موضوع يهتم بالطلاب الجدد في كلية الهندسة

[* تركي *]

/

أنآ لِلحين أحآول أَبحث لَكم عَن مبرر يِخليكم تِنزلوآ موآد الخطة كلهآ ، مآنيب محصل ..!! ، لآ تقلقون إِذآ مآنزلتوهآ كلهآ ، رآح تتخرجون عَلى الخطة وَ يـَ كثر الصَيفيآت الجَآية .. وَ الموآد الي تِنزل صَيفي هِي نَفسهآ الِي تنزل صَيف كل سنة ، كيف تعرفون ؟! ، شَوفوآ قَآئِمة الشعب الدرآسية لـِ السنوآت المآضية. وَ لكن غآلباً هِي الموآد الي تُعتبر مِن متطلبات الكلية ، زَي الريآضيآت وَ الفيزيآء وَ موآد الصنآعية ..الخ


::

[Hero of San Siro]

السلام عليكم

معليش ياحبايب اشوفكم تتكلموا عن الجدول والحذف والاضافة

وانا لسه ما نزلي الجدول ايش الهرجة؟!!


السؤال الثاني لو انا في سكن الجامعة كيف اروح بالباص على كلية الهندسة
وشكرا لكم

[أبو عابد 2009]

http://www.skaau.com/vb/showthread.php?t=249669

[Dr.YaDoO]

استاذي الفاضل
اولا اشكرك على التفاعل المميز وجهودك المبذولة في مساعدة الطلاب المستجدين
وثانيا انا انقبلت هندسة فرع رابغ وانا اتمنى الهندسة المدنية فهل ممكن انو بعد هاذي السنه احول لفرع جدة وإيش المتطلبات
وهل في مواد محدد ادرسها عشان اقدر احول
وثالثا إيش افضل مواد انزلها في جدولي للمستوى الثالث
وفي النهاية آسف على الإطالة ولك مني جزيل الشكر
أخوك Dr.YaDoo بس بعد التحضيرية الباش مهندس

[Majest!C]

السيرفر في الانعاش ..

[بربقنده]

يا شباب عندي ما تنزل الشعب

يعني احدد المادة وما تنزل شعبها

ومنزلين لي 5 ساعات بس

ايش الهرجة احد يفيدنا

وفيه احد زي 5 ساعات ( فيزياء 202 - فيزياء 281 )

يا ليت أحد يفيدنا

[CDTOE]

المشاركة الأصلية كتبت بواسطة بربقنده يا شباب عندي ما تنزل الشعب يعني احدد المادة وما تنزل شعبها ومنزلين لي 5 ساعات بس ايش الهرجة احد يفيدنا وفيه احد زي 5 ساعات ( فيزياء 202 - فيزياء 281 ) يا ليت أحد يفيدنا

أنا قدرت أدخل على صفحة الحذف والإضافة بعد معاناة ولقيت المادتين المذكورة بالأعلى نازلة, لكن بسبب الضغط الشديد على السيرفر ما قدرت أعدل الجدول سوى أني قدرت احذف فيزياء 202 بعد حوالي ثلاث دقائق من ضغطي لزر (احذف).

[azooz mazda]

السلام عليكم ورحمة الله وبركاته
إن شاء الله النفوس مستعدة لاستقبال الدراسة
حبيت استفسر عن جدولي وبعض المواد لمن لديهم خبرة في هذه الامور
جدولي نزل فيه خمس مواد بس بعضها مالها وقت وهم وضعوا الحذف والاضافة(الجامعة)
فكيف اضيف او احذف ومادتين عندي ما ادري متى وقتها وابغاها يعني ما ابغى احذفها بس ابغى اضيف

ايضا عندي استفسار ثاني وش معنى رمزهذه المادة ee وهل هي عملي ولا نظري ومعمل الفيزياء هل له كتاب او بس عملي
الاستفسار الثالث الجدول الي تضعه الجامعة هل يمكن امشي عليه كل سنة واتخرج نظامي ولا لازم اضيف بعض المواد لان جدولي الان 13 ساعة بس المواد خمسة وشايفها تكفي بس اصحابي يقولوا الساعات قليلة وانا ما احب الصيفي والمواد الي في الجدول هي arab 101 < 202math EE 201 phys 202 281 فهل جيد الجدول ولا فيه كرف او العكس لاني ابغاه يكون متزن بين الترمين وضيف مادة اخرى
اسف على طول موضوعي وسلامتكم

[# FAISAL #]

السلام عليكم
ياخوان انا عندي مشكلة في الجدول وابغى منكم المساعده لاني صراحة ماني فاهم شي .
هذا اول ترم ليا في الهندسه ونزلي بس اربع مواد arab 101- ee201- phys 201,281 وما نزلتلي math202
مادري اذا لازم ادخل للحذف والاضافة واضيف الرياضيات ولا هي بتنزلي من دون مااضيفها.
وفي خانتين عندي في الجدول فاضيه لمادتين ومكتوب مكان المبنى والغرفه dep وحده منهم مكتوب عليها متى تبدا محاضرتها ومتى تنتهي ويومها والثانيه ولا شي .
والشي الثاني نفس سؤال اخوي عزوز لو مشيت على الجدول اللي ينزلولي ياه كل ترم هل احتاج اني انزل مواد عشان مااخذ صيفي .
ومعليش على الاطالة .....

[فهد الجدعاني]

المشاركة الأصلية كتبت بواسطة # FAISAL # السلام عليكم ياخوان انا عندي مشكلة في الجدول وابغى منكم المساعده لاني صراحة ماني فاهم شي . هذا اول ترم ليا في الهندسه ونزلي بس اربع مواد arab 101- ee201- phys 201,281 وما نزلتلي math202 مادري اذا لازم ادخل للحذف والاضافة واضيف الرياضيات ولا هي بتنزلي من دون مااضيفها. وفي خانتين عندي في الجدول فاضيه لمادتين ومكتوب مكان المبنى والغرفه dep وحده منهم مكتوب عليها متى تبدا محاضرتها ومتى تنتهي ويومها والثانيه ولا شي . والشي الثاني نفس سؤال اخوي عزوز لو مشيت على الجدول اللي ينزلولي ياه كل ترم هل احتاج اني انزل مواد عشان مااخذ صيفي . ومعليش على الاطالة .....

وعليكم السلام ورحمة الله وبركاته
لازم تدخل الحذف و الأضافة عشان تضيف الرياضيات.
الخانتين هي معمل الفيزياء202 و معمل ee201.
أكيد تحتاج تنزل مواد.