخصص بعد الطب العام
مع ذكر السبب ان وجد

صعب اني اجاوب على هذا السؤال لأني ما فكرت أصلا بجدية في موضوع دراسة الطب إلا خلال السنة التحضيرية
قبلها كنت حاط لنفسي خيارات كثير وبدأت استبعدها في السنة اللي عدت الين صفيت على الطب .

لكن بشكل عام أنا متعود اني أحكَم القدرة قبل الرغبة ,,, ممكن تخصصات زي الجراحة تكون مبهرة ومثيرة ليا من النظرة الأولى لكني أشوف في نفسي أني في التنظير أفضل بكثير من التطبيق . وهذا السبب اللي يخليني أستبعد وأشيل من بالي التخصصات اللي تستلزم في غالبها المهارة اليدوية .

شكراً لصاحبة الموضوع
وبالتوفيق للجميع .