الاختبارات قربت !!خطة (ب) وش رايكم نساعد بعض ؟؟

[دووونا]

مرحبا صباااااااااايا يا حلوي

الكل طبعا الحين متوتر وقاعد على اعصابه .. الاختبار الدوري الاول الاسبوع الجاي والكل طاسته ضايعة

بما انه اسألتنا موحدة يعني احنا بالهوى سو اللي بيقابلنا بلاختبارات شي واحد
لكن احنا استاذاتنا مختلفين.. وكل استاذة تركز على شي معين .. وتشرح بطريقة معينة .. وفيه بعض الاستاذات لهم رأي في وضع الاختبار وفيه كمان استاذات مايعرفو شي عنها..

عشان كذا انا اقترح انه كل وحدة تقول استاذة المادة الفلانية اش قالت لهم يذاكرون وعلى ايش يركزون وكيف طريقة الاسئلة ..

نطمن بعض ونرتاح ولا يفوتنا شي


وش رايكم بالفكرة

[روووني]

احنا تقريبا كل ا استاذاتنا مو عارفين طريقه الاسئله

بس يقولو السنه اللي فاتت جاهم كده وماجاهم كده

والله اعلم

[SnOoPy]

الاختبار الدوري الاول الاسبوع الجاي

الله يوفقكم
داري اني داخل غلط بس مشو حالكم ههههههههه

والله اللي عندنا يقولو ان الأسئله حتكون اختيارات فكل المواد يعني حقره بقره قلي عمي...<<<مالو داعي أكمل أكيد حافظينها

يقولو نفس طريقة اختبار قياس تقريباً

بس أهم شي تشدو حليكم فالغياب و فلوها ترى الدنيا ما تسوى<<<<برااااا

و لو في شي ما فهمتو أنا موجود <<<المشكله لما نزل مطر سحب على المحاضرات و راح الكورنيش ههههههه

بس ترى يجي مني فالانجلش يعني أعرف أقول يس و نو هههههههههه
<<<ما كأنو حكى قصة حياته

الزبده
والله اللي فاهمه فالإحصاء و التحلليل الإحصائي يارب تساعدني أو حتى لو ولد
لأنن حق التحليل يشبه زكيا زكريا و كل ما نشوفه نقعد كاااي الين نهاية المحاضرة
يلا أنا حأسوي اللي عليا فالإنجلش بس ساعدوني فالإحصاء و التحليل الإحصائي

اوكى؟

[تفآحة نيوتن}~]

الاسئلة اختياري

استاذة مهارات الاتصال زي كذا قالت لنا اسئلتنا حقت مهارات الاتصال اعتقد 20 سؤال اختياري

و10 صح وخطا << ماذكر كويس يعني لاتاخذي كلامي اكيد

بس اغلبها اختياري

وربي كلها تهون الا الانجليزي ربي يعيننا

مررررررررة شايلة هم الانجليزي

مين استاذاتك انتي

الله يوفقنا ياارب

[دووونا]

انا بالنسبة لي استاذة الاحصاء والتحليل الاحصائي قالت انه بلاختبار بيعطوننا ورقة فيها القوانين اللي نحتاجها بلاختبار ..لكن هذا مو معناه انه ما نذاكرها لالالالا يا حلوين لازم تذاكرونها عشان تعرفون هي فأيش تستخدم بس هم حاطينها اذا نسيتي رمز ولا رقم من القانون تاخذينه من الورقة .. وكمان قالت لنا انه بالذات الاحصاء مو كل الاسألة اختياري ..يعني فيه اكيد اختياري بس كمان فيه مسائل ورسم .. بالنسبة للانجلش كل اقسام الانجلش وكل كتب الانجلش راح تصير في يوم واحد .. يعني من كل كتاب بتذاكرون 4 فصول *#* وهم 5 كتب (مع البراقراف) يعني يا حلوين 20 فصل ^_* <<<< مرة شوي صح ؟؟ >>امزززززززززززززح خخخخ

اي شي راح اعرفه بكتبه هنا *_^
الله يعيييين الجميع

[فتاة جامعيه]

السلام عليكم:
بداية الله يوفقنا جميعا في هذه الاختبارات
اما بالنسبه لطريقة الاسئله فما أعرف غير تنمية مهارات التفكير قالت الاستاذه انه الاسئله راح تكون اختياري وصح وخطأ أما باقي المواد فكل ما سئلنا استاذه قالت لسه ما اتفقنا ( تقولون كأنهم بيسون خطه حربيه) ..... المهم
بالنسبه للاحصاء والتحليل الاحصائي تعتمد على حفظ القوانين بالدرجه الاولى وانا بالنسبه لي اعتبر محاضرة الاحصاء إعادة لمحاضرة التحليل الاحصائي أهم شيئ التركيز
انا خايفه أكثر شيء من الانجليزي ترى خمس كتب شيء موهين لكن الشكوى لرب العالمين واللي يعرف طريقه اقدر اذاكر فيها الخمس كتب يا ليت تقولولي ......

[تفآحة نيوتن}~]

الانجليزي 5 كتب ؟؟


غريبة معروف الانجليزي 4 كتب

الخامس كيف شكلوه ذا

[ارسمك وامحيك]

الانجليزي عادي يآبنات

لانه حق دروس المتوسطة فهو شي بسيط جدآ

بس انا الحين اللي مو فاهمتهـ اننا كيف نذاكر

يعني مثلا نمسك كتاب تنمية مهارات التفكير و لا مهارات الاتصال ونحفظه كلهـ ولا شلون

لاني احس ان الكتب تسد النفس

[حصه بنت عبدالعزيز]

الإنقليزي سهل بس كثييير وهاذا هوا إلي محسسنا
بخووف منو ...
وإذا على مهارات التفكير إحنا قالتلنا الأستاذة ما في شي إسمو
حفظ زي المدرسة تقول لازم تقرأو الفصل الواحد أربع مرات بفهم
ومع التركيز على الأشياء المهمة وتقول إن شالله إذا سويتو كذا بتحلو كويس في
الإختبار ...
بس مهارات الإتصال لسه انا حايسه فيه وما أعرف كيف يتذاكر ؟

[دووونا]

تفاعل جميل يا صبايا .. مشكورين على كل معلومة ساعدتوا احد فيها ^_^
................................................

تفاحة نيوتن <<< اول شي اسمك خنفشاري *_^

ثاني شي يا طويلة العمر الكتاب الخامس اسمه برقراف تشرينه من مكتبة خوارزم

هو كتاب مصور يسددددددددددد النفس كتابته موب واضحة <<< اشهد انك فتحتي نفسهم للمذاكرة ههههههههه

موفقين ..