اريد شرح الجدول

[سطام العيسائي]

يا اطباء السلام عليكم حبيت اعرف طريقة الجدول يعني احد يشرح لي الجدول ومن هذا الرابط تحط الجدول ويطلع لكم جدول الكليه

http://medicine.kau.edu.sa/Default.a..._id=140&lng=AR

بالله احد يدخل ويشرحه لي

[JuStice]

.

وعليكم السلام ورحمة الله وبركاته ,

واضح الجدول ولا مو ...

أول يومين تعريفية .. وأعتقد بـ تكون خلالها المقابلة الشخصية ,

الدوام الرسمي يبدأ من الإتنين وأول شي عندكم هو الـ foundation .. وهي عبارة عن كورسات صغيرة لـ مواد حـ تاخدوها بعدين بالتفصيل .

يعني أول كم أسبوع حـ تاخدوا في محاضرة الـ foundation المصطلحات الطبية .. ولما تخلصوا منها , يصير تنتقلوا للكورس التالي وعلى أيامنا أخدنا بعدها medical skills ,

وزي كدا كل كم أسبوع تاخدوا شي ولما تخلصوا تنتقلوا للي بعده , عندكم بعد الـ skills حـ تاخدوا : physiology , pharmacology , microbiology , parasitology .

بعدها عندكم 3 محاضرات في القاعة الرئيسية بـ مبنى 2 : تشريح , خلايا وأنسجة , كيمياء حيوية .. وبعد الظهر دائمًا بيكون العملي .

طبعًا راح يتم تقسيمكم لـ مجموعات (groups) , عشان العملي ما راح تاخدوه كلكم مع بعض .

إحنا كنا مقسمين لـ 4 مجموعات .. بس أنا شايف في جدولكم 3 بس , عمومًا .. بعد الظهر كله عملي من الساعة 1 إلى 3 : مجموعة 1 عندهم تشريح بـ يكون في المشرحة مبنى 8 (:

مجموعة 2 عندهم معمل بايوكمستري حـ يكون في مبنى 7 .. ومجموعة 3 عندهم معمل هستولوجي (خلايا وأنسجة) في مبنى 8 الدور الأرضي , أول ما تدخل المبنى يكون المعمل أمامك مباشرة على بعد عدة أمتار ^_^"

بعدين من الساعة 3 إلى 5 ; مجموعة 1 عندهم معمل بايوكمستري , مجموعة 2 عندهم معمل هستولوجي ومجموعة 3 عندهم مشرحة .

هدا شرح لـ دوام أول يوم .. وزي كدا باقي الأيام .

.

[ساحر البسمة]

معليش عندي سؤال شوية غبي لكن
مجموعة واحد ما تاخذ معمل هستولوجي
ومجموعة اثنين ما تاخد تشريح
ومجموعة ثلاثة ما ياخذوا عندهم معمل بايوكمستري
ولا كيف الوضع ؟

[JuStice]

المشاركة الأصلية كتبت بواسطة ساحر البسمة معليش عندي سؤال شوية غبي لكن مجموعة واحد ما تاخذ معمل هستولوجي ومجموعة اثنين ما تاخد تشريح ومجموعة ثلاثة ما ياخذوا عندهم معمل بايوكمستري ولا كيف الوضع ؟

.

مرحبًا أخي ساحر البسمة

أكيد ياخدوا .. أنا شرحت دوام يوم الإثنين بس , لو تلاحظ في اليوم التاني كل مجموعة تاخد اللي ما أخدته باليوم السابق من معامل .

دوام يوم الثلاثاء من الساعة 1 إلى 3 : مجموعة 1 عندهم معمل هستولوجي , مجموعة 2 عندهم تشريح ومجموعة 3 عندهم معمل بايوكسمتري .

.

[M.Radoy]

هذا اكيد للفرع الرئيسي لكن شمال جدة كيف نفسه ولا ؟

[شفع]

خلاصة الكلام ان الدوام يومياً من الساعة 8 ص - 5 م <~ انطباع سيء الله يعين
والجدول واضح
بس اللي مو واضح نظام البريك ووقت الصلاة .. كل اليوم ما فيه غير ساعة !
الله يعين

[واثق الخطا]

البريك كل يوم ساعة واحدة فقط من 12 الى 1 تصلي وتتغدى فيها في الغالب نروح المستشفى الجامعي أو نمشيها كتكات او تويكس يعني مشي حالك

الدوام الى 5 لكن نادرا تحصل والله

بعدين احساس حلو انك تروح مع طلوع الشمس وترجع مع غروبها زي كل الكائنات النهارية في الدنيا الفسيحة

:)

[شفع]

المشاركة الأصلية كتبت بواسطة واثق الخطا البريك كل يوم ساعة واحدة فقط من 12 الى 1 تصلي وتتغدى فيها في الغالب نروح المستشفى الجامعي أو نمشيها كتكات او تويكس يعني مشي حالك الدوام الى 5 لكن نادرا تحصل والله بعدين احساس حلو انك تروح مع طلوع الشمس وترجع مع غروبها زي كل الكائنات النهارية في الدنيا الفسيحة :)

الله يجزاك خير .. هذا وانا كاتب بس كلام مو سؤال .. :)
بس حلو بعد زي كل الكائنات النهارية في الدنيا الفسيحه ... :(