شرح للقرامر للفل 102..نفيد ونستفيد

[rano0o0o0]

سلام قايز
كيفكو مع المذاكره
عموما نخش علطول عالمهم
بما انو في كثير حايسين مع القرامر حبيت اساعد شويتين ..
انا حبدأ بقرامر unit 3 في listening and speaking
اول حاجا حنتكلم عن فوكس اون سبيكنق صفحه 47 ... هدي القاعده سهله ومو مطلوب منك كثير
بيتكلم في دي القاعده انو في كلمات كتابتها غير عن نطقها بعض الاحيان..
وهوا سهل مو مطلوب كثير

مثلا ... كلمه going to تنكتب كذا .. لكن في النطق ممكن ننطقها gonna (نطقا وليس كتابه )

برضو نفس الشي want to ... تتنطق wanna

have to .... تتنطق hafta

has >>> تتنطق hasta

وبسسس القاعده سهله جدا ... دحين لو جينا ننفيها لازم نضيف not
بس انو ابغى شويه تركيــــــــز..
دحين مثلا دي الجمله l'm gonna call the cops
لو حننفيها
حنضيف not ل l'm لنو نووت دايما تجي مع الفيرب تو بي..
ف تصير الجمله كذا I am not gonna

طيب فرضا ما كان عندنا فيرب تو بي اللي هيا ( am ; is ; are )

زي مثلا في الجمله دي : I wanna get a prize

يصير عشن ننفيها نجيب شي يعوض الفيرب تو بي .. اذن حنحط do ومعاها not

تصير كذا I don't wanna get a prize >>>بس انتبهو طالما الجمله مو منفيه ما حنحط do ابدن ابدن ابدن

انا بدخل ف اصغر التفاصيل لنو اسئلتهم دايما تكون دقيقه والغلطات تكون ف تكه صغيره




... اوكي انتظروني ليا رجعه<<<< بس طبعا ادا شفتكو تحمستو معايا واستفدتو ... غير كدا ما حكرف نفسي....

بروووووب

[tota~]

الله يسعدك ياقمر ربي يجعلها في ميزان حسناتك

ننتظرك

[rano0o0o0]

بــــــــــــــــاك
نجي لصفحه 49... expressing your opinion>> اللي هوا التعبير عن الرأي

لمن نجي بنعبر عن رأينا...
حنبدأ بي ...

I think......اعتقد
I believe.....كانو بنقول انا أؤمن او اصدق او واثق
In my opinion....من رأيي




مثال:
I think you are smart

بس ننتبه عند كلمه ( In my opinion ) لازم بعدها نحطي فاصله وتكملي الجمله
زي كذا :
In my opinion,the test is Difficult

طيب اذا جينا ننفي الجمله حنستخدم don't فتصير كدا

I don't think
I don't believe
وتحطي تكمله الجمله ..
نجي دحين لنفي ( In my opinion ) لنو تعتبر زي حاله خاصه
حتكتبيها زي ما هيا بالزبط لكنك حتنفي الجمله اللي بعدها
زي مثلا:
هذي الجمله مثبته:In my opinion,the test is Difficult
ننفيها كذا :In my opinion,the test isn't Difficult
وبس خلصنا الجمل

اما لو حتجي تسألي احد عن رايو بكل بساطه عندك اربعه اسئله تستخدميها
اللي هيا:
what do you think,name?
do you agree,name?
how about you,name?
what's your opinion about this,name?

طبعا مكان كلمه name حتحطي اسم الشخص اللي بتسأليه عن رأيوو وبس

بروب اقين

[rano0o0o0]

نجي لاخر قرامر ف unit 3 في كتاب الليسينينق والاسبيكينق
نفك صفحه 51
اللي هيا قاعده equatives and comparatives

نجي اول حاجا للـــequatives اللي هيا نفس الشي
زي مثلا كانو بنقول نور كيوت وندى برضو
فحنستخدم القاعده : as+adj+as
تصير الجمله كذا : noor is as cute as nada
طبعا ابدنا لا ننسى الفيرب تو بي في الجمله is .. are لنوو موهمه جدا جدا ما تكتمل الجمله بدونها
لو جينا طبعا ننفي الجمله
يجي شغلنا كولو عند is بس .. حنضيف لها not
noor is not as cute as nada
بس هنا لو نفيناها تصير مقارنه بينهم ماعاد بنساويهم ببعض.. على ما اعتقد
وبس .. انتهت القاعده تبعequatives


دحين نجي لقاعده comparatives اللي هيا المقارنه بس اتنين
واللي هيا قاعدتها كذا : adj+-er+than
زي مثلا بقول نور كيوت اكتر من ندى
noor is cuter than nada
نجيي للحالات الشاذه في القاعده .. زي bad , good
هدي الحالتين ما حنضيف اخرها er لكن حنستبدل الكلمه من اساسها
فتصير:
bad....>>worse
good.....>>better
فيصير لنو نبى نقول نور افضل من ندى حنكتبها كذا::
noor is better than nada
ولو بنقول نور اسوا من ندى تصير كذا ::
noor is worse than nada

ونجي دحين للـــadj اللي فيها حروف عله تلاته وفوق ما حنضيف اخرهاer لكن حنحط قبلها more
زي مثلا كلمه dangerous >>ما حنقدر نضيف اخرها er
لن نطقها يصير صعب لكن حنحط قبلها more
فتصير كذا : more dangerous than

لو حطيناها ف جمله مثلا نقوول:
the dog is more dangerous than the cat
بسس لو نلاحض فرضا جمعناها وخليناها الكلاب .. القطط حنضيف اخرها s ونستبدل is بــ are
زي كــــذا : the dogs are more dangerous than the cats

دحين احنا كنا نقول اكتر خطرااا.. لو بنقول اقل خطراا يصير نستبدل more ونحط مكانها less

the cats are less dangerous than the dogs

وبسسسسسس... كذا خلصنا قرامر unit 3 في كتاب الليسينينق والرايتنق .. يااريت احس احد معايا ومستفيد عشن اقدر اكمل..
يلا بالتوفيق للجميع ...

see yaaaa

[shut up]

شكريآآآآآآآآآآآآآ عالشرح
الف شكر لك على ذا المجهود الاكثر من رائع والله يوفقك يارب
جااااااااااااااااااااااري انتظار الباكـ (*_*)

[غيرتي من نظرة عيوني]

مشكووووووووره ياقلبو وربي ماقصرتي احترم جهودكـ
تسلميلي قلبوووو بالتوفيق

[أحلى زيزو]

يسلموووووو حبيبتي ما قصرتي

الله يوفقـــــــــــــــــــــــــــك

[mrm_ara]

مشكوره ياقلبي على الشرح الحلوابصراحه مرررره استفدت لان ماعندي كتاب وكنت مرررره مهمومه الله يعطيك العافيه ويوفقك

[غـزل]

مشكوووووووووووووووره اختي علي مجهووودك والله ياريت تكملي
لانو بجد فهمت معاك يالغلا الله يجعله في موازين حسناتك يالغلا انا بس بقيلي الي اللسننق والاسبيكنق يونت 1 و2
ياريت ترجعي تشرحي القاعدات حقها وربي يسعدك دنيا واخره

[uo0ona]

الله يجزاكي خير ويسعدك ويوفقك^^ ابدعتي ومشكووووووووووووووووووووووووره