نَحْنُ وَثقَآفَــة الحِـــوَآر (لمآذآ عندمآ نختلف في الآرآءِ نفتــرق ؟!)

[P!nk ink]

ههه لا لا حرام عليك .. لا تتهميني كدا ..انا والعياذ بالله ادا كنت مصفي الطبلون ما توقف السيارة الا بحادث.. يعني الكفر دا اخر شي افكر فيلو ..ولله الحمد ما قد جاني منو شي ,, اسأل الله انو ما يوريك ولا اخواننا المسلمين ربع اللي صار ليا ,, فقط وفقط ادا ..انهو من سوء حظك انني كنت مشقر على قسم الساحة وبالصدفة .. شفت الموضوع مثبت ..وشوفت ردك قلت خليني اشوف ايش كاتبة نصيرة الصحابة.. يمكن استزيد من العلم,,

ان شاء الله اكون (( نصيرة الصحابة وال البيت )) ومن المتبعين لهديهم واياك وجميع المسلمين ..

اقرأ في كتب العلماء الاجلاء لو تريد الاستزادة فعلاً..
مو عندي انا وحدة عادية ..

لا تخافي قريتو قريتو .. وانا ناقشتك في صلب الموضوع .. الاخت كانت تتكلم عن تقبل الرأي الاخر وانتي قلتي كيف تقولي بعالي الصوت تخسى ..وفي اسلوب المحاورة تكون بالحكمة الخ ,, طيب مو مجبورة تتقبلي رأيو بس لا تقولي تخسى .. فالامام مالك رحمه الله ..على ما اضن ..مو متأكد والله الموهيم جالو واحد راعي شبهه في الدين يقول اقنعني او اقنعك ..قال : "اذهب لا تقنعني ولا اقنعك" ماقال ..على بالحرام لو عقبت لا انشب مفك العجل بين سنونك .. فأنتي هنا تقولي تخسى لشخص اداك رأي في الدين بس ما سألتي نفسك يمكن تكوني انتي اللي على خطأ ؟؟ ترى احنا مو علماء عشان خلاص ناخد انفسنا في الدين صح ..والمخالف خطا.. ادا كان العلماء بأنفسهم اختلفوا ..كيف تقولي عن الشخص العادي اللي يخالفك برأي في الدين تخسي ؟؟ طبعا ما اقصد اللي يخالفك في الديانة..مع انو حتى هوا ما يصلح ننفروا من ديننا..

السوال كان عن فكرة تقبل الراي من عدمه ..

هل تقبلـين الرأي الآخِر بصدرٍ رحب حتى ولو كآن مخآلف ؟!

جوابي ..

لا ما اقبل الفكرة او الرأي المخالف في الدين .. يخسي ثم يخسي ثم يخسي

اجل واحد يعارض شرائع ديني وتبغاني اقول له

فديتك ثم فديتك ثم فديتك ..


بعدين قلت انا ..

اما في اسلوب المحاورة معاه فلابد أن تكون (( بالحكمة والموعظة الحسنة )) ولو كان من فئة الجهال المعاندين فله الف طريقة واسلوب للافحام والالجام

فيه فرق بين :

فكرة تقبل الرأي نفسه وبين طريقة المحاورة واسلوبها ..

إن شاء الله يكون وضح لك مقصدي ..

يا بت ايش فيك عليا ..؟؟ بعدين الاخ جاب شطحات خارجة عن الاقتباس اساسا ..لان الادلة اللي جابها عن الكفار في جهنم .. واللي يخالفك رأي في الدين هل تقولي عنو كافر؟؟وفي جهنم ؟؟ عشان نطبق عليه الاية الكريمة ؟؟ ونقول لو بكل سهولة تخسى ؟؟ بعدين ليش ما تقولي ليا بارك الله في مسعاك زيو ؟؟؟ يسلمو يسلمو ..عالاخلاق ..يا كريمة ,

والله انا مالي كلمة معتادة في اخر الكلام ..

في كل رد اكتب خاتمة غير شكل لو تلاحظ ..

دايما اتمنى من اعماقي تطلع بنتي رفرف مطوعة زيك ..من جد والله ..بس ما تكون شريرة الله يثبتك على طريق الصواب ,,

الله يحفظها لك يارب ..
ان شاء تطلع احسن مني وزود ..
بعدين انا قلت واكرر انا انسانه عاااادية جداً وماعندي لحيه ترى

حرام عليك ليش تدق بالهرج يعني انا شريرة
وربي اللى خلقني وسير امري من فوووق سابع سماء ان مافي قلبي نقطة او اقل من الحقد او الغل عليك ..
فلا تستخدم اسلوب الاستفزاز والدق بالهرج لانه مو من شيم الرجال وانت سيد الرجال ياطيب ..

آمين يارب وياك وجميع المسلمين ..~

[Life as Game]

طبعا دا اخر رد ليا عشان لا اخرب الموضوع ,,,

المشاركة الأصلية كتبت بواسطة p!nk ink ان شاء الله اكون (( نصيرة الصحابة وال البيت )) ومن المتبعين لهديهم واياك وجميع المسلمين .. اقرأ في كتب العلماء الاجلاء لو تريد الاستزادة فعلاً.. مو عندي انا وحدة عادية ..

امين ..اساسا ما قلتو الا اطراء ليك والله ..

السوال كان عن فكرة تقبل الراي من عدمه .. لا ما اقبل الفكرة او الرأي المخالف في الدين .. يخسي ثم يخسي ثم يخسي اجل واحد يعارض شرائع ديني وتبغاني اقول له فديتك ثم فديتك ثم فديتك ..

ما راح اكدب عليك ..انا وضحت لك المخالف في الدين يمكن يكون هوا الصح وانتي اسأتي فهمو..فما يصير تقولي يخسى

فيه فرق بين : فكرة تقبل الرأي نفسه وبين طريقة المحاورة واسلوبها .. إن شاء الله يكون وضح لك مقصدي ..

هنا فهمت قصدك ..

الله يحفظها لك يارب .. ان شاء تطلع احسن مني وزود .. بعدين انا قلت واكرر انا انسانه عاااادية جداً وماعندي لحيه ترى

ههههههاي ..لساتها ما جات الله يصلحك ..واصلا ما خطبت حتى ..
بس انا دايما اطالع بعيد لدرجة اخد المطبات والحفر وانا مو منتبه
وعلى سالفة لحية ..ترى والله ما اكره المطاوعة بلعكس احوبهم ..بس انتو اللي مو مطوع على طول تاخدوا منو موقف

حرام عليك ليش تدق بالهرج يعني انا شريرة وربي اللى خلقني وسير امري من فوووق سابع سماء ان مافي قلبي نقطة او اقل من الحقد او الغل عليك .. فلا تستخدم اسلوب الاستفزاز لانه مو من شيم الرجال

ما استخدمت اسلوب الاستفزاز ,,الا ردا على

لناس ماودها كلمة الحق وارجع لرد 103 عشان تعرف اوصافهم اللى ذكرتها..

لكن مسامحك لوجه الله ,,

وانت سيد الرجال ياطيب ..

بس بس ترى ما احوب المدح
جزاك الله خير على احسان الضن.

هنا تنتهي ردودي في الموضوع .

[P!nk ink]

ما راح اكدب عليك ..انا وضحت لك المخالف في الدين يمكن يكون هوا الصح وانتي اسأتي فهمو..فما يصير تقولي يخسى

كيف مخالف في الدين ويكون صح ؟؟
هذى ما دخلت راسي .. ممكن لاهنت تبسطها أكثر عشان استوعبها ..

ههههههاي ..لساتها ما جات الله يصلحك ..واصلا ما خطبت حتى .. بس انا دايما اطالع بعيد لدرجة اخد المطبات والحفر وانا مو منتبه وعلى سالفة لحية ..ترى والله ما اكره المطاوعة بلعكس احوبهم ..بس انتو اللي مو مطوع على طول تاخدوا منو موقف

انتو ؟؟؟
ترى انا اتكلم معاك لحالي قريني نايم

فلا تجمع كل واحد مسؤول عن ما خطت يداه ..


بعدين اي موقف ؟؟ الله يصلحك ..
وش دراني مين اللى مطوع ومين اللى لا ..

[TIFA]

يا للهول ْ

[أحـمـد ظـافـر]

انآ شفت الموضوع من أول مآنزل

كنت أقدر أكتب اول رد


لــكــن قلت أصبر وأشوف ..


انا قريت في موضوع تركي حق قوآنين السآحه يقول فيه

أود أَن أُؤكد بـِ أَننآ نُحآول بـِ عَون الله أَن نَرتقي دوماً لـِ الأَفضل فِي سبيلِ الصَورة العآمة لـِ المنتدى الجآمعي وَ لآ سيمآ المُنتدى العآم لـِ الحوآر الذي يَعكس مَدى فِكر الطَآلب الأكآديمي .


يإخي الموضوع تشعب تشعب عجيب وغريب ..

بالنسبه للإجآبه على النقطة الأساسية للموضوع وهي

لمآذا عندمآ نختلف في الأرآء نفترق ؟

الجوآب : لآ أعلــــم ..

[أبو غيث]

موضوع منصف وبأشد حاجته .. ومشاركة أكثر من جميلة من الكثير ..

برأي .. أن المشكلة لدى الكثير ليست بكيفية فهمه للحوار .. أعني الناظر للمواقع والصفحات التي تطرح مواضيع
حوارية مثلها كبعض المواقع الإخبارية أو مواقع الصحف وما إلى ذلك ...
فالمتابع والناظر سيجد شيئاً جلياً من سب وشتم و(حش كما يقولوا ).. فلم أجد تفسير لهذا الأمر والمستمر للآن
إلا شيئاً من النفسيات لدى هولاء الناس ..
فشخص لدية مثل هذا الوصف تجده حينما يريد أن يرد أحياناً يبحث عن أي رد يعارض ويبدأ شغله بعد ذلك
انا لا مشكلة لدي وأقولها بكل صراحة من كون الشخص يطرح ما بنفسه مهما يقول .. من كلام مهما كان وصفه ..
لأنه عندها سأتفهم وسيتفهم الناس هذا الشخص وأنه من الفئة الفلانية ...

مرة اخرى وحتى لا أسترسل كعادتتي البغيظة .. ولأجمع ما أقصد ..
أن الكثير قد يعرف بعض مهارات الحوار وبكل حقيقة ولكن لا يطبقها بحواره من أجل شيء ما بنفسه يريد الوصول
له .. كمثل ما يقال شعبياً .. أصبحت النقاشات طرح رؤوس وإثبات الموقف للشخص ...

هذه النقطة التي أردت التعليق حولها .. مع أن الكل سبقنا بذهبيات الأقوال والأسس بهذا الأمر ...

تقديري لك ..

[طالب علم9]

موضوع آرآقني كثيراً آهنيكـ عليه