بحيرة المسك في جدة .. صور بالاقمار الصناعيه

نضال · #1 26-10-2005, 08:15 PM

ارفق لكم في هذا الموضوع مجموعه صور لبحيرة المسك في شرق جدة..

و للي ما عندهم فكرة عن هذه البحيرة

تقع البحيرة في شرق جدة مثل ما راح تشوفوا في الصور ..

تتكون البحيرة اساسا من مياه الصرف الصحي .. حيث يتم اضافه 20000 وايت صرف صحي يوميا في هذه البحيرة

يحول بيننا و بين البحيرة سد ترابي مهدد بالانهيار على الرغم من الجهود الحثيثه اللي تبذلها البلديه لمنع وقوع الكارثه

تنتشر بجوار البحيرة مزارع للخضروات يتم ريها بمياه الصرف الصحي , فبعض اصحاب المزارع يتعاونوا مع اصحاب الوايتات حتى يفرغوا حموله المياه " الاسنه في مزارعهم .. و المستهلك الاخير للاسف هوا المواطن !

طبعا هذه كميه بسيطه من المعلومات المتوفرة عندي حاليا و باذن الله تعالى بمجرد ما ينتهي بحثي اللي بعمله على هذه البحيرة راح انزل لكم التفاصيل كامله ..

اترككم مع الصور

ليدر أستوديو هبقات · 27-10-2005, 12:16 AM

بالعافيه عليكم يا شباب

أحلى خضار من أحلى ري

Taurus · 27-10-2005, 05:40 AM

يعطيك العافية نضالو على الصور ...
و لا أقول غير ...
جدة غير حتى بالنقطة السودة دي نقرتين لعرض الصورة في صفحة مستقلة

و صدقوني بكرة تروق و تحلو.. نقرتين لعرض الصورة في صفحة مستقلة

نضال · 27-10-2005, 04:53 PM

مرحبا..

ليدر ..

منت شايف المنطقة كيف لونها مخضر ... ولا كانك الا في غابات افريقيا ..

تورس ..

تروق و تحلو .. بس اذا انهار السد اللي بيحجز الموية جدة كلها راح تغرق !!

عمق المياه في بعض الاماكن في البحيرة يوصل لـ 20 متر

طبعا دا اذا كنا بنتكلم عن الغرق و بس!

غير الروائح و الامراض اللي راح تنتشر

بختصار

جدة مهددة بكارثه بيئيه و الله يحمينا

عاشق مجنون · 27-10-2005, 05:34 PM

مشكور نضال ع الصور
و الموضوع من جد يخوف الله يحمينا

x_bioc · 28-10-2005, 01:13 AM

الحمد لله احنا تجينا الخضرة من المدينة

بالعافية عليكم على قول ليدر

وانت الصادق يا نضال لو انهار السد مجاري جدة فين يودوها

الله يخلي الرياض و الشرقية و المدينة مفتوحة للجميع

مشاري · 28-10-2005, 04:31 AM

انا شفتها بنفس البرنامج هذا GoogleEarth

الله يكفيكم شر الغرق

قولووووووووووو آ مين

Taurus · 28-10-2005, 06:01 AM

وانت الصادق يا نضال لو انهار السد مجاري جدة فين يودوها

الله يخلي الرياض و الشرقية و المدينة مفتوحة للجميع

ايش قصدك قول بسرعة ؟؟؟
بسم الله علينا يارب يحمينا و يحفظنا و المدينة و مكة على عيني و راسي بس مني متحركة من جدة الله يحميها و يحفظها و يخليها بأمان و سلام...

انا شفتها بنفس البرنامج هذا GoogleEarth

الله يكفيكم شر الغرق

قولووووووووووو آ مين

آميييييييييييييييين يارب...
شكرًا يامشاري و اللهي انتا أخلااااق..
>>>بعض الناس اتعلموا ادعو دعوة حلوة بدل لو انهار و لو مدري ايش يالطيييييييف..

ليدر أستوديو هبقات · 28-10-2005, 06:19 AM

لو غرق هيين

غرق في ........

ياخ

والله يخارجنا

maryam · 28-10-2005, 06:28 AM

طيب مافي تقديرات متى رح تصير هذي الكارثه؟!!
علشان اشيل قشي من الحين و اجهز مراكب الإنقاذ و الطوافات ....
و اللي ما يعرف يسبح احسلله يتعلم من دحين

بحيرة المسك في جدة .. صور بالاقمار الصناعيه

الساحة العامة