بنات .. تعالو نتفاهم بشكل احسن . بدون تجمعات او عصبيه .

[حفيدة عمر]

المشاركة الأصلية كتبت بواسطة طموح متواصل خساره كان نفسي نجتمع وتكون كلمتنا وحده..بس للاسف مجتمعنا مو متعاون..لان فيه ناس عايشين بيننا ومتعودين تكون حريتهم مقيده+وافكارهم مسجونه.. انطرح الموضوع في هذا المنتدى عشان نوصل لحل ..لكني انصدمت ببعض العقليات المتحجره والافكار العقيمه.. تكتبلك وحده انو احسن خليهم يربو البنات(وكاننا مشردين ومحتاجين تربيه)؟؟!! تكتبلك وحده انو احسن خليهم يسترو البنات(حسستني انها شايفه بنات لابسين...او...)وهذا بعيد كل البعد عن الواقع.. تكتبلك وحده والموضوع مااايخصها (لانها طالبة علوم..ولبسها مريح)تقول انها ماتحب تلبس العبايه ودايم تنزلها!!والمفروض ان الاهل مايسمحو لبنتهم تشتري ذي الملابس لاني اتقرف من اشكالهم(تبغينا نصدقك انك شايفه ملابس مايلبسوها حتى الكفار)؟؟ الغريب في الموضوع ان كل اللي ذكرتهم فوق ماتطرقو لموضوع البويات؟اللي الكل خايف منهم ومن نظراتهم المريبه؟يعني ياليت الواحد ينقل الواقع زي ماهو..من دون خزعبلات مالها اي اساس من الصحه.. وبصراحه طالما ذي الافكار بيننا عمرنا ماحنتقدم خطوه.. بصراحه لازم نطالب المسؤلين عن ذا القرار ياانهم يتراجعو عنه او يسمحولنا بلاب كوت وملابس مريحه.. خايفه يجي يوم السبت والاقي الكل منزل العبايه..وقتها راح اعرف اننا نعيش واقع مايدل عاالالفيه اللي بنعيشها(يعني ديكتاتوريه2010مو ديموقراطية2010) شكراا لكل جهد مبذول للتصدي لهذا القرار المتخبط..وشكرا لصاحبة الموضوع وكل المساهمين في انجاحه..وفي انتظار الموعد والمقر..وبالتوفيق

لو في منك اتنين

وأهديكم أغنية أليسا من غير مناسبة :d

[روووني]

ايش دا ليش كدا يابنات احنا ماكنا رايحين نقاتل بالبزوكات والقنابل والمتفجرات احنا كنا رايحين نتكلم بعقل وبأدب

والله انكم شعب مايعرف الديموقراطيه والناس تفرض رأيها عليكم

[تركيز]

ياريت تقترحون وتطالبون بتوحيد الزي يسير كل الكليات لاب كوت كذا كل البنات

نا اشوف اللاب كوت يرضي جبيع الاطراف بعني متلا يخلون كل كليه لها لون لاب كوت معين مثلا


الاقتصاد والاداره وردي
العلوم ابيض
الاقتصاد المنزلي اورنج
الاداب سماوي
ها اش راكيم لو عجبكم ياريت توصلونه للمسأولين

[روووني]

^^^^^^
صراحه رأيك مررره حلو ومناسب للجميع

زي الكليات الطبيه كدا بس انهم بدل الاب كوت سكرابات

احس الفكره حلوه ومناسبه

[بيو كيميائية ^_^]

المشاركة الأصلية كتبت بواسطة طموح متواصل خساره كان نفسي نجتمع وتكون كلمتنا وحده..بس للاسف مجتمعنا مو متعاون..لان فيه ناس عايشين بيننا ومتعودين تكون حريتهم مقيده+وافكارهم مسجونه.. انطرح الموضوع في هذا المنتدى عشان نوصل لحل ..لكني انصدمت ببعض العقليات المتحجره والافكار العقيمه.. تكتبلك وحده انو احسن خليهم يربو البنات(وكاننا مشردين ومحتاجين تربيه)؟؟!! تكتبلك وحده انو احسن خليهم يسترو البنات(حسستني انها شايفه بنات لابسين...او...)وهذا بعيد كل البعد عن الواقع.. تكتبلك وحده والموضوع مااايخصها (لانها طالبة علوم..ولبسها مريح)تقول انها ماتحب تلبس العبايه ودايم تنزلها!!والمفروض ان الاهل مايسمحو لبنتهم تشتري ذي الملابس لاني اتقرف من اشكالهم(تبغينا نصدقك انك شايفه ملابس مايلبسوها حتى الكفار)؟؟ الغريب في الموضوع ان كل اللي ذكرتهم فوق ماتطرقو لموضوع البويات؟اللي الكل خايف منهم ومن نظراتهم المريبه؟يعني ياليت الواحد ينقل الواقع زي ماهو..من دون خزعبلات مالها اي اساس من الصحه.. وبصراحه طالما ذي الافكار بيننا عمرنا ماحنتقدم خطوه.. بصراحه لازم نطالب المسؤلين عن ذا القرار ياانهم يتراجعو عنه او يسمحولنا بلاب كوت وملابس مريحه.. خايفه يجي يوم السبت والاقي الكل منزل العبايه..وقتها راح اعرف اننا نعيش واقع مايدل عاالالفيه اللي بنعيشها(يعني ديكتاتوريه2010مو ديموقراطية2010) شكراا لكل جهد مبذول للتصدي لهذا القرار المتخبط..وشكرا لصاحبة الموضوع وكل المساهمين في انجاحه..وفي انتظار الموعد والمقر..وبالتوفيق

يعني الحين بتفهميني ماشفتي بنات كذا

لاتحاولي

فيه عدد وليس بقليل

وكذا مرة شفت بنات لابسين لبس عاري والبويات إفهمي الباقي

مستحيل الكل يلبس لبس محترم فيه ناس تلبس لبس عاري

وإحنا عقلياتنا متحجرة عادي قابلينها

بس لاتنكري أن فيه ناس كذا

[jolya]

^
^
^
^
^
^
^
^



لا مافي ولا عمرنا شفنا اذا قدك مفتووح او مدلووع يعني عاري ممكن صح ويكون المنظر مريب ومو مقبول كمان لازم توضحي اش يعني عاري

[حفيدة عمر]

يعني عشان البنات يلبسو عاري على قولك
اقوم امنع العباية عشان اشوف العري على اصولو !!

الصراحة منطق غرييييييييب

[MeMe1]

^
على قولك =/

والله أفضل حل اللاب كوت !!
مايكون إلزامي بس يسمحو بيه اللي محتارة بـ لبسها تجلس فيه
واللي مافيها تلبس كل يوم حاجة ولا ظروفها ماتساعدها تلبس اللاب كوت
وفي المقابل
اللي تلبس لبس غير مناسب لـ جو الدراسة والجامعة يتم معاقبتها بس تتغير شروط المخالفة
مثلا بدل من تكون 3 مخالفات بعدين مجلس تأديبي تسير مخالفتين وبعدين فصل أسبوع

يعني نحنا مو جالسين نقول اعملولنا بسسس !
لأ نقول اعملولنا بس بـ مقابل
ووقتها اللي بتخالف تستاهل العقوبة لأنو مافي عندها أدنى عذر للمخالفة


بعدين كمان إذا رح نتكلم بـ منطقهم
فـ البنات بـ التنانير لبسهم فيه مخالفات أكثر من اللي لابسة لاب كوت
شوفي التنانير تجيك الوحدة الفتحة مدري لين فين "وممكن ماتكون قاصدة لأنو غالبا تنباع كذا"
وتجيكي البلوزة وااااااااسعة من عند الصدر "ودا الشي برضو مو بيدنا مارح تتفصل الملابس علينا أغلب السوق كذا"
وفي تنانير تكون فيها مبالغة في القصر " وبرضوو غالبا مايكون في يدنا شي السوق كذذذا"
والتنورة لما تركبي السيارة شوفي كيف تترفع عليكي "هالشي أعاني أنا منو لأنو السيارة عالية"
وغير وغيييييرات



كل دا الشي جامعتنا فاهمتو بس هما يبو يخالفو أكبر عدد ممكن
وهالشي جدآ واضح
ولو سمحتو اللي يعيش في الموقف مو زي اللي يشوف
يمكن تشوفو هالأشياء اللي تسير تافهة وأعذارنا مش مقبولة
بسس لما تواجهك هـ الشروط التعجيزية من الجامعة 5 أيام فـ الأسبوع ولمدة 4 سنين عـ الأقل
تسير صعبببة صعععببة

[بنت الخليج..]

المشاركة الأصلية كتبت بواسطة meme1 والتنورة لما تركبي السيارة شوفي كيف تترفع عليكي "هالشي أعاني أنا منو لأنو السيارة عالية"

في هذي.. صدقتي والله ساقي تطلع..
بس للأسف في بنات راح يعارضون على حكاية البنطلون...

[Miss Hiruma]

اسمعو <<<احم احم

حكايه يسمحوا بالبنطلون هذي شيلوها من روسكم ...

انا ما همني مو ضوع العبايه اصلا بس اكيد لو تكلمتو وتفاهمتو في تجمعكم ان شاء الله يسمعون ويلغون القرار

وانا مع ان الواحد يكون براحته بس فيه اشياء بحدود..

يغني تنشال العبايه وقت المحاضره لانه الاسود كئيب ...

والله يوفقكم ...^^