أهل النظم Come here please!

[@فراشة الربيع@]

السلام عليكم
كل سنة وإنتو طيبين !
أول ماخشيت على قسمنا طلعيلي غبار
أيه ده ياهو تحركو
الجدول حتنزل وماحنا عارفين لاأساتزه ولا حاجة
على العموم ياريت كل بنات النظم يتجمعووو هنا وكل وحدة تكتب مواداها واستازاتها حقيت الترم الماضي علشااان نستفيد من بعض
حاأبدأ
وعلى بركة الله
تراكيب بيانات - زينب عيد-أسئلتها صعبة ماأدري من فين تجيبها-تشرح وهي جالسة -أكتبي كل شئ معاها حتى لو كانت حاجة عبيطة وتستحقيرها لازم تكتوبيها -في بنات يقولو أسئلتها صعبة لأنها كانت ماسكة الدفعة كلها مافي ولا إستازة معاها ممكن إدا كان في أحد معاها تسهل الاسئلة
تراكيب متقطعة -سهى حوامدة - شرحها يمشي حالو - البنات حذرولي منها كتير بس تمشي - أهم حاجة تحلي التمارين يلي وراه كل سكشن لأنها بتجيبها في الإمتحان حتى لو ماعرفتو كيف تنحل إحفظيها حفظ لأنو أحيانا تجيبها إختيارات -أسئلتها نص ونص -لكن المهم تحلو أسئلة كتير
مبادئ تسويق-واحد هندي - بس إسمو عربي
ماينفع ولايصحح ولايشرح ودرجات من رأسو
تنظيم بنيان حاسب- أسماء الشنقيطي - رائعة رائعة رائعة
تفهمي معاها - تأجل لو وقت الامتحان ماناسبك -أسئلتها معقولة
أول مرررة معاها أحس إني أدرس حاسب بس زنقتا شوية في البروجكت
عربي 2- حنين الجدعاني- رائعة رائعة
ماكانت تخلينا نذاكر من الكتاب كلو من الدفتر وتراجع ويجي زيه في الإمتحان
الثقافة 3 - أي أحد مايفرق

يلا كل وحدة تكتب خبرتها
ونفسي أعرف عن هادي المواد
مبادئ نظم تشغيل
نظم إدارة قواعد بيانات
مقدمة إدارة مشاريع برمجية
سلوك تنظيمي
هندسة برمجيات
مبادئ شبكااات

[شمعة مضيئة]

وعليكم السلام
اولا اشكرك يا عسل على هذا الموضوع

انا الترم الماضي اخذت برمجة 2 مع هيلين شرحها كويس واسئلتها معقوله بس احسها بخيله في الدرجات واللاب اخذته مع سميه البرادعي جدا جدا جدا رائعه

ومبادئ نظم اخذته مع صالحه عبدالله ماليزية ما تعرف عربي هذي مشكلتها لكن اللي كويسه في الانقلش حتمشي معاها
لكن واجباتها صح ثلاثه لكن متعبه وغبيه اعتقد كانت كلها تقارير واسئلتها اختيارات وتجيب 4 او 5 اسئله مقالية وواحد منها ارسمي مع كتابة البيانات كامله عليها تقريبا نص الدرجة لكن من الكتاب مافي شي من برا لذلك في هذي الماده اهم شي انك تحفظين اول بأول لأنها مره كثيره
واللاب اخذته مع ثريا الغامدي مره عسوله

ومقدمه في الاداره الحديثه اعطانيها نائل المومني احسه ما يهتم بالشرح كثير >>يسولف اكثر من انه يشرح
واسئلته كلها صح و خطأ واختياري لكن استغفر الله مدري من فين يجيبها مره مي حلوة

ما باقي الا ثقافه 2 وعربي1 هذي ماتفرق مع مين لأن الاعتماد فيها على الله ثم الكتاب

فراشة الربيع تعالي ابغى اتعبك معاي شوي سامحيني

تنظيم و بنيان الحاسب ذي كلها دش زي مبادئ نظم وفيها واجبات >>متعقدة من الواجبات
واش تصحيني في ذي المادة بالنسبة للمذاكره

والهندي اللي اعطاك مبادئ تسويق يشرح بالعربي

[@فراشة الربيع@]

لا الله وكيلك هندي * هندي يهرج أنجليزي
بس والله نصيحة لاتأخذي عندو
التنظيم (بالصراحة المادة حلوة)
أسهل من مبادئ نظم لأنها فهم مو حفظ
بس لازم تكتبي مع الإستادة لأنك إذا قاعدتي على الكتاب ماراح تفهمي شئ
بعد كل شبتر كانت الاستادة تدينا مجموعة أسئلة نحلها وأهم شئ تسلمي في وقته مو مهم صح ولا خطأ
وكنا نذاكر من السلايدات +شرح الإستاذة + حاجااات مرررة خفيفة تأخذيها من الكتاب بس هيااا تركز بس على يلي شرحته
واستادة المادة كانت نفسها استادة الاب فعلشان كده كان أسهل

[@فراشة الربيع@]

إتزكرت أسم الدكتور الهندي
إسمه سيد عزيز رضوي
من اسمه كنااا نحسبه مصري بس طلع هندي

[07 رمز الوفاء 07]

يعطيكي العافية يا فراشة جدولي بيكون مثلك المستوى السادس + تسويق من المستوى الخامس ... الهندي سيد من وين يخلينا نذاكر من الكتاب ولا من السليدات وكيف الاسيلة وكيف يحاسب على الحضور والغياب وهل يعطي حرمان ...
انا ااسف داخل غلط على الموضوع .......

[@فراشة الربيع@]

لا من كتاب ولا من سلايدات قبل الإمتحااان يرسلك كوووووووم ورق يقلك ذاكرة وبالصراحة أغلبها هرج ماينحفظ
إمتحااان الدوري الأول جاب 4 أسئلة بالعدد وكل واحد عليها خمسة
الفاينل 4 وكل واحد عليه 10
وأسئلة كلها مقالي يقول مايعترف بالصح والخطأ ولا الإختيارات



يابنات يااااهووو شعللوو الموضوع أبغى أعرف عن المواد يلي ذكرتها لييييكم

[LA 5LEET]

الاستآذ الهندي شكلو مصيبتنآ هذآ السيمستر :"(
ان ششششآء اللـه ما ينزلنآ ><"

فـرآشـة حبيت اسئلك ترآكيب البيانات الماده مفهومهآ العام حفظ او فهم
و هي المآده اللي تعتمد ع الـ جافا و لا لا ! لاني سمعت شي زي كذآ <>

و هل تعرفي استآذات ثانيات قد درسو هذي الماده و نصحوكي فيهم بس ما اخذتي معاهم ؟

و شُكرًا ^^

[@فراشة الربيع@]

لا تراكيب بيانات كلها فهم مافي شء حفظ
وهيييا جافا أصلا
يقولو هيلين بخش كمان تديها بس ماأعرف كيف أسلوبها
لأنو دفعتنا كلها إدتنا زينب

بنات الله يخليكم أحد يقلي عن الكورسات يلي راح أخذها لأنو والله باين عليها جامدة

[07 رمز الوفاء 07]

يعطيك العافية يا فراشة .. طيب أسيلته المقالية طويله أجبتها ولا قصيره .. وبخصوص الاختبارات الدورية ما في الا اختبار دوري واحد بس ... وكيف يوزع الدرجات يعني مثلا الحضور والمشاركة ما علية درجات كل الدرجات على الاختبارات بس ....

[@فراشة الربيع@]

لا فيه دورين وكل واحد من 20
بالنسبة للإمتحااان الصفحة الاولى يرصلك 4 أسئلة بالعدد
ويحط وراها 8 صفحات
يعني 16 صفحة وجه وقفى
وأنت تكتب وأحيانا يحدد في بعض الاسئلة إنو الإجابة ماتقل عن 50 كلمة
إحنا كنا ندش السؤال الواحد نحله في صفحتين أو صفحة ونص