ابغى تصويت المواده هذه الاستاذه معاي تراسلني عشان الجدول تكفون :(

[طالبه فيسلوجيه]

المغرب والاندلس
تاريخ العلوم العربيه الاسلاميه
اوربا عصر النهضه
تاريخ اوربا حديث ومعاصر
قران كريم



الله يخليكم اي اسهل المواد هذ

المواد هذه هي الوحيده المتاحه لي كمواد حره ولاتتعارض مع جدولي

وجدولي للحين مااكتمل فرجو همي وساعدوني الله يفرج همكم يوفقكم :(

[طالبه فيسلوجيه]

اب وينكم :(

[منال عبد الغني]

و الله يا قلبي انا عندي تاريخ العلوم العربية مع د ليلى عبد المجيد الكتاب

عبارة عن ملزمة من خوارزم نفس اسم المادة و الاسئلة موضوعية لاني

سألت الاستاذة الله يصبرك بنات التاريخ مو متعاونات بالمرة انتي

شوفي كمان اسماء الاستاذات وبنات الاقسام التانية بالذات

قسمنا ما راح يقصرون معك

[سُكون]

شوفي خيتو

المغرب والاندلس
مع الدكتوره فوزيه الشمري تخليكِ تكتبين معاها وهيا طيوبة مممره الله يسعدها
المادة ججدآ حلوه وسهله , بإذن الله تجيبي 90 وفوق

تاريخ العلوم العربيه الاسلاميه

مع الدكتوره ليلى عبدالمجيد زي ماقالت الأخت إللي فوقي
بالنسبه للدكتوره ليلى مآتدي تكاليف كلها 3 إختبارات (إذا ماغيرت طريقتها)

اوربا عصر النهضه

مع الدكتورة أماني الغازي المادة حلوه وسهله
وتكاليف الدكتوره بسيطه ومو معقده ^^

تاريخ اوربا حديث ومعاصر

بالنسبه للمادة هذي إللي أعرفو إنو لها متطلب إللي هيا أوروبا عصر النهضه فما أعرف إذا هيا مادة حرة أو لا :)

قران كريم

أنا أخذت قرآن مع الدكتوره هناء داؤود
الحمدالله الأستاذه طيبه وتشرح الصدر ^^

بالتوفيق يارب ,,

[منال عبد الغني]

اخت فسيولوجية الاخت ما قصرت بس هيا انتظام والاستاذات يتغيرو

في الانتساب

[طالبه فيسلوجيه]

المشكله كلمت الاستاذه تقول ان ثلاث المواد اللي فوووووووووق الثلاث الاولى قفلت الشعب

يارب تفتحها بوجهي مددري شسوي :(

[سُكون]

^^
طالبه فيسلوجيه سوري مآ قدرت آرد عليكِ بالخاص بسبب المشاركات

آمين يارب ,, وياك خيتو ق1

يب يب تحفظين الجزئين 28 و 29 مع التجويد
ويكون فيها اختبار تحريري و إختبار شفوي
انا أخذتها مع الدكتوره هناء أبو داوؤد
ونظامها زي كذآ :
أول شي هيا تحب تدي تكاليف كثيره ومو صعبة من المحاضرات
والتكالف تساعد بحفظ المعلومات للإختبارات الدوريه
وتسوي قروبات للبنات كل قروب لو رئيسه هيا إللي تسمع لبنات القروب و الدكتوره بعدين تشوفو وتدي الدرجه وأعتقد إذا ماكنت غلطانه عليه 5 درجات
كمان تخليكِ تسجلي صوتك بسي دي للجزء 28 مع التجويد أذكر قالت عليه 25
وفي النهائي يكون التسميع عشوائي يعني تكون قدامك أوراق مقلوبه ونتِ تختاري منها ورقه وإلرقم إللي يطلع لك تسمعي السوره إللي فيها
بس ماتديك السورة كامله تديك وجه واح من سوره بعدين تخليكِ تقري سوره ثانيه نفس الطريقه وبس
,,,

المادة لها كتاب أسمو حلية التلاوه .. بس مو كل الكتاب معانا

إذا فيه شي مو مفهوم لا يردك شي ق1

بالنسبه للإنتساب مآ آدري إذا عندهم تحريري أو بس حفظ الجزئين بس عموما الدكتوره هناء متفهمه و إن شاء الله تتيسر أمورك


الله يوفقكِ وييسر أمرك

الله يسعدكِ إدعيلي : (

[طالبه فيسلوجيه]

سكون ياعسل ياليت اخذت هذه الماده للاسف جتني ماده اسمها تاريخ الولايات المتحده

الله يوفقك ياعسل كفيتي ووفيتي جعل يدك ماتكتب الا الصح