ثقافةة الشيء الجديد بالمجتمع السعودي

[خالد9921]

عاد اللي يبي يشك والا يزعل مع نفسووو !
وأساساّ أي إختراع وارد علينا فيه من الخير مثل مافيه من الشر ..
بس بعض الناس يعيش على إن مجتمعه اللأفضل ومجتمع الفضيلة ..
في حين إنه يرتكب حماقة من شدة الغيرة وهي حماقة الشك بالمجتمع والوسوسة !!
وهذا اللي نلاحظه تجاه رفض البعض هالاختراعات يوم طلعت لنا ..
او قد يكون طرأ على احد معارفه سوء سلوك تجاه إختراع ما

لذلك مع نفسه اللي يشك والا ما يتقبّل ..
وكل واحد مسؤول عن نفسه وتعامله تجاه هالاختراعات..
مثل مافيه قناة القران الكريم .. فيه قناة ستار اكاديمي .. عقلك وش يبي منهم (:

اذكر بـ 2007 فاجئني صديقي برابط موقع غريب جديد إسمه فيس بوك
قال خالد تعال بوريك شي مره حلو .. قلت شنهو ؟! قال خذ شوف بروفايلي
كان موقع ميّت .. ومسوي زحمه في بروفايله بصور ناديه المفضل وهواياته .. !
قلت يا رجل طير بس وش هالموقع الميّت
خلصت المنتديات وما بقا الا تمارس فضاوتك بصورك في ذا .. !
كان وقتها موقع ما يحمس ابداَ ويكاد يخلو من المُسجلين وما يشد بكثرة مثل ما الآن ..
سبحان الله مرت السنين وتسبب هالموقع في ثورات دول ..
الشي الحلو إن بعض الناس عندنا
بدأت تأخذ التعامل مع هالموقع
على محمل الجد وهذا المطلوب إستثمار الإستخدام لأي شي .. !

المشاركة الأصلية كتبت بواسطة عـالي مستواه موضوع حلو

المشاركة الأصلية كتبت بواسطة عـالي مستواه دائماً الشي الجديد فعلاً يصير كذا .... وأنا في الإبتدائي لحقت على أيام كان الستالايت ( الدش )

اووه إنت جايب ادلّه صارخة فتحت الجروح معها
اذكر من قبل كان معنا الأريل اللي يجيب مصر كان إختراع خيالي !
معلّق في الماصوره
وكل ساعتين تلفه يمين والا يسار حسب مزاج الهوا وما يلقط الا بالليل ..

كان لنا جار قدام هو ماشاءالله واصل ومطنوخ الحاره
وبلا سابق انذار ركب هالدش الاولي ابو جربوكس ويتحرك بريموت ..
يحلفون ان انا واخواني كنا نراقب هالاختراع المريخي فوق سطحنا 24 ساعه
وزيد معنا كل سكّان الحاره انواع المراقبه كل ما طال عمره حرّك الدش
ونقول يالله السلامه اخر الزمن اخر الزمن ههههههههههههههههههه !











مرّت الايام .. وصرت اتوقع يجي اختراع ينقلنا لاي مكان بدقايق ...



طرح من أروع ما يكون
شاكر لك

[صقر الشمال]

مرحبا
يعطيك العافيه خيتوو سمر
قبل ابدي وجهه نظري دائماً مواضيع الساحه تتحول مثل مايقولون مضاربات وبعدها حتي تتدخل الشرطه مابيننا
كل واحد حر بطرحه وه نظره عادي ليش معصبين ومكبرين السالفه!!
طيب انا عندي جوال ابو كشاف - حق ابو هناد - ولا عندي بريد عندي حمام زاجل يوصل مسجاتي
وعندي راديوو اسمع الاخبار مو نفس الشي يوصل المعلومه
تعليقي
----
انا اخالفك بنقطه واحده فقط لاغير انو الشعب نسبه واحد بالميه لا مو كلهم
نعم مع التطور والتقدم بكل شي نحب الشي الجديد وسرعه صحيح لكن كل واحد حسب نيته وضميره
سوا في الفيس او غيرها حسب التربيه مو كل من له موقع او عندو بلاك بيري حكمنا عليه البعض لايعرف شي خالص وتحصل عندو البلاوي والعكس صحيح انا ماحط الامور هذي مقياس ابداً احددها بشرط العاقل حكيم نفسه
وسلامتك صحيتوني من عز نومي -- شدني الموضوع من سمعت هوشتكم
هههههههههههههههه
تشكراتي

[أحـمـد ظـافـر]

كـلآمـك صحـيـح

أنا أرى إن هذهـ الثقآفـة بدأت تتلاشى ...

شكـــرآ

[مشعل العجمي]

يا اخوان انا اتكلم عن الناس المحافظين الي لهم حريه رفض هذه الاشياء او انتقادها او الاستفاده منها حسب مايرونه يناسبهم

اما ثقافة مع نفسه
فهذي ثقافه ناس منفتحين وكل واحد همه نفسه
يعني ما تفرق عنده اذا احد من معارفه يتعرف في الفيس بوك او يشوف مقاطع... الخ
بكره يقولوا المسجد موجود والكنيسه موجوده
وكل واحد يختار الي يناسبه ... هذا مو منطق

[rude.d]

زيي
جوالات الكاميرا
ماكانت ممنوعه ومدري ايش.. وتصورك من تحت ملابسك وكلام قيل وقال

الايفون نزل من زمان
بس يقلك ليه اشتري جوال بـ 3الاف
ودحين سار اكثر وينباع .. بعد سنين اكتشفو اييش هوا الايفون..

الرسيفيرات... سبقني اخوي فيها من جد كانت ف الصميم

وانا اشوف اوضح شي الجنز :\
ماكانو يقلك اوف حرام تشبه ومو رجال خليك ع الثوب ههههههه
دحين تقريبا انقرضـو.. وبقي شويه يدس ( الجنز ) وربي في شنطه السياره
عشان ابوه واعمامه وعيال ديرته لا يقولو سار

مشكووره اختي ع الموضوع الرائع

___

[ديمااااا]

تصدقون دائم ابى اعرف وشهو الفيس بوك واقول بعدين اعرف وشهو . توى اعرف انه مكان للتعارف لا وبعد البلاك بيري ماعرف استخدمه خخخخخخخخخخخ كانى عجيز والايفون اشوفه مع اخواتى ووالخ اتحاشه ماعرفلوة ترا اتكلم جد خخخخخخخ ,, موضوع رائع

[سمر آل احمد]

كفيتوا ووفيتوا ولي رجعة اعلق عليكم نفر نفر

لكن اللي يقول قلبنا الموضوع هوشه !!!
بالله يعني انا وش بستتفيد من نوع جوالك شيء مايدخل المخ ولا له فايده
اوك انت عندك ابو كشاف انا وش دخلني الله يزيدك وهذي قناعتك بس انك ترفض مثلا الايفون وتقول انه شيء مو كويس مو ل شيء سوا انه جديد عليك مثلا ماتعرفه

ومن يقول الفيس للتعارف هذا عيب اللي يخطف الكلمه من راسها

وبالنسبه لثقافه ناس محافظين اظن نبهت وكتبت بالموضوع اني ما اقصد الاشياء المحرمه شرعا !!!

[تلميذ منتسب]

8

المشكلة ليست بالتقنية والتطورات الحاصلة فيها

ولكن المشكلة فيمن يستخدم تلك التقنية ويوظفها توظيف غير سليم

مواكبة العصر عن طريق التقنيات مطلوب والدخول فيها واستخدامها برأيي يعتبر جيد وفعّال

الناس يغزون العالم بالاساليب المتطورة والحديثه ونحن نقول اتركوها !!!

طيب لماذا مثل هالتقنيات لا توظف في خدمة " لا اله الا الله " ؟؟؟

يعني ان تبقى انت على اساليبك القديمه والناس يستخدمون الاساليب الحديثه والمتطورة فهذا امر غير منطقي

السلاح بالسلاح والوسيلة بالوسيله

يسلموا على الموضوع وتقبلوا مروري ،،،

[صقر الشمال]

المشاركة الأصلية كتبت بواسطة سمر آل احمد كفيتوا ووفيتوا ولي رجعة اعلق عليكم نفر نفر لكن اللي يقول قلبنا الموضوع هوشه !!! بالله يعني انا وش بستتفيد من نوع جوالك شيء مايدخل المخ ولا له فايده لا عندي انا يدخل المخ ليش مايدخل المخ يعني مااقدر اتصل منو0 عادي شو المشكله يودي الغرض!!! اوك انت عندك ابو كشاف انا وش دخلني الله يزيدك وهذي قناعتك بس انك ترفض مثلا الايفون وتقول انه شيء مو كويس مو ل شيء سوا انه جديد عليك مثلا ماتعرفه من قال انو مو كويس انا سبق قلت لك مع الشي الجديد ومع عصر التطور لكن كل واحد حسب مزاجه 0 مو مسئله مابعرف عنو شي لا بس كل واحد حسب طبيعته وحسب التربيه اللي عايش فيها سوا استخدمو بصح او العكس00 ترجع لشخص نفسوو ومن يقول الفيس للتعارف هذا عيب اللي يخطف الكلمه من راسها لتعارف وغيرها في كل شي في الصالح والطالح وبالنسبه لثقافه ناس محافظين اظن نبهت وكتبت بالموضوع اني ما اقصد الاشياء المحرمه شرعا !!!

اخيرا خيتو سمر انا كلاامي واضح اقصد حسب ثقافه الشخص0 بمعني نحب الشي الجديد ونحب ومع عصر التطور الجديد وهذا شي طيب لكن في اصول الادب بعيد كل البعد عن الحرام 0 اتفق مع كلام اخي مشعل العجمي
وجهه نظري الشخصيه

[توونآ]

يختي هيا جات ع الفيس ولا البلاك
ما كل العرب كذا اخر من يوصل لهم الاختراع واسوء من يستخدم الاختراع > حكمه بابا
العرب كـ كل محتااج فرمته من اول وجديد