خاص بطلاب الانتساب المهتمين بالمعدل فقط ...

[albader]

ياجماعة لازم نتعاون ... الوضع لايطاق والمعدل كل ماله في انحدار ... مش معقول تتخرج ويكون تقديرك مقبول والله ماقدر اقدم هالشهادة لللعمل او اي وظيفة وكل هذا عشان اغلب الدكاترة مفهموهم عن طالب الانتساب اهم شي تنجح ايش ابغى بالشهادة ومعدلي سي ...
الظلم في رصد الدرجات في كل ترم يصير خلاص ملينا ... ارسلنا تظلم فاكسات ايميلات اتصالات مافيه ايت تجاوب لا من الدكاترة ولا من المسئولين .. وكلمتهم الدائمة الي توصلني بعد شهور من المطالبة هذي درجتك ..

وعشان كذا اتمنى تكون هناك حملة مطالبة بتصحيح وضع الطالب المنتسب بعقلية بعص دكاترة الجامعة والمطالبة بالشفافية والانصاف في رصد الدرجات وذلك في اي وسيلة تواصل اجتماعي لكي يعي المسئول في الجامعة عن مدى الظلم والاستهتار بالطالب المنتسب وكانه من كوكب اخر واخرتها تاجيل اختبار طلاب الانتظام وطلاب الانتساب يختبرون ( مب كلهم بشر ) .

يارب يكون فيه تفاعل ..........

[zakaria_asere]

خلها على ربك المعدل عندي كل ماقلت هانت جد علم جديد
السنه هذي سنه الكوارث من السلوك الى الادارة المحليه وانتهاء بنظم المعلومات الاداريه
للاسف النيه اكمال الدراسات العليا وياخوفي تكون النتيجه عكس كذا المعدل مايساعد ابد
لكن ماعند الله خير وابقى وعند الله تجتمع الخصوم

[albader]

تيب يابو يزيد لين متى نجلس ساكتين ... انا كل ترم اقول الترم الجاي يتعدل كل ترم اقول الغلط منا كل ترم وكل ترم وفي الاخير معدلك 2 وخذ شهادتك ... وبعدين ..! وعشان ايش ..! دكتور مايبي يرصد .. دكتور ينظر لطالب المنتسب بنظرة من انت عشان تجيب ممتاز ...

[رسمي]

نبي أحد عنده واسطة جامدة بالوزارة .. صدقوني ينتهي الوضع فوراً

[zakaria_asere]

والله ياغالي اذا ماكان هناك برقيه جماعيه من طلاب الانتساب الى الديوان الملكي والا انسى الموضوع
انا مستعد ارسل برقيه بس انتم عطوني ارقامكم واسمائكم وابشر بسعدك واتمنى تثبيت موضوع بهذا الشان

[albader]

تكفون ياجماعة خلووونا نتفاعل .... تكفوووون .... ياخوك انا اشوف البرقيه حاتكون خاصة وومكن تزبط وومكن ماتزبط ... حنا نبي المسئولين يحسوووون فيها خلاص الوضع لايطاق .....

[المشتـاق]

انا ارسلت ايميل لعميد الكلية وبشوف ردة

[abo yzn]

وسع صدرك الجامعه هشك بشك اصلا لو جبت ممتاز تراها في الاخير انتساب

اهم شي نخلص منهم ونفارق طفشت منهم ومن جده ومن دراستهم ونظامهم الخايس

الدكتور تقول بيدفع من جيبه درجات حسبنا الله عليهم بس قسم جابو لي احباط واكتئاب وجميع الامراض النفسيه والعصبية

حتى الدكاتره اكل وشرب عليهم الزمن

الجامعه العجوز بكل مقداراتها وكوادرها وش تنتظر منها

[شانزليزيه]

والله يالبدر ولا يهونون الربع

انا موظف ارامكو

انا موقع على ورقه اذا كان معدلي 3,49 لا يتم الاعتراف بالشهاده

قلت ليش ياجماعه الخير؟

قالو تبي؟ قلت ايه

قالو اجل وقع

وقعت وانا اقول بخاطري حقي باخذه بجهدي وتعبي

للاسف اذاكر من 3 شهور

ومن الكتاب ولا غير الكتاب

ويجيك هالنوعيات المتحجره الي ماخذينها يام الواسطات يكسرون مجاديفنا

حسبي الله عليكم من شرذمه دكاتره ونعم الوكيل

[albader]

المشاركة الأصلية كتبت بواسطة abo yzn وسع صدرك الجامعه هشك بشك اصلا لو جبت ممتاز تراها في الاخير انتساب اهم شي نخلص منهم ونفارق طفشت منهم ومن جده ومن دراستهم ونظامهم الخايس الدكتور تقول بيدفع من جيبه درجات حسبنا الله عليهم بس قسم جابو لي احباط واكتئاب وجميع الامراض النفسيه والعصبية حتى الدكاتره اكل وشرب عليهم الزمن الجامعه العجوز بكل مقداراتها وكوادرها وش تنتظر منها

لاياخوي مب اهم شي نتخرج مب هذي المقولة الي خلتهم يعممونها على كلا الطلاب .. انا طالب من ضمن الالف الطلاب الي يببون معدل مش نجاح بس ...
وبالنسبه للقسم الثاني من ردك .. مب هذا الكلام الي انا ابي اوصل له .. الحين معد نبي نتعذر لنفسنا نبي فعل تكفووون ...

المشاركة الأصلية كتبت بواسطة شانزليزيه والله يالبدر ولا يهونون الربع انا موظف ارامكو انا موقع على ورقه اذا كان معدلي 3,49 لا يتم الاعتراف بالشهاده قلت ليش ياجماعه الخير؟ قالو تبي؟ قلت ايه قالو اجل وقع وقعت وانا اقول بخاطري حقي باخذه بجهدي وتعبي للاسف اذاكر من 3 شهور ومن الكتاب ولا غير الكتاب ويجيك هالنوعيات المتحجره الي ماخذينها يام الواسطات يكسرون مجاديفنا حسبي الله عليكم من شرذمه دكاتره ونعم الوكيل

ياخوي كلنا صرنا عارفين العلة من وين .. الحين نبي فعل .. انا بنتظر لين اشوف كم شخص يايدني وييكون فيه تفاعل مب اذا جاء وقت الجد ماشفنا احد منهم بعدها بهالموضوع وبعدين لكل حادث حديث ...