اخر نسبه موزونه انقبلتو فيها دي السنه؟

[wael14]

اخر نسبه وقفو عليها بالنسبه اداري وانساني79 والعلمي 81 ع ما اظن

[أحلى زيزو]

بنات صلو على النبي ولا تضاربون وقفو عند 77

[ممنوع من الشوكولا]

يااختي لا تسحبي ملفك وكوني متفائله ومو انه درجاتك موحلوه من البدايه انه ماحتنجحي لالالا شدي حيلك شويتين واستعيني بالله الله يوفقك ويسهل لك باذن الله حتنجحي وتدخلي التخصص اللي تبغينه .. وبالتوفيق ..

[صدى الآمال]

درجاتي مافي امل في النجاح

تحت الـ 20

واخاف اني كملت سنه ونص يعني 3 اترام لو مانجحت في كل المواد يحولوني كليه

وانا ما ابغي كليه نهائيا

ومررره محتاره

[shooshaa]

انا اقولك عن تجربه اسحبي وسجلي السنه الجيه

واذا ضاعت سنه ويعني !!!

هادي جامعه عادي يصير كدا فيها

ادخلي معهد انقليزي او اي شي


انا عملت كدا العام بس ماصبرت لما 3 اترام

لا من اول يوم من التروم الثااني
وشوفيني دي السنه اداري ومبسوووطه

بس اهم شي انتي كم موزونك انا موزوني كان 87 وعلمي ؟؟؟؟

[lonia]

والله معرف

يارب يوفقك وينجحك يااختي

والله اني حاسه فيكي

انا كمان مرا حايسه واحس دا الترم اصعب ترم عدا عليا