إختباراتنا .... نفسياتنا .... تخصصاتنا

[bint aboha]

السلام عليكم ورحمه الله وبركاته

كيفكم جميعا كيف النفسيات انا فتحت هذا الموضوع للأني شفت النفسيات والحزازيات بدأت هذه

الأيام وانا أولهم يمكن من تأثير الإختبارات وانا حابه أعتذر عما بدر مني أمس للأخ أسامه بس

أبغا الكل يعرف إني انا كذا ماأحب أحد يغلط ع صحباتي او ع أي بنت << مسويه محاميه

المهم أبغا أقولكم إن الإختبارات ماشي حالها الحمد لله أحس إنها أحلى من الترم الأول ماأدري ليه

الماث كان حلو إن شاء الله اما مهارات الإتصال فإنفصل الإتصال عندي يعني ماركزت من النوم

اما الفيزياء كان حلو بس الماث أحلى ياحبي للفيزياء المهم زي ماإنتوا عارفين أن التخصصات إن

شاء الله ع الأسبوع الجاي الله يوفق الجميع ويسهل علينا وندخل التخصصات اللي نبغاها أهم

شي سؤالي عن التخصصات إنتوا إيش تحسوا بعد السمستر الأول وبدايه للسمستر الثاني انا

عن نفسي كان حلمي الطب بس لمن شفت المعدل والإحصاء الغثى وفشلي الذريع ف بطلت

وقلت مو ذحين أدخل الطب لسه نفسيتي مو مهيأه فلمن فكرت ف كل شي حسيت إن الطب مو

حلمي يمكن كان حلمي من الطفوله للإني كنت أشوف العمليات وأعشقها بس طفشت من نفس

المقطع حتى أعمامي وخوالي صارو يخافوا مني ماأدري ليه ههههههههههههههه

بس ذحين احس إني ودي أخلو بنفسي وأفكر ف الصح وكانت الأسإله اللي ف بالي كالتالي

إحنا ليه حاصرين الطب والهندسه ف راسنا ؟ طيب ف تخصصات ثانيه ممتعه ؟ هل نضمن

بعدها الوظيفه ؟ هل إختيارنا لها كان برغبه أم مجرد أن يكون بجانب إسمك د؟ أو م ؟

هل كثرت الكلام عن التخصصين هوا اللي جعلنا نريده ؟

الآن كل واحد يجلس بينه وبين نفسه ويفكر هل صحيح أريد هذا التخصص ؟ ولماذا؟ ماالتخصص

القريب أو الممتع ف نظري ؟ إذا تحقق حلمي بإذن الله هل سأكون أسعد إنسان\ه ؟ هل

سأرتاح لمجرد تحقيقه أم سيكون لي رأي ثاني بعد التخصص ؟ هل بسبب رغبه اللأهل ؟ كثير ممن دخل التخصص اللي

يحلم ف بس بعد سنين إكتشف إنه لا يحب هذا التخصص أو حتى كان مجرد كلمه دخلت ف

راسه وماعرف كيف إختار هذا التخصص ؟؟؟؟

وأتمنى الموضوع يكون ف تفاعل كل بعد إختبار أدخلوا وإكتبوا اللي ف قلبكم حتى لو كنتوا

معصبين من اختبار إحنا هنا مع بعض صح ولا لأ انا قلت اللي عندي وأكثر البقيه لكم موفقين

دعواتكم

[غروري ذبحهم]

آلسلآم عليكم ,,
فديت آلموضوع وصآحبته ,, تسلمين يآقلبي ع هآلموضوع من جد مرررررررررررره حلو ,,
بآلنسبه للإختبآرآت فعلآ زي مآقلتي آلترم ذآ تمآم آلحمدلله ,, بس آلفيزيآء بصرآحه مو مره عجبني ,, بس آلحمدلله ع كل حآل وآلجآي آحسن وآفضل بإذن آلله ,,
بآلنسبه للنفسيه صح مش ولآ بد بس إيش نسوي نتحمل وربي مآرآح يضيع تعب آحد آكييييييييييييييييييد ..
آمآ آلتخصص كلنآ كنآ نحلم بآلطب بس بعد آلمعدل مآ آعتقد إنه رآح آقدر آدخله ,, هذآ شيء ,, وآلشيء آلثآني زي مآقلتي إحنآ محصورين بس بآلطب وآلهندسه رغم إنه في تخصصآت مره حلوه ولهآ مستقبل بس فوق ذآ كله مآرآح يدخل آي وآحد إلآ آلشيء إللي كآتبه له ربي ,, حتى لو كآن معدله 5 وربي مو كآتب إن يدخل مآرآح يدخل ,,
وآلله يوفق آلجميييييييييييييييع إن شآء آلله ويدخل كل طآلب آو طآلبه في هآلجآمعه آلتخصص إللي يبغآه ,,

>>>>> يآآرب نكون آنآ وإنتي وآلبنآت كلنآ مع بعض يآآآآآآآآآآآآآآآآآآآآآآآآآرب ,,

بآلتوفيييييييييييييييييييق ,,

[د/ روميو]

دقائق الساعة تشير إلى الساعة 10:00
...

ماعلينا ..

انا ضد انه الواحد يدخل التخصص اللي يحبهـ (:

مثلا لو واحد يحب البحر او مثل كدا..وطول عمرهـ يحلم يكون بحار ...

خلاص يقول : انا في الجامعة راح ادخل كلية علوم البحار ...

طيب دخلت وتخرجت ...ماحتاكل عيش ...

الواحد لازم يفكر في التخصص المطلوب وظيفيا ً..!!
مهما كان طب ، هندسة ....إلخ ...

تحياتي ،،

[د-فوفه]

سلام ....
موووضوعك رروعه ياقلبي
اله يديك الف عافيه

صح لازم نفكر بالتخصص قبل اختياره

انا بالنسبه لي فكرت بالطب ليه؟؟

لاني اعشق ه المهنه واشوف نفسي فيهااااا صح ممكن فيه اشياء بشخصيتي تعووق طريقي ولكن
اتحدى كل شي بس عشان اوصلو باي طريقه بعد ارااادهـ ربنااااا
وهادا رغبه مني وليست مجبره ...
حلم ركضت لتحقيقه بكيت وفرحت لكي اصل اليه وبالنهايه سوف احصد مازرعت يا اما اوصل لحلمي اووو لا لا لا لا قدر الله نرضى بقضاء ربنااااا ونحاول مجااهدين لتحقيقه
قرار سليم بووجهه نظري لما تختاري التخصص ولو ربك ارد تتوظفي بتتوظفي به
اما اني ادخل شي ما احبه عشان اتووظف داا مستحيل لانو ماراح ابدع بشي ماحبووووو
وإن شاء الله كل واحد يدخل التخصص الي يحلم به....

قرب موعد التخصص وقلبي والله يسترهااا معانا جميعاا يانصعد يانهبط وان هبطنااا الله يصبرنااااااااااااااااااا ويقويناا>>>متأأأأثره بالفيزياء

بس ما املك بدا الوقت غير الدعااااااااااااااااااااااااااااااء

موفقه بنت ابوهااااااا

اي احد يشوف ردي ويمنالي الخيرررر
يدعيلي بدخووول التخصص اللي احلم فيه....

[ميموو خاان]

كلام سليم ..بنت أبوها

قبل أي شي لازم اتطلع على التخصصات وأعرف اش الشي الللي يناسب ميولي

انا مو ميول العائله كلها ..وماادخل اي تخصص عشان اهلي ..

اهلي على عيني وراسي بس هذا مستقبلي وانا اللي راح اتعب فيه

أما بالنسبه للطب والهندسه ..مو صعب الوصول لها ..بس لكل مجتهد نصيب

وربي يكتب اللي فييييييه الخير

وبالتوفيق للجميع واكيد لاأحد ينسى الإستخااااارهـ

[هيدرانجيا]

السلام عليكم
والله كل الكلام الي قلتيه صح ميه ميه وربي يوفقك وتتخصصي التخصص الي يتناسب معاكي وتتوفقي فيه وربي يديكي على قد نيتك والله انتي عسل وتستاهلي كل خير وربي يبارك لك فكل خطوه تخطيها ومره مبسوطه انو فكرتي بدي الطريقه لانو كل واحد لازم يفكر اش التخصص الي يتناسب معاه مومجرد كلام واوهام ينصدم منها في النهايه ربي يسعدك ويسر لك الخير وين مايكون ياحلى بيونو بالتوفيق


تقبلي مروري

[نوره الغامدي]

هلا والله بنوته


كيفك عساكي بخير ؟؟؟


وكيف الامتحانات معاكي ؟؟؟ ... عسى ربي يوفقك


انا الحمدلله النفسيه عااال العاااال والحمدلله مبسووطه ^_^


بالنسبه لموضوع التخصصات يبغالو تفكير ومو اي تفكير ... لان هذا الموضوع بالذااات مصيري وما ينفع فيه اللعب

انا عني ما زلت محتاره ومتردده جدا ,,, ولكن راح استخير ,,, وما خاب من استخار,,,,,,,

بصراحه انا ابغى اكون ناجحه وابغى معدل عاالي حتى لو ما دخلت طب ,,, المهم معدل عالي وبس ,,,, وبصراحه اهم شي راحة البال وحب التخصص مو بس بالإسم زي ما قلتي ,,, والاهم من المهم هو (( الحب )) ,,, ايوا انت بس حب

التخصص وحب حياتك وان شاء الله الدنيا كلها تحبك ,,,,

لانو ممكن اصير دكتوره قد الدونيا بس ما اكون سعيده ف هذا المجال ,, وبالتالي ما رح اقدر ابدع فيه ولا راح اتميز عن غيري !!!

ممكن ادخل تخصص عادي جدا بس احبه وبالتالي راح ابدع فيه وحيكون ليا بصمه مميزهـ !!!


انت بس ارضي نفسك وماعليكي ف الباقي !!!



وكل واحد وطموحه وتفكيره ورأيه ,,,, هذا قرار حياتك وانت ادرى فيه ^_^


تمنياتي لكي بالتوفيق عزيزتي وماقصرتي ع هالموضوع الراقي المميز فعلاااااا ,,,

فـــ أمان الرحمن ^_^

[Super amazing]

90 طالبه تقريبا من السنه اللي راحت يوم دخلو طب ... ماعجبهم ورجعو سحبو شافو ان دراسته صعععبه ومدري وشو.. <<< هالكلام على ذمة سوبر قيرل

الى الان انا مو متاكده اني ابغى الصيدله...
يعني بس تنتهي الاختبارات ويبدا يشتغل شغل الاستخاره..

ويمكن الاغلبيه شايف ان هالاختبارات اسهل...
لنو صرنا متعودين عليها وعلى طريقة الاسئله..
في البدايه كنا لسه مصدومين ان المناهج انجلش والاختبارات انجلش.. فعشان كذا اخذنا فتره لين ماتعودنا...

بنت ابوها.... كل الشكر لك يالغاليه..

[شموووخ العز]

والله الموضوع جا في وقتــه ومن جد حتى انا لاحضت ان الاسئله هذا الترم اسهل
من الترم الاول بكثير وفيه بونس وشرح في الاختبارات ودلع..

امــا بخصوص التخصصات انا كنت احلم ولا زلت اني ادخل رياضيات
او فيزياء وإن شاء الله ادخــل اي ووحده فيهــم يارررب...
وطبعــا لو دخــلته حكــون طبعا
مبسووطه لانــه حيكــون حلم وتحقق...وإن شاء الله ماانـــدم ابدا ولا اضن اني رح انــدم
بمــا اني دخــلته عن قنــاعه تــامه..

ومشكـــــــووره يابنــووتــه ع هذا المـــوضوع المميز مثلــك<<لا يكبر راسك علينا .طيب

..يعطيـــك ألــف عــافيه..

[د/ روميو]

المشاركة الأصلية كتبت بواسطة super amazing 90 طالبه تقريبا من السنه اللي راحت يوم دخلو طب ... ماعجبهم ورجعو سحبو شافو ان دراسته صعععبه ومدري وشو.. <<< هالكلام على ذمة سوبر قيرل .

انا اعتقد صحيح ..مو بس بنات ..):

حتى الاولاد ..فيه البعض يكمل سنتين وبعدها يحول كلية ثانية ...وقصص ..وياكثر مانسمع ...

واحد من شباب الطب هالسنة ...خبرني يقول : الدلع اللي في التحضيري انساهـ اذا دخلت الطب ...

الله يكتب لنا الخير فين ماكان ..(: