إعلامي وعضو شرف نصراوي ينقل جماهير الهلال إلى قطر

[ضيدان]

تكفل أيضاً بالسكن ووجبات الأكل

إعلامي وعضو شرف نصراوي ينقل جماهير الهلال إلى قطر

الرياض – الوئام – فيصل الأحمد :
أعلن الأستاذ / عبدالعزيز المريسل رئيس نادي الجيل والإعلامي المعروف وعضو شرف فريق نادي النصر عن تكفله بنقل الجماهير الهلالية من الأحساء إلى الدوحة وذلك لمؤازرة الفريق في مباراته المقبلة أمام فريق الغرافة القطري في منافسات البطولة الآسيوية , مع توفير السكن ووجبة غداء وعشاء لكل مشجع هلالي .
الجدير بالذكر أن عبدالعزيز المريسل عضو شرف فريق النصر وإعلامي معروف في الوسط الرياضي وأشتهر بنقد الفريق الهلالي من خلال القنوات الفضائية ومن خلال كتابته الصحفية في عدد من المطبوعات , وبادر الأمير عبدالرحمن بن مساعد الأسبوع قبل الماضي بتقديم واجب العزاء له في والده .

http://alweeam.com/2011/03/14/%d8%a5...7%d9%84%d9%87/

بمثل هؤلاء نفتخر ... بمثل هذه الأعمال نفتخر

ويشرفنا أن يكون مثل هذا الشخص عالمياً


لكل من تباهى برادوي وويلي .. كلامهم وافعالهم .. الهلال اكبر منها .. ولا يحق لكم بأن تفخروا بمثل هؤلاء الا بلعب الكرة ... أما أقوالهم .. وأفعالهم .... فأتوقع انها ما تشرف أحد وإنها تسيئ للهلال وجماهير الهلال وللرياضة السعودية وعلى شباب السعودية المتابعين لأنهم سيعتقدون بأن ما قاله المعروف بـ المحارب رادوي بالوسط الجماهيري الهلالي كلام طبيعي جدا يقال وأنه لا حرج بأن يقوله أي شخص لأي شخص بالمجتمع!
أنا على يقين بأن هناك عقلاء لا يعجبهم ما قاله رادوي ولا تعجبهم حركة ويلي ! ويشاركوني الرأي بأن مثل هؤلاء يجب أن يكونوا قدوة .. نكتسب منهم مهارات وليس مهاترات .. وهذا هو الهدف الرئيسي من المحترفين والسماح بالاحتراف .. لنقل خبرات اللاعبين المهرة الى الملاعب السعودية للرقي بالرياضة عموم وبكرة القدم السعودية خاصة

أتمنى أن تنسوا العصبية قليلا وتفكروا هل ترضى بأن يكتسب معجبوا الهلال الصغار طريقة كلام رادوي أو أن يتبادلوا حركة ويلي؟؟ هل ترضى بأن تنتشر بمجتمعنا هذه الأشياء؟ والتي للاسف كل من يدافع عنها ويعتبرها طبيعية .. إما أن يكون غير طبيعي .. أو أنه عاش بوسط غير طبيعي بعيد عن مجتمعنا وعن عاداتنا وتقاليدنا وديننا!

تحياتي للجميع

[الوردة الموفية]

حركة حلوة .. اتمنى انه يزول التعصب ,, بس احيان احسه ملح الكورة .. اهم شي يكون بدون تجريح

وعلى الكلام الي كاتبه تحت ..

احسه استفزاز .. يعني اي هلالي ما بيعجبه كلامك لأنهم تبلوا علينا وما يبغونا ندافع

حركة ويلي في صور تثبت انه مو زي ما انتوا فاهمين .. هو مسكه من خصرهـ و الصور تثبت

والله انا في البداية كرهت ولي لما دريت .. بس في صور اثبتتلي انه غلط ..

لا تقول بااين .. تصوير الفيديو كان سريع و مو واضح

وعلى حسين ..

انا متأكدة انه هنااك عقلاء من النصر لا تعجبهم حركااته و كلامه

تحيااتي لـك ..

[ضيدان]

اولا انا ما دافعت ولا في اي موضوع عن حسين ... الخطأ خطأ سواء من نصراوي او غيره! وفيه مصطلح في كرة القدم اسمه اللي تكسب فيه العب فيه! استفزاز اللعيبة معروف وتكتيك تعتمده اندية كثيرة ومن ضمنها الهلال! مثلها مثل المهارة بالتمثيل لكسب خطأ! والهدف منها استفزاز اللاعب للتسبب بطرده او تشتيت تفكيره للتمكن من التغلب عليه في اللعب! وحسين عبدالغني متهم بانه قال كلام ما كان فيه غيره وغير عزيز ... الى ان تثبت براءة او ادانة حسين ... نتركها لبعدين! ولو ثبت ان حسين صحيح تلفظ على ام عزيز فاقولها لك وكلي ثقة ......... كل جمهور العالمي ضده ! وضد هذا الفعل! ولا اتمنى اي شخص نصراوي تكون اخلاقه متدنيه الى هذه الدرجة!

وبالنسبة لكلامك عن رادوي وويلي!
مو مشكلة ... ويلي نقول لقيتوا صور تثبت عكس ما اتهم به ... وش اللي اضطر ويلي بعد نهاية المباراة .. وعباس كان يناقش الحكم ولا هو قريب له .. يتجه لعباس .... ويتعرض له؟ وانفعال عباس واشتياطه ما جاء من فراغ!

ورادوي؟ كلامه؟ الترجمة غلط؟؟؟ مخارج الحروف عندهم تنفهم غلط عندنا؟؟

عموما كنت اتمنى تقولين رأيك ..... ودك يكون جمهور الهلال يتداولون الكلام اللي قاله رادوي بينهم؟؟؟؟؟؟ ويكتسبون منه الاسلوب هذا؟؟
او يتبادلون حركة ويلي مع عباس؟ ويعتبرونها طبيعية؟

[الوردة الموفية]

المشاركة الأصلية كتبت بواسطة ضيدان اولا انا ما دافعت ولا في اي موضوع عن حسين ... الخطأ خطأ سواء من نصراوي او غيره! وبالنسبة لكلامك عن رادوي وويلي! مو مشكلة ... ويلي نقول لقيتوا صور تثبت عكس ما اتهم به ورادوي؟ كلامه؟ الترجمة غلط؟؟؟ مخارج الحروف عندهم تنفهم غلط عندنا؟؟

لا طبعا .. كلامه واضح و مفهوم .. هو صح كلامه المفروض ما ينقال

بس انت شايف لجنتنا ايش سوت الحين

وقفت رادوي مباراتين و حسين طلع منها وما سارله ولا شي

يعني ولا كلفوا على انفسم وقالوا رادوي ليش قال هالكلام ..

بعدين في تجاارب سابقه وانا ذكرتها في الموضوع الثاني

الي هم الفريدي و محمد امين و حسن خليفة

اشتكوا قبله وما سارله شي ..

و شوفه الحين كمان ما سارله شي .. عندهـ واسطه ..

[الوردة الموفية]

^^
رديت قبل لا تغير ردك :)

[Abdulrahman alqahtani]

بارك الله فيه , والله نفخر بنآس زي كذا يقربون بين الفرق ^^


لا تدري يمكن يطرح الله فيه البركة ويزول الخصام اللي بين الفريقين < لاحد يجي يقولي احنا اخوان وما بيننا شي !!

< كل شي واضح

[Abdulrahman alqahtani]

..


ولا انسى ان اشكر صاحب الخبر ,, ضيدان بن قضعان

[sir]

المشاركة الأصلية كتبت بواسطة ضيدان تكفل أيضاً بالسكن ووجبات الأكل إعلامي وعضو شرف نصراوي ينقل جماهير الهلال إلى قطر الرياض – الوئام – فيصل الأحمد : أعلن الأستاذ / عبدالعزيز المريسل رئيس نادي الجيل والإعلامي المعروف وعضو شرف فريق نادي النصر عن تكفله بنقل الجماهير الهلالية من الأحساء إلى الدوحة وذلك لمؤازرة الفريق في مباراته المقبلة أمام فريق الغرافة القطري في منافسات البطولة الآسيوية , مع توفير السكن ووجبة غداء وعشاء لكل مشجع هلالي . الجدير بالذكر أن عبدالعزيز المريسل عضو شرف فريق النصر وإعلامي معروف في الوسط الرياضي وأشتهر بنقد الفريق الهلالي من خلال القنوات الفضائية ومن خلال كتابته الصحفية في عدد من المطبوعات , وبادر الأمير عبدالرحمن بن مساعد الأسبوع قبل الماضي بتقديم واجب العزاء له في والده .

مشكور اخوي ضيدان على الموضوع


بالتوفيق
للزعيم والعالمي والعميد والليث
بالوصول الى المبارة النهائية
وبعدين يصطفلوا ..... >> شكلين مابحكى

[ضيدان]

المشاركة الأصلية كتبت بواسطة الوردة الموفية لا طبعا .. كلامه واضح و مفهوم .. هو صح كلامه المفروض ما ينقال بس انت شايف لجنتنا ايش سوت الحين وقفت رادوي مباراتين و حسين طلع منها وما سارله ولا شي يعني ولا كلفوا على انفسم وقالوا رادوي ليش قال هالكلام .. بعدين في تجاارب سابقه وانا ذكرتها في الموضوع الثاني الي هم الفريدي و محمد امين و حسن خليفة اشتكوا قبله وما سارله شي .. و شوفه الحين كمان ما سارله شي .. عندهـ واسطه ..

لا سلامتك ... ينتظرون عودة عزيز من السفر على شان يستمعوا لأقواله ... وحسين امس ما ادري اللي قبله سمعوا اقواله وينتظرون عودة عزيز من قطر .. يعني لا واسطة ولا شئ ... ومثل ما قلت لك لو كان محق عزيز باتهامه ... كل جماهير العالمي راح تقف ضد هذا التصرف ! ولعلمك .. من أجل عدم تعكير جو اللاعبين لانهم الان بمهمة وطنية بقطر اجل الموضوع لحين عودة عزيز! كل هذا على شان ما يكونون سبب بشغل فكر لعيبة الهلال عن البطولة!

لان اللي دار بينهم ما كان بالملعب ولا كان مصور ولا فيه تسجيل للحادثة المذكورة من قبل عزيز!

لكن اللي تصور وانتشر وواضح للجميع كلام رادوي .. وحركة ويلي!

ولا انا جاي اطالب بأي شئ على فكرة .... ابغى بس تقولون هذا تصرف خاطئ ولا نتمنى ابنائنا يتصرفون بمثل هذي التصرفات! الاعلام والله جالس يبين للشباب وصغار السن ان اللي صار عادي جدا وطبيعي ... وخايف بكره بسبب دفاعهم لمجرد انه هلالي ينقلون عادات سيئة لمجتمعنا انا متأكد انهم هم انفسهم ما يرضون ابنائهم يتصرفون بمثل هذي التصرفات اللي يدافعون عنها ويبررونها لمجرد ان هذا اللاعب من الفريق اللي يشجعه .. !

تعلموا من رادوي مهاراته ... تعلموا من ويلي طريقة لعبه ........ بس لا تقولون تصرفهم عادي وتصرفهم مقبول! ولا اتمنى ان يجي احد يفخر بمثل هذا اللاعب او ذاك وهو يتصرف بمثل هذي التصرفات!

اتحدى اي شخص يقول ارضى احد اخواني او ابنائي يتلفظ باللي تلفظ به رادوي
او يعمل اللي عمله ويلي

واذا استمر الحال بملاعبنا على هذا الوضع دون وضع حد لمثل هذه الافعال وهذه التصرفات


انصح انهم يحطون 18+ قبل كل مباراة

تحياتي للجميع

[ضيدان]

المشاركة الأصلية كتبت بواسطة راقـ ي ورايـ ق بارك الله فيه , والله نفخر بنآس زي كذا يقربون بين الفرق ^^ لا تدري يمكن يطرح الله فيه البركة ويزول الخصام اللي بين الفريقين < لاحد يجي يقولي احنا اخوان وما بيننا شي !! < كل شي واضح

وبارك الله فيك على كلامك وعلى رغبتك بان يزول الخصام بين الفرق وجماهيرها

ولا شكر على واجب اخوي راقي ورايق