ابحث عن 3 رفقاء سكن ناخد شقة حتى لو بـ 48 الف فـ السنة ^_^

[اقتصادي لغوي]

مسا الخير ع الجميع :)

والله الموضوع زي العنوان بالزبط هههههههه

لسه ما لقيت سكن لحد الان

واحد من الدكاترة الأفاضل فـ الكلية نصحني انو اشوف تلاته طلاب ماجستير ونتشارك فـ شقة حتى لو بـ 48 الف ريال فـ السنة

بالتالي الواحد فينا بيدفع الف ريال فـ الشهر

وكل واحد بيكون عندو غرفة خاصة وطبعا الصالة والمطبخ مشترك واتوقع بيكون فيها حمامين أو اكتر الله يكرمكم

وطبعا بنحافظ ع نظافة الشقة سوى وما نبغى أحد يكون منا اتكالي بمعنى ما عندو مسؤولية

وأتوقع بنلقى شقة على قولتهم ديلوكس وقريبة من الجامعة فـ حي النسيم او السليمانية مثلا

أنا لسه طالب مستجد فـ قسم الاقتصاد وقدامي سنتين وبخلص منها ان شا الله

وللعلم أنا مدخن وأشيش أحيانا وبنجيب دش أكيد وبنسمع أغاني ونتفرج أفلام زينا زي الناس

بس المطلوب الجدية لانو الوقت ما عاد يسمح وكمان نبغى ناس تلتزم بالايجار ف وقتو وما يطلع من السكن الا وهوه جايب احد مكانو ...

أو يعطينا فكره انو طالع قبلها ب 3 شهور ع الاقل عشان نشوف أحد مكانو

لانو مافي احد حيتحمل من جيبه الايجار حق الشخص اللي بيخرج

بالتالي لازم نتعرف على بعض كويس قبل ما نتفق ونستأجر الشقة

تحياتي وفرصة سعيدة مقدما :)

[نواف 89]

خذ شقة لوحدك اروق واريح لك تحصل شقق نظيفة قريب 16 الف

[اقتصادي لغوي]

مشكور ع تفاعلك استاذ نواف

الله يكرمك :)

[kkk111]

تدخين وشيشه واغاني وافلام وش خليت للمراهقين هداك الله .

[ادارة.]

اولا 48 الف شقة لطلاب دراسة احس كثير المبلغ

ثانيا لاتفكر بس في الايجابيات الاقتصادية فكر كمان في السلبيات السكن لأكثر من شخص مختلفين في التفكير واسلوب المعيشة وطبيعتهم مو شي سهل اختلافك معاهم في هالامور ممكن يؤثر على نفسيتك وعلى مستواك الدراسي

فكر من كل النواحي والله يسهل امرك

[ســــــارة]

مـــوفق باذن الله