العياده النفسية لضحايا السنه التحضيرية (( خطة أ و ب ))

[سحر البيان]

المشاركة الأصلية كتبت بواسطة !..rahooofa..! الله يبارك فيكي دكتورتي .. انا فكرتي انو انا معاكي بتطبيق النظام وتدي كل واحد حقو لكل مجتهد نصيب بسسس انا عن نفسي اشوف انو والله اغلب الاشخاص اللي ماعندهم امانة ماعندهم شخصية فدا يعني طبيعي انو ماعندهم مبادئ والمبادئ تتعزز في البيت اولا وبعدين في المجتمع الدراسي مثلا . عشان كدا دا دور اي معلم يهتم بمصلحة الطالب وتعزيز الامانة والمبادئ مرا مو شي صعب بس فكرتي انو المعلم مرا يأثر بشكل مو طبيعي عشان كدا قولت اعرف اشخاص اتخصصو شريعة فقط عشان حبو الدكتورة وهما فين والشريعة فين وبس دي نقطتي وانا والله ما نساكي ولا انا فضلك مع اني مو من طالباتك بسس دكتورة بمعنى الكلمة واتمنى لو شوفتك في الخطة الجاية وعرفت نفسي ليكي ماتكوني ناسسيتنييي وبالنسبة لكلام الجاهلين دول من جد يعني ربي يبتلي المؤمن عشان يختبر صبرو ويغفر ذنبو .. والله ناسسس جاهلة وردك مراا حلوو وفي الاخير اقولك مرا شكررا

فهمت عليك ... شكرا

لا أبدا ماراح انسكي أنا عشت معاكم لحظة بلحظة ..... خطه أ و ب

و كنت أرد على مواضيعكم باللي أقدر عليه ..

[سحر البيان]

هذا موقع الصحابه جميل جدا ....

اللي عجبني فيه ماهو سرد تاريخي و ممل ....

بس عرض جميل جدا

http://www.al-sahabah.com/index.php?pageid=1

هذا الموقع أهديه لكل المتأثرين بسيول جده

و لكل المتأثرين بدرجاتهم السيئة و احساسهم بانهيار أحلامهم ...

عندي كم شغلة أخلصها و أرجع لكم

[خالد 1962]

يعطيك الف عافيه الاستاذه سحر البيان

[د/شهود]

الحمدلله على سلامتك دكتوره

مآتشوفي شر

الله يحميكي ويحفظك من كل شر

[THE HILL]

الحمد لله ع سلآمتك دكتورة : ليلى
نآآدرا نلقى دكآترة يحترمو مهنتهم زيك

والمطر رحمه من الله < ما نقدر نحكم اذا هوا عذااب والا لأ > لان هذا تألي ع الله

بس يا دكتورة انتي شوفتي الموت بعيونك وما شاء الله من اللحظه قررتي تغيري بذاتك ناهيك عن اذا ما كنت تغيري ذاتك كل بعد فترة لكن اللي صار يوم الاربعاء راح يعمل تغيير جذري < فقط للي شافو الموت بعيونهم

الاف البشر راحت ارواحهم ، ممتلكاتهم ،، الخ

وما اقول الا حسبي الله على كل من فرط بالامانه و سوف يلاقي جزآه اذا مو في الدنيا في الاخرة

< اعذريني اذا خرجت عن صلب الموضوع >

تحيتي لك,,

[صياد النسور]

موضوع جدا رائع
اهني طلبات الجامعة على دكتورتهم المخلصة
ويقل وجود الدكاترة اللي يفهمون الطلاب

لكن بالنسبة لي

انا كل الدكاترة شرحهم كويس الى ان يثبت العكس
انا الان خلصت التحضيري
وكل الدكاترة كانو يفهّموا
لكن بدرجات متفاوته
الوحيد اللي كنت ما أفهم منه شي كان معيد عندنا
حتى يوم أسألة بعض الأسئلة يقول الان نشوف
واضيع في الشرح
وللأسف
اني قررت ان ابحث عن المعلومة في وقت متأخر جدا
الا وهو قبل الاختبار بيوم
ولم استطع اكمال المنهج لضيق الوقت
لكن ولله الحمد نجحت في المادة وجبت فيها اعلى من بعض المواد الأخرى <<<< قولوا ما شاء الله
أشكرك يا دكتورة على هذا الموضوع
وان شاء الله سيبقى لدي في المفضلة :)

[خالد9921]

ولا زلت أنهل واستفيد حق الفائدة من ردودك يا دكتوره .. الله لا يخلينا

حمدلله على سلامتك ..... و الله لا يعيدها بالنسبة للسياره ... أطلب العوض من الله و أحتسبها عند الله الحمدلله أنك سالم و فداك السياره الله كريم .... و اشكوى لغير لله مذلة ...

الله يسلمك ويخليك وكذلك حمدلله على سلامتك
صح لسانك والله يعوضنا خير ويخلف لنا خير من هالمصيبة
والحمدلله انا مبسوط ومرتاح دام الروح موجودة ودام الدنيا فيها ناس طيبين (:

نسيت أقول لك لو حسيت باي رتفاع درجة الحراره و غيرها ... راجع المستشفى ... لانك زي ما قلت أنه رجولك أنجرحت من المويه ...

يا شيخه الله يرزقك الجنه قولي آمين !
تعرفين يا دكتوره اني فعلا من يومها وانا مسخن ودايخ وصحتي مضطربه حتى النوم قليل مره سيئ !
لكن قريت كلامك اليوم بعد الظهر ورحت عالمغرب المستشفى
فعلا كلامك صح فوق ما صرفولي مضاد حيوي ومسكنات
كمان الدكتور شاف الجروح بسيطه قال لازم نسوي لك تعقيم لهم والحمدلله سويته
دكتوره الله يخليك لعيالك بأتم صحه وعافيه
وتشوفين في عيالك الصحه والعافيه وحُسن الابناء البارين بك والناجحين في حياتهم قولي آمين



لي عوده مع فوائد أخرى بهالموضوع اذا الله أراد (:

[besho2009]

اولا الحمد لله على سلامتك دكتورتنا
دكتوورة ياريت كل الدكاترة زيك والله ..
كنت حبيت الجامعة والله ... عمري ماشفت دكتورة تهتم بطالبات حتى مادرستهم بس في المنتدى تكلمهم
ياريتك درستيني كيمياء لاني كرهتها وكرهت الجامعة فوق ما انا كارهتهااا
ونجحت في الكيمياء ع الحافة لاني اتعقدت :(
الله يسسسعدك دنيا واخرة ياااارب

[m!ss-oudy]

.
.
.

والله محد يحمسسني على هالمـآده غيركً
ياارب تدرسسسيني ي مسسً السسمستر الجآي ..=

[سحر البيان]

عوده للموضوع ....

طبعا مع اكتسابنا للمهاره العلمية لابد أن تكون مقترنه بمهاره أخلاقية

و للمعلومية التفوق الدراسي لاتعني التفوق المهني و لا تعني التفوق الاخلاقي

قبل فترة مجموعه من الاهل يتحدثوا عن الاخطاء الطبية و أن الطبيب الذي يخطئ يستحق العقوبة

يومها عارضتهم بشدة لان كل مهنه لها أخطائها و أخطرها أخطاء التدريس و لكن الفرق بينها و بين أخطاء الطبيب

الطبيب خطأه واضح أما المعلم فانه خطئه أعم و أشمل ....

و ان الطبيب لن يستطيع تأدية عمله بكفاة اذا أعتقد أن هناك شرطيا ينتظره اذا أخطأ

و هذا لايعني أناا نسمح للطبيب أن يخطئ ....

و أنه يفترض لو حس الطبيب أنه غير قادر على أدأ هذه العملية الاعتذار ....

و اذا كانت الحاله التي يشرف عليها لا يستطيع معرفتها فيقول لا أعرف .... هناك مقولة (( من قال لا أعلم فقد أفتى))

و طبعا بما اننا نعاني من السيول في جده ..... الكثير يقول أن السبب فيها سرقة و غيرها

و لكن اسمحوا لي ... ممكن تكون نسبة بسيطه .... و لكن السبب الحقيقي هو كا الاتي

أكيد منسوبي بعض الدوائر الحكومية ....

بعضهم متعين بالواسطه ......

للاسف بعضهم لايفقه شيئا عن مهنته....مثل واحد يتعن مهندس و هو خريج علم نفس مثلا....

و بعضهم أتخرج بالدف ... أو درس في جامعات شعارها أدفع و نعطيك شهاده .....

أو يكون للاسف من جماعة اللي ما يعرفوا وين الله حاطهم ......

أو من جماعة اللي درس في الجامعه و ضيع أربع أو أكثر و يتخرج و هو مو فاهم شيئ ..

طبعا غير الاستهتار اللي هي سمة بارزه لاكثر الشعب

يعني موظف ما يحب شغله و يأديه بتثاقل ..... موظف ما يعرف الفرق بين السد الاسمنتي و الحجري

موظف أكبرهمه أن يفطر ,,,, و يرسل البنغالي كل يوم يشتري له فول و عدس

و طبعا استكمالا لمسيرته المستهتره ... نفس البنغالي اللي أرسله عشان يجيب له الفول و التميس

أرسله عشان يشوف المباني و المشروع و جاه البنغالي و قال له .... كل شيئ تمام

و أطمئن الموظف اللي ما يعرف وين الله حاطه .... و نام قرير العين

و للاسف الشديد ... نحط أملنا في المتفوقين دراسيا لانه كما ذكرت سابقا ....التفوق الدراسي لايعني التفوق المهني

فتلاقي متفوقنا يلتهم الكتب التهاما مو فاهم شيئ ...... لما جاء على أرض الواقع ما أعرف يعمل شي

لانه ما عنده رغبة في التطوير و الابداع .... طالب متعود أن 1+2 = 3 و ما يعرف أن 2+1 =3

اذا كان المعلم يتحمل 50% مما وصل له حال هؤلاء ....

و لكن 50% يتحملها الطالب نفسه الذي بعدها أصبح موظف ... لماذا لم يحاول أنه يطور نفسه أو يسعى لكسب ما أفتقده