مطالبه بقطع حافز وتخفيض رواتب السعوديين إلى 1200 ريال .

[صقر الشمال]

شوف اخوي نايف
قبل طرح موضوعك لابد معرفه النتيجه بمعني حافز اعطي لشخص الذي يبحث عن عمل صح انا اتفق معك الراتب لايكفي لكن بسئلك بالله تجلس تفرش شماغك عند باب المسجد او تاخذ 2000 ريال كل شهر مع العلم اكثر ناس لحد الان لم يستلمو حافز والبعض يستلمونها ناقصه بسبب تحديث البيانات مرمطه طيب نبي نوصل للحل
هل تعمل سائق لموزين ونت جامعي وهل هو طموحك بالمستقبل طبعا لا
الحل هو ابدا من الصفر استلم حافز ويسد حاجتك وبحث عن عمل لاتجلس وتقول حافز لايكفي ووالخ
لابد من الصبر مافي شي يجي بلاش الشي الثاني ماهو البديل اذ قطع حافز الشاب ممكن يعمل لموزين مثل ماتفضلت االصبايا ماذ يعملون !! تعمل خادمه
هل ترضي اختك خادمه عند الناس والله حتي لو ماهي اختي ماارضاها تعمل خادمه وحنا اغني دوله
لكن نطالب ونبحث عن عمل ونجتهد وكثير بنات اشتغلوو والحمدالله في المستشفيات وفي الاسواق والخ
ون شاء الله تزين الامور الدنيا ماخلقت بيوم

[توونآ]

^
ي اخي الله يسعدك مابي ادخل في نيتك
بس يمكن انت عايش حياة صعبة شوي
وتبي الكل يشاركك نفس المعاناة
الحلول الي تطرحها مو حلول
بالعكس هذي تزيد الطين بله
الحين بدل ما ننافس العالم في العلم والتقدم والاختراعات
تبينا نتنافس في غسيل المواعين والسيارات !!!
ونقول هذا الحل الامثل للحد من تضخم الاسعار
شوية منطق يا اخ نايف الله يصلحك

[صقر الشمال]

طيب نبدا برايك اخوي نايف
ممكن تبدا بالتطبيق اولا عا نفسك
اطلب بقطع حافز
اعمل سائق لموزين
وختك خدامه
وبعدها تعال ناقشني

خروج نهائي

[نايف 26]

شكرا لكم جميعا على المشاركة...
أنا فعلا أعمل سائق ليموزين ووضعت إعلان في جريدة الرياض وللأسف كلما أتصل على أحد وسمع صوتي أغلق السماعة لأني سعودي.
وأختي فعلا تعمل خادمة في بيت زوجها.
وأعجب حقيقة منكم كيف ترضون أن تعمل الإندونيسية المسلمة خادمة في بيوتكم ولا ترضون على السعودية ! أليس هذا نوع من التناقض؟
يجب أن تعمل السعودية خادمة-حتى الجامعية- على الأقل لساعات قليلة ويجب أن تنخفض الرواتب بقرار من خادم لحرمين الشريفين.
لماذا الكبر؟
أنتم لستوا سوى عباد لله مثل الصينية المسلمة مثل البنقالية مثل المصرية مثل الإندونيسية التي تعمل في البيوت... يجب أن نعيش حياة قاسية مثلهم لنكون أمة سعيدة خالية من الأمراض ويتزوج العوانس وتقل المهور بضغط المجتمع.

[نايف 26]

المشاركة الأصلية كتبت بواسطة بيو كيميائية ^_^ من جدكـ ؟؟ يعني أدرس في الجامعة أربع سنين بايوكمستري وأسهر الليالي وأعاني من صعوبته ومغتربة كمان عشان أشتغل خدامـة ؟؟ لا وفوق هذا بنت خير طيب أنت عادي تشتغل سواق وأختك أو زوجتكـ خدامـة ؟؟ وأيضًا مو هذهـِ عبودية تعتبر ؟؟ وعلى فكرة أنا ماجبت في بيتي خدامة تخدمني لأني ماأحب أحد يخدمني وصدقًا أستحي أقول لخدامة نظفي وأجي أنا أصير خدامـة !!!! وبالنسبة لحافز يقولون إن يعطون دورات كمان وله فائدة للناس المحتاجة وحتى الغير محتاجة الإنسان بطبعه يحب يكون عندهـ مال خاص فيه الله يرزقكـ الوظيفة والزوجة والمال الحلال يارب وصراحةً نرفزني موضوعكـ

وأين الضير في ذلك ... هل نسيتي أن هناك عبيد ومماليك في المجتمع لإسلامي ... يجب أن نكسر الكبر ولو كان ذرة من كبر (وبما أنك من الأسياد ومتعودة على خير كما تقولين) الله يزيدك من فضله...إذن سوف أعمل لديك سائق اذا أردتي براتب 500 ريال الشهر.

[شهد علي]

لا اله الا الله محمد رسول الله
ياخوي ماتضيق الا تفرج باذن الله
هونها وتهوون
بالعكس شعبنا اهون من شعوب اخرى
(اكثر من الدعاء والاستغفار)
مووفق يارب’’

[بيو كيميائية ^_^]

بالتأكيد ننفر من السعوديين تعرف ليه لأنهم ياخذون ثمن المشوار الضعف + يبون يتكلمون مع البنت + البعض يقوم بالترقيم

طبعا فيه سعوديين كويسين لكن هذه الصفة السائدة فيكم

ثانيا أختك ماتشتغل خدامة في بيت زوجها لانها زوجته

ثالثا أنا والله ماأحب أجيب خدامة تخدمني ولا عندنا خدامة في البيت بالرغم إن نقدر نجيب بس مانحب
وأيضا لما كانت ماما عاملة عملية صارت تجيب خدامة بالساعات ومع ذلك والله نجلس أنا وخواتي نساعدها في التنظيف

ممكن ماتصدق بس أنا صايمة وماراح أكذب

وبالنسبة لي مو موضوع كبر بس انا ماعندي خدامة اصير خدامة!!! وبلس دارسة جامعة

وأيضا الإسلام يدعوا الى الحرية مو العبودية

وأيضا المجتمع يحتقر اللي يبيع في بوفيه فمابالك بالخدامة او سائق المنزل

تبي ربي يرزقك صل صلاة الليل + صفي نيتك +قرآءة القرآن بعد صلاة الفجر

مجرد ماتواظب ع هذه الأشياء وتسعى عشان الرزق ربي بيفتحها عليك

والله يرزق الجميع يارب

[خلود 99]

مع احترامي لكـ يَ اخوي

انت في بداية الموضوع تقول هذا رأيي و مقتنع فيه خلاص احتفظ فيه لنفسكـ

ليه منزله و تحاول كمان تقنعنا

موضوعكـ مستفز و مضحكـ في نفس الوقت


على العموم الله يرزقكـ و يفتحها عليكـ

[بيو كيميائية ^_^]

المشاركة الأصلية كتبت بواسطة نايف 26 وأين الضير في ذلك ... هل نسيتي أن هناك عبيد ومماليك في المجتمع لإسلامي ... يجب أن نكسر الكبر ولو كان ذرة من كبر (وبما أنك من الأسياد ومتعودة على خير كما تقولين) الله يزيدك من فضله...إذن سوف أعمل لديك سائق اذا أردتي براتب 500 ريال الشهر.

و إن كنت بنت خير هل أستعبد الناس ؟؟
وأجي أجيب لي خدم وسائقين؟؟
والحمدلله عمري ماتكبرت ومامشيت وقلت لأحد أنا بنت فلان وابوي عنده كذا وكذا
بالنسبة لطلبك أنا توني متخرجة ولسة ماتوظفت فيعني ماأحتاج سوائق
إثنين حتى لو جبت سواق ماأظن بيعطيك البابا 500 اكيد أكثر بيقول ولد البلد لازم نراعيه وشباب وماأعرف ايش
ثالثا انا مو من جدة

رابعا ترا عندنا شقق كبيرة ونأجرها 22ألف فيعني إحنا مو متكبرين
دائما البابا يراعي الشباب و أولاد البلد ويقول حرام من فين لهم

لو كل شخص يعمل كذا متأكدة مابيكون فيه عنوسة ولا شيء وربي بيبارك له ويفتح عليه

[مُحَمّدْ الشّدِيديْ]

أنت حآسِد اللي مستفيدين من حآفز ؟؟

ولآجآي ودك تقول إنك محتآج لإعآنة ؟؟

يآشيخ صوم الله يرحم وآلديكْ ..والشكوى لغير الله مذله ..

مآدمنآ في رخآء وفي نعمة وفي رغد العيشْ مآفيهآ شيء نستورد عمآل في كل المجآلآتْ

حتى يكون هو شغلهم الشآغلْ ..

الحين السعودي ودنآ يدرس ويتقدم وينمي فكره قبل عضلآتهْ ..يفيد دينه ووطنه ونفسه ....

الحروب أصبحت فكريه .. معد فيه بالسيف والرمحْ والقوة الجسديه ..

فكرتك حلوةْ في إننآ نكتفي ذآتياً بس طريقة طرحك هآبطة قليلاً مع خآلص إحترآميْ