نقاش حول الانتقال من مبنى 7 الى 12 لمادة e

[moon999]

السلااام عليكم

بصراحة هذا اول موضوع لي
و ياليت الاقي ردود تفيدني

ندخل في الموضوع
الحين مو المفروض لما تكون المحاضرة 50 دقيقة معناتو 50 دقيقة و انتهينا

لكن الاستاذات و الدكتورات بعضهم مو الكل تاخذ 10 دقايق زيادة و عشان ما نظلمهم في استاذات ماشاء الله عليهم على الوقت تجي و تطلع و انا أشكرهم من اعماق قلبي

طبعاً المشكلة مو في انهم ياخذوا وقت زيادة لا
المشكلة انو عندي 3 أيام في الاسبوع e الساعة 11 وفي مبنى 12 و انتو عارفين انو بعييييد خاصة اني اكون في العلوم 7
المشكلة تاخذ 10 دقايق و على بال ما توصلي عند المكان اللي توقف فيه الكار قولف الا مرت كم دقيقة و استنى الين تجي وحدة و اركب و بعض الايام امشي و اتاخر زيادة + رجولي تتكسر من المشي و لما اوصل 12 يكون مر ربع ساعة و طوالي التيتشر : ابسنت
ما ينفع ما كملت شهر و عندي كم ابسنت


عشان كذه حابه اسأل لو خلص وقت المحاضرة و الدكتورة باقي تتكلم أطلع عادي و أطنشها
أنا عارفة انو عادي قانونيا لكن من الادب ما اطلع و في احد يتكلم

عشان كذا قلت يا انو نطلع كلنا يا نشوف حل او احد يكلمهم

طبعاً في بنات مبانيهم قريبة و ما تفرق معاهم
لكن الاغلبية 12 و 420 فياليت نشوف لنا حل

[بني آدمية]

فعلا معااكي حق !! أنا اليوم إنحسبت غيااب !!! والأدمية مهي راضية تمشني اليووم !!؟!؟؟!!؟

والله مدري إيش نسوي !!!

مافي حل إلا نجيب دراجات ولا سكيتر أو سكوتر لوولز !!

[سوار]

الله يعينكم انا كل محاضراتي الحمد لله في7

[AmOoOoON]

نفس المشكلهـ

[أنوسة]

والله حتى انا كل يوم من 12 الييين 7

[moon999]

اشكر الجميع ع الردود
نبغى نشوف تفاعل الباقين

[عشتار]

الله يعين المفروض يرفع الموضوع للشؤون يبدلون الكلاسات والا شيء ..!

[نسيم الوجود]

عشان كذه حابه اسأل لو خلص وقت المحاضرة و الدكتورة باقي تتكلم أطلع عادي و أطنشها أنا عارفة انو عادي قانونيا لكن من الادب ما اطلع و في احد يتكلم

يــآ بنتي في جدولكـ مكتوب انو كل المحآضرآت نتهي على 50 دقيقه يعني مثلا 10:50

ومن الادب انو الدكتورهـ اذا خلص وقتهـآ توقف في الكلآمـ .. لكن هيـآ مـآ تأدبت معـآكمـ تتأدبو لهـآ ليش ؟

وبعدين اذا اكلتي ابسنت وجـآكي حرمـآن ..ذيكـ السآعه تعرفي انو الصح انتي والغلط من الدكتورهـ ..

انـآ كنت زيكـ ..بس خلاص تعلمنـآ انو اذا خلص الوقت اوقف واقول: دكتورهـ خلص الوقت ..و شكرا .. ... واطلعي من القاعه ولا عليكـ من احد ..

لكن فيه دكتورآت يعصبو اذا سويتي الحركه هذي ....

انا اقولكـ اش تسوي مع هذي الفئه ...

روحي انتي وكم بنت من نفس كلاسكـ يعني عشان مجموعه واشتكي على هذي الدكتورهـ عند استآذة الانجلش وقولي لها : الدكتوره ماترضى تخرجنـآ ... بتروح هذي الاستـآذه بتاخذ اسمها منكمـ وبترسل لها رساله خآصه ...... وشوفي كيف الدكتورهـ بتتعدلـ وتخلص على الوقت مزبوط ... << سوينا هذي الحركه =)



اهمـ شي انتي اطلعي على الوقت ولا همكـ احد لانو الحق معكـ




وسوري على الاطـآلهـ





نسيمــــــــ

[عشتار]

احنا الحمد لله ماحد ياخذ اكثر من وقته الا استاذة الاتصال الله يسعدها بس كلاسها ممممتع جدا وتكون اخر كلاس فمافي مشاكل ^^

[moon999]

نسيم الوجود

راح أعمل اللس قلتيه
مشكووووووورة