مبادئ قانون .... محتاجة رأيكم الله لايهينكم

[.,.نيــــــــــــــــــــران.,.]

السلام عليكم ياأهل القانون


عاد جيت باخذ رأيكم في اخر ترم لي

باقيلي مادة اختيارية

واحترت

ايش رايكم في مبادئ قانون؟ واخذها مع مين؟
كيف طبيعة المادة والاسئلة؟


الله يسعدكم افيدوني

[no limit]

مادة جدا جدا رائعة ،وأنصحك بدراستها لإحتوائها على معلومات جدا قيمة وتعتبر من الثقافة العامة التي ينبغي لأي طالب جامعي معرفتها والبعض من المواضيع القانونية الهامة والمفيدة لعامة الناس.

الخلاصة: لاتفوتك،وأختاري عضو/ة التدريس المناسب.
بالتوفيق للجميع.

[جودي 1411]

المادة مفيدة جدا لو تبغي تستفيدي لكن اختاري الدكتورة بعناية
أنا أخذتها مع ليندا وكرهتني بالقسم كله
اذا نزلت اسماء اعضاء هيئة التدريس جيبيهم وان شاء الله نفيدك
بالتوفيق

[tofa7a]

دكتورة باسمه الله يسعدهاااا اخدت معاها a

[sosoana121]

مــــــاده حـلوه تعتمد على الفهم وهي من المواد الدسمة حبتيين

فأحسن حاجة خذيها مع دكتور/ة يكون اسلوبهم موضوعي مش مقالي

اذا نزلت مع د.مصطفى بيطار توكلي ع الله وخذيها

وبتاخذين بأذن الله a+ بشوية تركيز

[بحر الحرية]

أهلين أختي..

ياحظك آخر ترم، متى نصير زيك

الله يوفقك ياارب ويسهل عليكي..

مادة مبادئ القانون مررررررة حلوة، لكن دسمة شوية ويبغالهاا تركييييييز، المادة بتشرح القوانين بشكل عام تجاري جنائي دستوري...، وتشكيل المحاكم وتنظيمها وتقسيماتها...
يعني بالعربي: المادة توصف قسم القانون كيف يكون.. خصوصا للي يبغوو يتخصوو فيه..

إداا بتاخديهاا، حاولي تاخديهاا عند أحد كويس، ورااح تنبسطي فيهاا كتيييير لأنهاا بجد مادة روووعة
بس أهم شي تركزي عليهاا أول بأول، وحتكون معااكي جداا سهله انشاا الله..

والله يوفقك ياارب ويسهلك؛؛

[.,.نيــــــــــــــــــــران.,.]

اهلييين والله

نو ليميت - جودي - تفاحة - سوسوانا - بحر الحرية

الله يسعدكم يارب بجد أفدتوني :)

أجل شوركم وهداية الله

بس ان شاء الله لمن تنزل الاسماء استشيركم لأني جاية من قسم اسئلته كلو موضوعية فما أبغه مقالي


تحيااااتي لكم

[روووني]

والله الماده بالنسبه ليا مررره سيئه ماحبيتها ابدا ابدا وانا اخدتها مع ليندا

ازا نزلت مع مصطفى خديها كل اللي اخدوا معاه يمدحوه بس ليندا وورده انتبهي منهم

[خلدونة]

هي مادة يبغالها حفظ الكل يمدح الدكتور مصطفى أنا اخدتها مع الدكتورة ليندا وجبت a المهم نصيحة مني لك خديها عند أي أحد في العالم ماعداااااااااااااااااا الدكتورة وردة

[ياهم عندي رب كبير]

السلاااااام عليكم
الله يسعدكم ابغا مساعدتكم انا نفسي اتخصص قانون بس تخصص القانون مالقيته من ضمن تخصصات كلية الاقتصاد والاداره والي تخصصو قانون في اي كليه ؟؟؟
اللله يسعدكم ردو علي