أحلى تخصص في كلية الاقتصاد والاداره!!

[لانا11]

السلام عليكم و رحمة الله وبركاته



كيفكم ياأحلى أعضاء



أنا سكنوني بكلية الاقتصاد و الإدارة: وعطوني أربع تخصصات عشان أختار التخصص
وهم:
1) ادارة أعمال - تسويق
2) ادارة أعمال - ادارة وتنظيم موارد بشريه
3) ادارة أعمال - ادارة أعمال دوليه
4) ادارة عامه - التنظيم والتطوير اداري



وأنا من يوم ماشوفت دي التخصصات وأنا محتاره اش اللي كويس وحلو منهم


وأهم شي يكون ليه مستقبل وظيفي



بليييييييييييييييييييز ساعدوني لاني شويتين وبأبكي من القهر
ردولي دحين لأني مااخترت شي وأخاف يخلص وقتو وأنا لسه ما اخترت


دعواتي للي يساعدني بكل خير
وحدعيلو برمضان وادا رحت العمره كمان حدعيلو

[سكووت]

طبعا اول شي راجع لكـ انتي ورغبتك وحبك لاي تخصص ..
ادارة عامة قطاع حكومي
ادارة اعمال قطاع خاص +دراسة انقلش
اعتقد انو المستقبل الوظيفي لادارة اعمال افضل خصوصا انو ادارة عامة بيطفح بنات مرة مليااان وزحمة
طبعا الوظايف بيد ربنا وفي علم الغيب اولا واخيرا ..

[بحر الحرية]

المشاركة الأصلية كتبت بواسطة لانا11 بليييييييييييييييييييز ساعدوني لاني شويتين وبأبكي من القهر ردولي دحين لأني مااخترت شي وأخاف يخلص وقتو وأنا لسه ما اخترت

أهلين خيتوو..
مرة ما يحتاج اللي تعمليه، اسألي واستشيري واستخيري..

افتحي الخطط الدراسية لكل قسم عن طريق نفس موقع الكلية، شوفي موادها كيف، شوفي إيش الأسهل والأقرب لقدراتك ومهاراتك.

كل الآراء اللي تقرئيها هنا لا تأثر عليكي لو كانت سلبية، لأنوو كل واحد فينا حيقلك الرأي اللي عندوو، ومن وجهة نظروو هواا وبس..

فلازم تفكري إنتي، وتختاري انتي..

وشيلي من راسك فكرة المستقبل، لو اجتهدتي وعملتي، صدقيني ربي ما حيضيعلك تعبك..

كما مافي شي اسموو أحلى تخصص، كلللللها لها سلبياتها وإيجابياتها وحلاوتها ومرورتها..

في الأول والأخير انتي اللي راح تفكري وانتي اللي راح تقرري..

والاختيار أهم شي يكون في الفترة المحددة خيتوو..

لا تنسي تطلعي على الخطط الدراسية لكل قسم..

الله يوفقك يارب ويسهل عليكي ويختار لك اللي فيه خيرك والأقرب لنفسك يااارب؛؛

[!anishtain law!]

إدارة أعمال
لأن لها مستقبل سواء بإكمال دراستك بالإبتعاث
أو المستقبل الوظيفي بالقطاع الخاص

دمتي بود

[ملاذ الخواطر]

المشاركة الأصلية كتبت بواسطة لانا11 أنا سكنوني بكلية الاقتصاد و الإدارة: وعطوني أربع تخصصات عشان أختار التخصص متى هذا الكلام أنا فتحت الاودس مالقيت شئ !!! وهم: 1) ادارة أعمال - تسويق 2) ادارة أعمال - ادارة وتنظيم موارد بشريه 3) ادارة أعمال - ادارة أعمال دوليه 4) ادارة عامه - التنظيم والتطوير اداري غريبة مافية قسم الأنظمة (القانون)!!!

يعني أنا ماني فاهمة نزلت الكليات ولا باقي ؟؟

[بحر الحرية]

المشاركة الأصلية كتبت بواسطة ملاذ الخواطر يعني أنا ماني فاهمة نزلت الكليات ولا باقي ؟؟

أهلين أختي..
الأخت تتكلم عن الانتساب مو الانتظام..
تاني شي القانون مو من ضمن الانتساب..

موفقة ياارب؛؛