فاتني اختبار الثقافة الاسلامية سنة تحضيرية

[Azoozf17]

السلام عليكم ورحمة الله وبركاته


اليوم السبت فاتني اختبار الثقافة الاسلامية النهائي


السبب : كنت مريض وتعبان ودايخ ،

والشي الثاني محد بلغني من اخوياني انو في اختبار الا بعد الاختبار يعني الساعه 5 اتصل علي واحد من اصدقائي وقالي اختبرت قلت له لا كنت مريض وتعبان ورحت المستشفى

عندي عذر طبي ... ماهي الاجراءت

كلمت الدكتور .... يحيى الزهراني قال لي عذرك جيبه لي المكتب ... مدري يعني وين اروح ووش اسوي


ساعدوني

[بيان عبدالعزيز]

وعليكم السلام

اول شيء كويس ان كان معاك عذر طبي وكلمت استاذك وقالك جيبه معآك

روح له المكتب بكره بعد ماتخلص من اختبارك واعطه التقرير الطبي واشرح له اللي صار لك واسأله عن موعد الاختبار البديل

وللاحتياط صور من التقرير الطبي 4نسخ لان هم عادة يطلبون صورة من التقرير ويشوفون الاصل ويرجعونه

وخذ رقمه او ايميله منه شخصياً عشان يتواصل معاك بموعد الاختبار ويخبرك

واتوقع ان هذي صفحته في موقع الجامعة

http://yahalzahrani.kau.edu.sa/Defau...0014480&Lng=AR

وفيهآ معلوماته رقمه وايميله وساعاته المكتبية



ربي ييسهلك وييسرلك

[Azoozf17]

شكرآ لك ..

كتبت ورقة + عذر طبي + صورة من العذر الطبي ودبستها مع بعض


آتصلت عليه قبل ما اسوي كل شي قال لي ما راح اكون موجود لكن حطها من تحت الباب أفضل ...

قبل ما أحطها رحت لمكتب شوون الطلاب الموجود بنفس الطلاب ..

قال لي و ولواحد مثلي ان الاختبار البديل راح يكون باذن الله في 17 او 18 او 19 / 8 ...

شرحت له الموضوع قال لي سواء قبل او ما قبل .. راح يكون باذن الله في اختبار بديل ...

قلت له طيب يعني وش اسوي الحين ..

قال لي رح حطها تحت الباب وتابع موقع الجامعة كلية الاداب من 16 الى 19 .. /8


باذن الله يقبل العذر وآختبر

[بيان عبدالعزيز]

العفوو

مآششاءالله اعجبني تصرفك

وخل عندك صورة احتياطاً للعذر عشان يوم الاختبار تدخل وانت مرتآح وإذا سألوك وريهم الصورة وتخبرهم ان في نسخة عند استاذك وانه قبل عذرك=)

او تواصل مع استاذك واسأله قبل الاختبار عن قبولهم لعذرك

واكييد بإذن الله بيقبلونه لآ تخآف

ربي يوفقك