تجمع أدارة اعمال مستـــــــــــ 6 ـــــ 8 ـــــــــوى طالبات

[@^@]

السلام عليكم ورحمة الله وبركاته

كيفكم حبايبي ان شاء الله بخير

وكل عام ونحن والجميع بخير


حبيت افتح التجمع لاني حسيت اني تهت بين المواضيع نبغى نتجمع ونستفيد من بعض ونتشاور في موضوع واحد

وماشاء الله الف الف الف مبروك لاخواتنا وزميلاتنا العام كانو معانا في التجمع والسنه هذي تخرجوا ماشاء الله تبارك الله وعقبالنا يارب


انا المستوى السابع وفاضلي مستوايين 8 و9
المواد الاختياريه والحره حخليها اخر شي

السمستر هذا نزلت

اتفاقيات منظمة التجاره
ادارة اعمال في ثقافات متعدد
ادارة استراتيجيه
ادارة اعمال بـالانجليزي
نظم معلومات


حبيت اسئل بخصوص وفاء اليافي و ساميه مقبل في الاداره الاستراتيجيه اختار مين كثير ما مدحو ساميه بس ما سمعت شي عن وفاء كيف اسئلتها وتصحيحها حقاانيه والا تبخس حقك في الاختبار

نظم معلومات نزل اسم ريم مشاط كيف ريم كويسه في الاختبار وكيف اسئلتها

ادارة اعمال في ثقافات متعدده نازله هند دمنهوري والباقي لسى ما نزلت الاسماء كيف هند دمنهوري واسئلتها


والمواد الثانيه مين تنصحون واذا عندكم نماذج للاسئله واحدث الملخصات ياريت او اذا تغيرت المناهج اكون شاكره لكم


مفكره انزل ماده سادسه بس متردده اخاف تكون المواد هذي كلها ثقيله


وبس يا حلوات تعالو نتشارك الحديث

معاكم
ام عيون ههههههههههه

[T2A3R]

هلا حبيبتي
بخصوص استاذه وفااء انا اخدت معاها اداره موارد بشريه وكاانت اسالتها تعداد وتجيب 3 مقارنات تختاري 2 واختاري بس الي الحلو جاات نفس الاسئله حق الترم الي راح وهذا الي ساعدني كثثير
وانا اخدت هذا السمستر اداره استراتيجيه مع وفااء بس مو عاارفه اغير ولا لا
وعندي بعد نطم معلومات بس مو مكتوب اسم الاستاده وع فكره نظم معلومات سنترا

[Ms.Boring]

سلام يقمر

انا اخدت ادارة استراتيجيه بس مع بثيتة جمجوم هيه صح كانت تجيب النوم -_-
بس متجيب مقالي واختبارها كان جميل وجبت درجات جيده

ماقد اخدت عند وفاء بس اكيد احسن من سامية
اخدت موارد بشرية مع سامية الصراحه ابدا ماناسبتني جايبة 5 مقالي في الامتحان تحسبنا انتظام على غفله >_<
كانت تاني اسواء درجة اخدتها الى الان

بنسبة لادارة اعمال بلانجليش انا اخدتها مع رهف ازا انتي خلفيتك مهي جيده في الانجليزي ماانصحك فيها
لانها بس تتكلم انجليزي مع كده كانت مناسبتني الصراحه شرحها حلو بس مااعتقد انها مازالت موجوده
فماعندك الى غادة اخدت معاها موارد بشرية شرحها حلو وتتكلم عربي
وفيه استاذ اسمو صالح انا مااعرفو بس البنات مره يمدحو ازا اسمو موجود جربي
وعلى كل حال المادة مره سهلة وكانت درجتي مره حلوه فيها

[@^@]

ربي يسعدكم


المصيبه مافيه الا وفاء وساميه وانا ما احب اي شي فيه تعداد ومقالي والله مصيبه



والانجليزي صحيح مش مره خلفيه وااو بس بمشي الحال

عموما يمكن ما احضر الدوره التاهيليه لاني خارج جده سب على الاختبار


لكن حبيت استفيد من خبرة البنات



الحين نظم المعلومات سنترا ؟؟؟ ما انتبهت لسى ما سددت الى الان جالسه ارتب الجدول

الله يسهل الامور يارب

[سامسونج]

مرحبا ياعسل
شوفي اداره استراتيجيه مالك مفر من المقالي لان اللي منزلينها ساميه ووفاء بس وفاء اسئلتها اهون بمليون مره من ساميه صح انها مقالي لاكن تجيبلك اشياء معروفه .
الله يعيننا اش نسوي عاد جايبين اخس اثنين يمسكو الماده وانا مطره انزلها لانها متطلب لماده بحث وتدريب .

[عنـقـــــود الغــلا]

مسآء الخير صبايا ترم دراسسي ملي بالتوفيق والنجاح ياارب
بدآن حوسه الجداول والحذف والاضافه وقروشة كل ترم
بالنسبه لجدولي ياعزيزاتي ابغى اعرف كيف الاستاذات وكيف المواد تمام سوآ لان هذا االترم مرة مضغوطة عندي دوام من الصباح ومن الدوام على الجامعه وتعب وهلاك جدآ <~ كاني قاعده اقول قصة حياتي
المهم هذا الجدول وماننحرم من ارشادكم :.
بحوث عمليات ~> أمل تركستاني
استثمار ~> سحر مهران
نظم معلومات ~> شيماء = صار سنترآ حسبي الله عليهم وخايفه يكون صعب زياده
اقتصاد كلى ~> عند لبنى بس افكر اغير عند هدى خيري
وايش رايكم احذف الاقتصاد واخذ ماده اختياريه او حره ؟؟

[@^@]

يوووووه بنات سددت والله يقطع ابليسهم مغيرين في المتطلبات

مخلين الاداره الاستراتيجيه لها متطلب ادارة العمليات والمصيبه بتعطيها امل دمنهوري وما يمدحوها ابد ومظطره اخذها

المهم هذا جدولي النهائي

ادارة اعمال e
اتفاقيات منظمة التجاره العالميه
ادارةالاعمال في ثقافات متعدده
نظم معلومات اداريه
ادارة العمليات
واقتصاد كلي عند هدى

كيف اسئلة امل دمنهوري
وكمان هدى

بس اكتفي المذاكره من الملازم او كيف ؟؟

[@^@]

ادارة اعمال e عند رنا ديفيا كيف هيا يا بنات

و اقبال الصالح هذي عندها نظم المعلومات برضو كيف


احس الاسماء السنه هذي جديده ما قد سمعناها السنوات الماضيه

[@^@]

بنات عندي كذا ماده مكتوب عندها tbaايش معناته سنترا


واذا سنتر لما ادخل على سنتر يرفض ما يحقلي التسجيل ليه ؟؟؟

[المعتزه]

انا عندي ماده اتفاقيات منظمه التجاره العالميه واضفتها من الاوديوس بس مدري هل تحسب لي اختياري ولا وشو لاني اداره موارد بشريه

الشي الثاني لاحظته انا اخذت مبادي علوم سياسيه والنظام السياسي السعودي وبرضوا اشوف هالمادتين في الحذف ولاضافه وش السالفه

انا نجحت فيها وعديت منها وليه تنزل لي مره ثانيه هل اقدر اخذها مره ثانيه خخخخخ يا ليت اتمنى


افيدوني كمان مين استاذه اتفاقيات منظمه التجاره العالميه لاني بالشعب ما لقيت اي اسم بليز