تجمع طالبات الدبلوم التربوي العام فرع الرحاب :$

[أحلى حلم ...]

بنات ردوا علي مين بكرا بتروح تطلب يقدمو شعبه صباحي ؟
او يفتحوا جديده
قبل طلبنا في الفيصليه وفتحوا لنا لان كان فيه مواد متاخره

ان شاء الله بروح بكرا
بس اخاف اكون لوحدي اللي تطلب ويكون روحتي بلا اي نتيجه

[حلمي رضى ربي]

اذا روحتي بكره قولي لهم على مادة علم نفس نمو
وعلى التعارض اللي بشعبة a3بين مادتيين نظام تعليم واصول تربيه .>>>>حفظت المواد صح منكم ههههه
وبالنسبة للشعبة وحده راحت لهم وقالت عندنا ضغط الصباح عندهم ماستر وحقون التربيه الخاصه فلازم تكونوا مسائي
وحاولي كمان يمكن توصلين لحل معاها
وبالتوفيق للجميع

[أحلى حلم ...]

أن شاء الله بقول لهم عن التعارض و علم نفس النمو

و الصباحي لاززم حتى لو موت ضغط عليهم يوفرو وحده
مراح نداوم من 7 و نستنى 12 !!

وكمان بسال عن التحويل للجامعه :( ؟!

ولا راح اسحب
دعواتك انها تتيسر

[حلمي رضى ربي]

ربي يوفقك ويسهل لك امرك

اسفه ماراح اقدر استمر معاكم عندي ظروف طارئه اي سؤال ارسلوه على الخاص او على البيبي دعواتكم

[الوردة الجريحة]

الشعب متأخرة كلنا نبغى صباحي

[متفائله 22]

ايوا يابنات الله يسعدكم اللي تقدر تروح للكليه تحاول معاهم يخلوها الصباح , مساء مرا صعب مو كان صباح ولا على حظنا صار مساء



طيب يابنات لو خلونا مساء وما فتحو شعب الصباح في باصات توصل للكليه في هدي الاوقات حسب جدولنا الجديد

[متفائله 22]

انا مااعرف مكان الكليه بضبط ياليت اللي تعرف تقولي وصف للمكان دقيق (اقصد الكليه اللي حندرس فيها الدبلوم اللي في رحاب )


لاني سمعت ان الكليه هي كلية الاقتصاد المنزلي اللي فرحاب عند النادي الاهلي


وانا الين دحين مو عارفه الكليه ياليت تفيدوني بوصف المكان للكليه وكمان ايش مكتوب عليها

[حلمي رضى ربي]

لا مو نفسها بس اخلص شغلي انزل لكم الوصف

[حلمي رضى ربي]

بنات دا وصف الكليه للي طلبته مجمع الثريا مستقيم من تحت الكبري من عند قاعه النور ومستقيم الين المحطهه وتلف من عند الجدار ومستقيم الى الدوار عند صيدليه دان ومستقيم لين تمونيات بسمه وتلفي من قبلها تصير على يسارك ومستقيم لين الكلية .

[الوردة الجريحة]

مين عنده تعارض بالمواد وايش الحل اللي جربتوه ؟