شوفولي دا الموضوع وردولي خبر

[دافئ الإحساس]

كيفكم شباب من بعد اول يوم مرهق

حخش على الموضوع سيدا

لاني معصب من اللي حاصل معايا شوفو

انا دوبني اول ترم اهو في كيميا حيوية

والحاصل انو ما يمديني اضيف المواد من الاودس

ولازم اروح عندهم اكتبها

ومعطيني 18 ساعه اخدها

والمشكلة بتجي معايا متعارضه

فمني عارف اش اعمل

لانو بعض الايام بتجيني زي الاحد والتلوت مسلن

باداوم الصبح محاضرة والضهر محاضرة

وفي الليل محاضره عشين العربي

وكل الشعب قفلت حقت العربي

فمني عارف اش اسوي وربي محتار

ساعدوني ياجماعه واش الحل

[مزاجيه والدنيا ورديه]

والله انا مثلك ابغى اضيف العربي متعارض مع جدولي رحت غيررررررت الجدول كله وطلعت الشعبه اكتفت
خلااااااااااااااااااااااااص والله مررررررررررررره شي يرررررفع الضغط

[دافئ الإحساس]

نزلت الجدول اهو

وقولولي اش الحل

لاني محتار مررره

[R-Kh]

روح لقسم الحيوي والمشرف هوا اللي حيعدلك الجدول
الاودس عندنا كلنا حالتو حاله
في استاز عندكم أ.ريان مغربي
اللي اعرف انو هوا المسؤو عن الجداول عندك الشباب
او روح شؤون الكلية وهما حيقولوك من المشرف حقك وهوا اللي حيزبطلك الجدول
..

[دافئ الإحساس]

المشاركة الأصلية كتبت بواسطة r-kh روح لقسم الحيوي والمشرف هوا اللي حيعدلك الجدول الاودس عندنا كلنا حالتو حاله في استاز عندكم أ.ريان مغربي اللي اعرف انو هوا المسؤو عن الجداول عندك الشباب او روح شؤون الكلية وهما حيقولوك من المشرف حقك وهوا اللي حيزبطلك الجدول ..

اوك يسلمو ما قصرتي

بس ترا مو معقولا اداوم ليين 7 الليل

وربي مرره مايجي

وماعتقد حيشوفلي شعبه للعربي تكون في الصبح

لانها كلها قفلت

ومابقي اللا بس في الليل

يعني معناتو ما راح امشي على حسب الخطة

وممكن حتاخر عن التخرج بسبب التعارضات اللي بتحصلي
ولا ايه

[R-Kh]

جدولك كدا تمام
في كل المواد المهمه اللي لازم تاخدها وحتفتحلك بقية مواد التخصص
واهمها كيمياء حيوية عامه
...
بس هوا الوقت صراحه مرة معكعك
شي صباح وشي ليل
بس مبدئيا خليه زي ما اهوا وروح الكلية يعدلولك هوا
عشان الخوف تحزف المواد وبعيدن تقفل الشي و تقعد من غير شي
فـ احزف وعدل من عند المشرف احسن
دا رأي يعني
..
الله يوفقك

[R-Kh]

المشاركة الأصلية كتبت بواسطة دافئ الإحساس اوك يسلمو ما قصرتي بس ترا مو معقولا اداوم ليين 7 الليل وربي مرره مايجي وماعتقد حيشوفلي شعبه للعربي تكون في الصبح لانها كلها قفلت ومابقي اللا بس في الليل يعني معناتو ما راح امشي على حسب الخطة وممكن حتاخر عن التخرج بسبب التعارضات اللي بتحصلي ولا ايه

ممكن تحول ودي
تروح للدكتور حق العربي وتشرحلو انو عندك دوام صبح وتقعد كم ساعه وترجع الليل
فـ يحولك لشعبة دكتور تاني وتحضر معاه بس اسمك مع الشعبة الاولى
انا اخويا عمل كدا السنة الماضية
..
ازا مرة مرة الوضع اتأزم وما تقدر على الدوام دا
احزف المادة و خدها في الصيف عشان تعوض
لانو المواد دي دايمن تنزل صيف ، فـ محا تتأخر

[دافئ الإحساس]

طيب شكرا ما قصرتي

والله يوفقك انتي كمان

بس قوليلي صعبه المواد ولا لا

لاني حاسسها انها سم

والاحياء اول كان في تيكست بنك

لاكن دحين كيف نزاكرو

وشكلو كلها صعبه

[دافئ الإحساس]

المشاركة الأصلية كتبت بواسطة r-kh ممكن تحول ودي تروح للدكتور حق العربي وتشرحلو انو عندك دوام صبح وتقعد كم ساعه وترجع الليل فـ يحولك لشعبة دكتور تاني وتحضر معاه بس اسمك مع الشعبة الاولى انا اخويا عمل كدا السنة الماضية .. ازا مرة مرة الوضع اتأزم وما تقدر على الدوام دا احزف المادة و خدها في الصيف عشان تعوض لانو المواد دي دايمن تنزل صيف ، فـ محا تتأخر

الله يريحك يااااارب

دنيا واخره

وفكرتك مررره ناااايس

وربي يسعدك ياارب

[R-Kh]

كيمياء حيويه عامه
حتحسها دسمه شويتين بس لانها تشمل كل اللي حتدرسوا في القسم بس انها حلوة و معملها دمو خفيف
...
كيمياء 202
اسهل من 110 بكتير ، و خدها عند سيد بدوي او محمد مختار دول كويسين
...
احياء 202
اسهل من 110 بكتييييييييييير ، انا عن نفسي 110 عقدني بس والله 202 مرة مواضيعو حلوة
ومعمل مرة حلو ودمو خفيف ، وحتدرس حاجات حلوة وفي معامل دم
..
كيمياء 281
دا المعمل تحسو دا حطوه لعبة
الوان وحاجات تحمس
مرررة ممتع وحتبسط فيه
...
احياء 281
يعني شويا دسمه بس مرة تشبه 202 وحتحس انك تدرس نفس الشي ، يعني ان شاء الله محا تتعب فيه
...
ثقافة 1
تحفظ الكتاب وتروح
وكل الاسئلة حقتو اختياري فـ الدوريات والنهائي
و مواضيعها سهله مهي صعبة
//
لا تشيل هم ان شاء الله سهاله
ولو احتجت اي شي في اي مداة
ملخصات او واجبات كلنا موجودين
..