رأيكم يهمنا:تقييمكم لدكاترة ودكتورات قسم نظم المعلومات الإدارية(طلاب\طالبات)

[D0Da]

السلام عليكم

ياليت تفيدوني في بعض المواد من ناحية الاستاذة * شرحها , اختباراتها , تعاملها مع الطالبه * ومن وين نذاكر كل مادة يعني كل استاذة من وين تجيب اسئلة الاختبار:

* قانون تجاري مع رغدة العقل

* تحليل كمي الاعمال مع امل دمنهوري

* اساسيات البرمجه مع انس فتوح

* تجارة الكترونيه مع شيماء رشاد

* سلوك تنظيمي مع وفاء توفيق اليافي و آلاء احمد عبدالعزيز حسام الدين

* ادارة العمليات مع اسماء باهرمز


ومشكورين مقدما

[بنت ناس وقلبي ألماس]

وعليكم السلام ورحمة الله وبركاته،،

هلا أختي،،

بالنسبة للقانون التجاري هذا رد وحدة من العضوات اللي درسوا معاها :

المشاركة الأصلية كتبت بواسطة مناهل منصور قانون تجاري مع استازة رغده بدون اي تفكير مررة طيبة ماشالله وشرحها بيرفكت بس اهم شيء تكتبي معاها الشرح او سجلي .. اختباراتها اﻻول كان صعب التاني والفاينل جدن سهل وتعطي بونس فالفاينل ...

بالنسبة لدكتورة شيماء درست معاها إدارة معلومات المشروع وكان شرحها مره حلو وأسئلتها أغلبها من التست بانك لكن عيبها تنقص البنات في المشاركة والتكاليف .

الباقي ما عندي خلفية عنهم فيفيدونك فيهم العضوات والأعضاء،،

ملاحظة: بالنسبة للتحليل الكمي والسلوك التظيمي والقانون التجاري وإدارة العمليات راح تلاقي الجواب عنهم في هذا الموضوع بما إنها مواد خاصة بمستجـد أعمال عام :

http://www.skaau.com/vb/showthread.php?t=647923&page=1

بالتوفيق.

[جولي انا]

المشاركة الأصلية كتبت بواسطة d0da السلام عليكم ياليت تفيدوني في بعض المواد من ناحية الاستاذة * شرحها , اختباراتها , تعاملها مع الطالبه * ومن وين نذاكر كل مادة يعني كل استاذة من وين تجيب اسئلة الاختبار: * قانون تجاري مع رغدة العقل * تحليل كمي الاعمال مع امل دمنهوري * اساسيات البرمجه مع انس فتوح * تجارة الكترونيه مع شيماء رشاد * سلوك تنظيمي مع وفاء توفيق اليافي و آلاء احمد عبدالعزيز حسام الدين * ادارة العمليات مع اسماء باهرمز ومشكورين مقدما

بخصوص السلوك التنظيمي تأكدي من رمز المادة لأن وفا اليافي تمسك الادبي مش العلمي
واذا هذا جدولك ترا مرا صعب عليكي توفقي بينها مرا ضغط كذا مواد دسمة
العمليات افضل شي اسماء وبعدها ايمان وابعدي عن سيدة
التجارة سهله وشيماء كويسة شرحها مرا مرا ممتاز وهذا اول ترم تمسك تجارة معرف كيف حتكون
قانون تجاري وبرمجة مافي مجال تغيري مافي الا دول ماسكينها وكلهم كويسين مررررررررا

[الهيملي]

ياشباب أحد يعرف هالدكتور : دانيال محمد نورالدين الغزاوي ... شبكات الأعمال .

[‏cДяǎṀёŁǎ™●•]

اتوقع والله أعلم ما في غيره يدرس هذي المادة..

هوا أستاذ فاهم تمااااام الي قاعد يتكلم عنو

بس أحس عيبه إنو يشرح كإنو عندنا خلفية عن المادة مو كإننا أول مرا نسمع بالمعلومات دي

نظام الدرجات : 40 نهائي و 15 ع الدوري الاول و الثاني, و عشرة على الكويز الأول و 10 ع الثاني , و 10 درجات ع المشروع الي عبارة عن بحث بسيط و برزنتيشن بشرط إنو من دون نسخ و لصق

و الكويزات تكون فجاءة و يختار الأوقات الي يتوقع فيها غياب كثير زي الأيام الي قبل الإجازة او بعد الإجازة .

بس بصفة عامة المنهج قليل و ما فيه ديكا الصعوبة

(أخذت المادة السنة الي فاتت , الترم الأول فما أعرف إذا نفس الأسلوب أو اتغير)

و الله يوفق الجميع ..

[ماجــد غير]

ممكن رايكم بدكتور ويليام كودو ؟؟ .. كثر عنه الكلام انه كويس وسيئ ..مافهمت .. ممكن احد قد درس عنده يفيدني عنه ؟؟؟

[Meso The Lemon]

اهم شي عند الدكتور دانيال عشان تضمن الدرجة هوا انك تسجل الاسئله اللي يسالها
هذي الاسئله هي اللي يجيب منها الاختبار النهائي والميدات و الكويزات
وهي اللي تضمن لك الدرجة
كل ما يسال سوال سجلو
انا اخدتها الترم اللي فات معاه, اهم شي الحضور لانو لو غبت واختبر كويز, مهما كان عذرك خلاص راحت الدرجات عليك
ومن دحين اقلك في احتمال يقلك عن شي اسمو coursera
موقع كورسات اونلاين طلب مننا ناخد كورس متعلق بالشبكات واعتبرها بونس 5 درجات
وختاما اقول, اهم شي الاسئله اولا واخرا

[الهيملي]

حبيت أسأل عن الدكتور جايابر اكاش كار كيف طريقته وأخلاقه ودرجاته وحضوره ... إلخ لأني ناوي أنزل أمن معلومات في الصيفي وكنت منزلها عند دانيال وتغير الدكتور ياليت تفيدوني .


شكرا .

[كاسبرينو]

المشاركة الأصلية كتبت بواسطة ماجــد غير ممكن رايكم بدكتور ويليام كودو ؟؟ .. كثر عنه الكلام انه كويس وسيئ ..مافهمت .. ممكن احد قد درس عنده يفيدني عنه ؟؟؟

الدكتور ممتاز كشرح لكن رجل يعطيك حقك بالاختبارات ويهتم بمذاكرة الكتاب والغيابات عندهـ عليهم خصم .

[spop]

خالد مفوز سليم نظم معلومات موارد بشريه
صباح الصومالي تجاره الكترونية ايش رايكم وكيف المادتين تحتاج فهم ولا حفظ ارجوووكم