تصدقون جبت 62 في الاختبار وانا ما حضرت..؟

[ابو ميلا]

يا ليت احد يقولي وش الحل ....
مادة الفرنسي 221 الترم الماضي لم احضرها وكتبت لي الدرجه ( y ) وجبت عذر وبعد عدة محاولات وسفريات من الرياض لجده لحل الموضوع تفاجات بأن المادة تحولت 62 ( شكلهم من كثر ما غثيتهم قالوا نجحوه وافتكوا ) والترم هاذا حضرت الاختبار وكلمت الاستاذ ماجد وقال اختبر واختبرت وانا متاكد من إجابتي اكيد فوق 90 بس المشكله ان الدرجه لا زالت معلقه ع 62 وما ادري وش الطريقه لتعديلها طبعا غير حضوري لجده لان التذاكر غلقت والكفرات اتمسحت من الخط اتمنى من زي مشكلتي اويعرف لي حل لا يبخل علي وتقبلوا تحياتي ..

[The Ambition]

ياشيخ احمد ربك وارضى ب 62 بدل مايرجعوها y

[جوجو ابو غرام]

من جد

[المحزوون]

اتوقع انك انت ناجح اصلا بـ 62 من الترم الماضي ولكن صار لكل الي اختبروا فرنسي 221 مشكلة وجميع الطلاب رصد لهم y وتاخرت النتائج ومن ثم رصدت الدرجات بعد ماتم حساب معدلات الطلاب .

واعتقد ان اتاخير بسبب فيضانات جده العام الماضي .

[ابو ميلا]

يا اخوك الترم اللي فات ما حضرت الاختبار خير شر كيف رصدوا لي 62..
والترم ذا حضرت ومتاكد من اجابتي مره بس ما عدلوا لي الدرجه ..
شكرا ع مروووركم بس لذي الدرجه الجامعه مفهيه كذه....

[الشهـــري]

ههههههههههههههههه
الله يسعدك ذكرتني باخوي نزل بحسابة حوالي الاربعين الف ريال وراح للبنك وابلغهم وقاله واحد الله يهدينا واياه ياخي خلها معاك ولا تدورلها واذا احد ارسلها لك بالغلط فبترجع لصاحبها لكن خلنا في المهم كم نصيبي بالموضوع هههههههه. زعل اخوي ولا ارتاح باله اليوم الثاني رجع للبنك ونفس الفلم لكن هالمره استقبله مدير البنك واعطاة ورقة اخلاء مسؤلية عن المبلغ وتجمد في حسابه بمعنى انها لا تزال بحسابه تحت مسمى المبلغ الاجمالي ولكن لا يجوز له التصرف بها نظراً لانها اصبحت مجمده ولا تظهر في خانة المبلغ المسموح التصرف به..
مشيت الايام والاشهر, ويوم من الايام راح لادارة الشؤن المالية التابعه لعملة الحالي وقابلة احد الاخوان وقال له ها بتسافر ولا سافرت ؟ ما فهم عليه وقال وش تقصد رد عليه زميلة انت مو تقول بتسافر اذا جاتك انتداب المهمه الفلانيه في الدولة الفلانيه . رد اخي عليه باستغراب وبابتسامه واثق : خليها تجي وعلى طول بسافر . رد زميلة نزلت بالحساب يا بطل قبل شهرين وعليها ............
ضحك اخوي ونزل راسه واستاذن من مديره ورجع للبنك . اييييه عاد دور للبنك ذاك الحزه 1-جيب اثبات من الدائرة الحكومية اللتي تعمل بها 2-تعبئة استمارات جديده وكانه يفتح ملف جديد 3-(نسيت اي بعد من كثر طلباتهم,زين ما تنازل عنها) وفي الاخير انحلت المشكله بعد احراااااااااااااجات واجهها من العمل وخاصتاً مديرة.
نرجعل لمحور حديثنا موضوعك مشابها ولكن طالما انك لم تختبر اطلاقاً فالقضية ستاخذ منحنى اخر لا سيما وانك ابلغت مدرس الماده والذي افادك بجائزية الحضور للاختبار . على اي حال اتمنى من الله ان يرزقك بالدرجه التي ذكرتها . واسئل الله العلي القدير ان يجعل لي ولكم حظاً من عنده

[badr14]

اكتب لهم معاملة الكترونية

[عاشق النون]

لو خليتها على وجهها افضل لك من التردد للجامعة وكثرة ارسال المعاملات

على طاري

في احد الاترام السابقه اختبرت ثقافه اسلاميه

وخرجت من الاختبار وانا متأكد مليون بالميه انه عندي سؤال غلط

هذا اللي متأكد منه .. ما أدري عن باقي الاسئله

لكم المهم

نزلت النتيجه

وكانت

++ ( ١٠٠)

اقسم بالله هذا اللي صار

يعني رصد الدرجات لك عليه في بعض الاوقات

والحمد لله على كل حال

[مروره]

^^^

أحيانا يكون فيه (بونس)زياده في الدرجات لكل الطلاب فهذا اللي يخلي الدرجه ترتفع أحيانا عن المتوقع ...هذا اللي اعتقده ..شخصيا صارت معاي نفس الحركه

بالنسبه لصاحب الموضوع ...أخي اللي سويته صح هذه أمانه منك لأنه الـ62 مو من حقك وفي حال أخذتها فهذا شي مايرضي ربك وبعدين انت تستحق أكثر منها إن شاء الله ...
اتصل بالأستاذ أو حاول تراسله ...هذا اللي أنصحك فيه ...
أسأل الله لك التوفيق والنجاح ........

[nour al3mr]

المشاركة الأصلية كتبت بواسطة ابو ميلا يا اخوك الترم اللي فات ما حضرت الاختبار خير شر كيف رصدوا لي 62.. والترم ذا حضرت ومتاكد من اجابتي مره بس ما عدلوا لي الدرجه .. شكرا ع مروووركم بس لذي الدرجه الجامعه مفهيه كذه....

نفس الأمــر لصديقتي هذا الترم ماحضرت الإختبـــار لعملية عندها فنجحوها بالمـادة كيف الله أعلم
الله يعين على المعاملات الحيـن

تصرفك سليم 100% أرسل معاملة الكترونية ووضح لهم الأمــــر لأنه ممكن يرفعوا طلبك للجهة المسؤولة و تواصل مع دكتور المـادة لهذا التـــرم
و تحتاج تراجع الجـآمعة إن ما مشي الوضع .. بس إن شاء الله حتى و إن حسب المعدل .. يصير يعدلوا عليه بعد إضافة الدرجة الجديدة

موفق ..